WWOOF第二日 --- 夜觀天象

今日得一個字: 「攰」!!!!!!

原因係今日成日都要剪草。
當然唔係用手剪啦。

雖然有汽油推動o既剪草機,
但唄係嗰部成十公斤o既野剪足六個鍾,
都唔好話唔攰。

就咁剪就唔會好攰o既,
問題係啲草好長,
剪左之後啲草會砸住個剪草機,
於是要fing個剪草機挑開啲草。
唄住10公斤野fing足六個鐘.......



做到1700, 收工~

坐係凳度望住有「北海道富士山」之稱o既羊蹄山~
癒された～





落左幾日雨(都係兩日啫),
今日終於等到好天。
黎到山卡啦地方,
唔睇星做乜!?



一舉頭望向天,
成天都係星!
仲有銀河!!! 係銀河!!! 唔係銀行!!!!!
小弟應該係有生以黎,
第一次用肉眼睇到銀河!!!



不過秋季星座普遍比較暗,
加上星星真係多到數唔晒,
所以都唔係好分左啲星座。



都唔知影緊邊忽喇,
反正就係向住多星o既地方影。

不過後來開始多雲,
撤退。