WWOOF第十一日 --- 市役所転入登錄

今朝起身, 涼左好多,
好似話得番12度。

不過一拎起個剪草機fing,
個身暖起黎就啱啱好。

黎左 蘭越 咁耐,
都未去到市役所做転入登錄。
(即係搬過黎要做o既人口登記)
放假又放係星期日,
役所都唔開,
所以今日同宿主講,
咁啱今日要去圖書館還書,
所以帶埋小弟去做転入登錄。

平時見到啲城市,
一個縣分唔同市, 再細分成唔同區,
每一區有一個區役所,
類似香港o既民政事務處啦。
不過北海道呢啲渣半個鐘車都唔見隻鬼影o既,
就冇分得咁細。
成個蘭越得一個役所,
所以唔叫區役所,
直頭叫「役場」。

可能比較少外國人黎呢頭,
再加上呢個搬屋做登記o既法例都係今年年中先開始,
所以蘭越役場o既人都好似唔係好知要點做。
ANYWAY, 搞左十五鐘搞掂, 走人。

經過超市, 順便買左兩支汽水......
不嬲都唔太鐘意飲汽水,
不過辛苦完之後都係想飲番杯~