WWOOF第六日 --- 第一次休假

星期日, 迎來第一個係農莊o既假日。

其實應該瞓到晏一晏都冇人理,
不過為左培養良好o既生活習慣,
所以都係決定0700起身去食早餐。



因為大家都有事在身,
所以得番我同個台灣男生留係屋:
屋主兩夫婦去左老人中心做義工,
太子同佢香港女朋友去辦公事,
(唔記得左講, 走左個日本男仔, 黎左個台灣女仔)
台灣女仔去左札幌買野。

所以中午只好食自己......

意外地屋主高橋太太, 曾經學過整中國菜,
所以屋入面有好多廣東菜o既材料,
於是整左個福建炒飯(冇燒鴨粒),
同埋一個炒雜菜。

其餘時間做乜,
正好由之前東北旅行開始,
積埋積埋好多動畫未睇,
於是趁今日清梗啲,
真係可謂「動畫睇不盡, 聽朝更又新」......

再加上十月, 又到左換季o既時間,
又係時候準備下一季o既動畫list......

好在呢度有得上網咋.......



順帶一題,
唔係小弟唔出外,
而係今日落雨,
所以冇出外o既打算。