不過所謂o既晏,
都只不過係0830。
黎到弘前第二日,
都未到訪弘前o既著名景點---弘前城。
弘前城, 係達成東北津輕地域統一o既藩主,
津輕為信, 所指示,
二代藩主 信枚 所建。
由1603年開始直至幕府倒台, 新政府廢藩呢260年間,
弘前城一直都係津輕地帶o既行政中心。
弘前城內o既南內門、北門、追手門、東門、東內門,
以及丑寅櫓、屒巳櫓、末申櫓,
全部都係現存古蹟, 日本指定文化財產。
而弘前城o既天守閣亦係日本現存十二天守之一。
弘前城範圍內種左爆多櫻花樹,
亦都有好多好有歷史o既櫻花樹,
所以弘前城係東北其中一個賞櫻熱點。
可惜而家係秋夏交加o既時間......
入面放左啲遮俾遊客借用。
睇下個介紹牌,
話呢個甕係當年蕃主用過o既陶器......
即刻眼到凸埋!!! 歷史文物用黎放遮!?
再睇埋落去:
......o既仿製品。
兩旁有茂密o既樹木,
就咁睇好似冇乜特別,
但全部都係櫻花樹!
試幻想下春天o既時候,
兩旁o既樹全部變晒粉紅色~~~
當然, 城o既溝、橋o既旁邊,
都係櫻花樹。
突然諗起一句:
「東風夜放花千樹 更吹落星月雨」
如果有機會春年黎就好喇......
日本旅行有一樣超級搵笨o既野,
尤其是東北呢啲以山水為景點o既地方。
最佳o既景觀係櫻花滿開同紅葉飄落o既季節,
亦即係春天同秋天......
除非住係當地, 如果唔係, 要睇晒兩景的話,
即係話你點都要幫襯日本兩次......
過埋下乘橋就到售賣入場券o既地方。
青BB咁, 其實都係櫻花樹。
而下圖嗰棵有名頭的,
叫「御滝桜」。
因為開花時,
啲花好似由石垣上飛瀉落黎o既瀑布咁而得名。
弘前城o既天守閣。
睇落好似好細咁。
事實上真係好細, 得三層。
不過細都有佢特色,
例如天守o既窗裝有鐵片(下圖)。
城入面都有好豐富o既歷史文物,
不過好多都係江戸時期o既野。
真野, 唔係仿製。
槍, 槍杆上有好閃o既裝飾,
應該係貝殼。
不過唔係望樓式o既設計,
所以冇觀景台。
成日話現守天守,
但除左內部木造結構,
其他野都唔知係唔係真。
但睇到上圖窗框o既缺口,
小弟就信喇。
木門連個鐵扣, 都睇得出係好耐歷史。
當然唔係講緊天然嗰啲啦。
河堤都咁靚,
春天開滿櫻花真係不得了。
1100,
番番旅館拎行里,然後離開弘前, 離開青森,
離開本州!!!!!!
先由弘前搭車到青森,
再搭到蟹田。
(講起蟹田, 就即係風o既城鎮)
署名o既係 太宰治,
太宰治, 係日本冇人唔識佢。
佢係日本近代大文豪,
如果要比的話, 就應該係巴金嗰個level。
最出名o既著作叫《人間失格》(意譯: 失去作為人o既資格)
講出蟹田o既緯度同羅馬、倫敦一樣。
通常黎講係唔可以搭特急,
因為特急要另外俾錢買飛,
不過都有例外:
就係由蟹田到木古內呢段橫跨津輕海底,
連接本州同北海道o既路段。
點解? 因為呢段路完全冇普通車, 只有特急......
下一個站就係 津輕今別,
故名思意啦,
過埋呢個站就要告別 津輕,
(津輕即青森一帶)
進入津輕海峽隧道。
而過左 津輕今別 之後,
鐵路o既路段就屬於JR北海道,
而唔係JR東日本。
出左遂道, 再次見到光明時,
小弟已經係身處北海道!!!!!!
係木古內轉普通車到函館。
其實頭先嗰架特急係去函館的,
不過青春18只係包蟹田到木古內路段,
如果你矇剩剩搭過龍, 就會俾乘務員追收你錢......
所以小弟要係呢度落車, 搖多成粒鐘先到函館。
1830,
搵野食。
黎到北海道,
當然係食拉麵啦。
求其入左間乾乾淨淨,
但講到自己好有歷史o既拉麵店食。
好多人(包括日本人)都以為北海道拉麵,
係濃湯底, 上面放海鮮, 然後加牛油。
其實真正o既地道北海道拉麵.
係通鹹味湯底先真。
呢間店用o既係粗麵,
個湯底清得黎夠濃, 啱小弟口味。
另外side order左餃子&煎蛋春卷(煎蛋代替麵粉皮)
聽朝去埋日本最前衞o既城池---五陵郭,
之後就正式出發到WWOOF o既宿住。
過埋今晚就唔知有冇得上網,
所以聽日篇BLOG可能要成個月之後先可以upload上黎嚕......
沒有留言:
張貼留言