コミケ(comike) 經驗談 + 再搬屋

琴晚發現想係企業參展商買o既野已經售罄,
計算過一來一回都差唔多成千Yen,
去迫コミケ又攰到嘔,
再加上對同人誌興趣不大,
所以決定今日都係唔去。



コミケ健議:

1) 唔買catalog的話, 係唔會知道有咩參展商/同人團體,
雖然貴左少少, 但都真係要買黎睇。
仲要係預先睇定, 雖然當日即場都有得買,
但時賣即睇, 只會臨急手腳亂。



2) 如果係想買企業參展商o既商品,
要預先上各企業參展商官網睇。

3) 真係有好想買o既野,
最好搵多幾個fd,
分開唔同target排隊,
如果唔係, 逐個排的話,
買唔到o既機會好大。

4) 對同人誌有興趣o既,
要預備大量500yen硬幣。

5) 帶足夠o既水, 最好1L左右或以上
仲要帶備乾糧, 因隨時一排就幾個鐘。

6) 要排除一切有可能令身體不適 or 肚痛等o既因素。
唔好因為難得黎日本就勁食魚生搞到肚痛。
傳說幾年前o既コミケ, 有個阿宅排なのは商品,
情願頼到成褲屎, 都唔捨得離隊去廁所=.=

7) 盡量減少帶不必要o既野去,
帶袋的話最好係背包,
如果唔係, 迫車、迫排隊時,
個袋會俾人夾住, 想郁都郁唔到。

8) 預早幫IC card (日本八達通) 增定值,
因為去o既時候, 唔會有時間俾你咁做......

9) 帶毛巾抹汗 (夏コミ)

10) 搭最早嗰班車去,
遲一班都差好遠=.=
官方明文規定唔俾通宵排隊。
(不過冇法律約束力)

11) 當日早上唔到飲太多水,
如果唔係排排下想去廁所就死得。


暫時係諗到咁多,
諗到再寫......

總之就係: 唔好睇小コミケ!!!!!





有關コミケ o既野告一段落。

早上hea到十一點半,
同KT先生去左食午餐,
然後就正式離開。

下一個落腳點係神奈川県o既川崎市。
黎緊三個星期將會住係以前第一個日本人日文老師屋企。

雖然話過左隔離縣,
但其實同東京勁近,
感覺好似由新界出市區咁。

準時1400去到川崎駅同老師匯合,
佢媽媽都係一齊。

由車駅搭十分鐘巴士就到。
住o既地方係一條比較舊o既商店街o既一間「一戸建」。
「一戸建」即係成日睇日本電視見到嗰啲,
一間兩層o既日式屋企。
不過因為呢間 「一戸建」係商店街入面,
所以冇前後花園, 樓下就係一間商店,
起居o既地方係一樓。

雖然係咁,
小弟都分到一間成「八畳」o既房!!!!!!
畳, 即係和式房間舖地下嗰啲長方形竹蓆板,
闊、長 為91cm×182cm,
日本人一般以幾多「畳」黎表示房間大小。

老師同老師媽媽超好客,
加上原來以前都唔少老師o既學生借宿過,
所以服務超周到!!!

遲啲問准過主人家之後,
睇下會唔會up啲相上黎。