WWOOF第十五日 --- 香港代表

呢個WWOOF o既膳食一啲都唔差,
餐餐都可以食到反肚, 一定有剩。
而且屋主夫人學過中菜,
煮餸o既方式都好似貼近華人,
所以口味方面一啲都唔係題。


不過唯一o既問題係,
佢地盡量都係食番自己有o既食材,
於是每一餐都係:

茄子
南瓜
青瓜
翠玉瓜
蕃茄
粟米(收成期已過)



一星期先會網購雞肉、豬肉等。

再加上雖然話菜式貼近中菜,
但始終都唔係華人,
所以好多調味、食材都未能好好運用。

於是每一餐食黎食去o既配搭都係咁上下......

唔係話頂唔順,
但一來, 既然可以的話, 當然想食野啲唔同種類o既餸,
二來, 見到好多食材都冇用,
當然想好好運用。

於是WWOOFer們都開始提議自己煮野食。
先係之前個台灣男士煮即台灣風味即食麵。
然後有北海道女仔煮地道菜。



作為香港代表o既小弟當然唔可以丟架,
將會係星期五下廚。

經過小弟徹底地搜查過屋主o既廚櫃之後,
發現真係有好多中國o既食材:

蝦米
蝦乾
梅菜
羅漢果
陳皮
五香粉
孜然粉
等等

雖然係好似好多,
但問題係冇乜肉, 同埋菜o既種類黎黎去去都係頭先講嗰啲,
所以諗要做咩菜,
真係諗到頭都大埋。

最後小弟決定整:
福建炒飯(雞肉代替火鴨粒)
薯仔炆雞
冬瓜盅

除左福建炒飯之外,
其餘都係第一次整,
不過應該冇問題o既,
反正見方太教煮餸,
都係將適量o既油, 加適量o既鹽,
然後撈適量o既糖, 落鑊係咁依兜兩兜,
最後會因為時間關係, 好快就有得食......