WWOOF第十八日 --- 小弟一人主理晚餐

今晚到小弟煮飯......

1630一完左農場o既工作,
就開始落手煮餸。
先係冬瓜盅,
因為蒸都要蒸差唔多兩個鐘......

將適量o既豬肉、
冬菇、蝦乾、薑、蘿蔔等
放入冬瓜入面,
適當地蒸個零兩個鐘,
因為時間關係,
最後落適量o既鹽就搞掂......


第二道菜係咖喱薯仔炆雞。
將適量o既薯仔+適量o既雞,
係咁依炒下, 加水
然後加咖喱粉、奶、椰絲(冇椰漿......),
炆十至十五分鐘之後加鹽同生粉水,
搞掂。


第三道菜, 偽福建炒飯,
係咁依炒個炒飯底。
另外開個蠔油汁,
煮埋啲雞呀、翠玉瓜粒呀咁,
淋上個炒飯就搞掂。

個冬瓜盅睇落好似似模似樣,
但其實小弟覺得一啲都唔好味。
唔知係小弟整得唔好定係冬瓜品種o既問題,
啲湯同冬瓜肉都唔甜......
冬菇放得太多, 結果好似飯冬菇水咁......
不過其他人都話好好飲,
仲食晒三個冬瓜......

咖喱薯仔炆雞。
因為咖喱粉好食o既原因,
呢道菜幾好食。
再加上薯仔係今日新鮮挖出黎的=.=

唔夠食.....
早知放多幾個薯仔。

偽福建炒飯
小弟第三次做呢個菜,
所以都唔會差得去邊。
不過唔小心放多左糖,
個汁稍為甜左少少。
但個北海道女仔,
話呢個炒飯係佢一生食過最好食o既炒飯。
(佢o既一生都幾短暫下喎......)



初初仲諗住煮咁多野七個人食會食剩。
結果係全部清晒碟之餘,
另外煮o既四MUG米都食晒......
(炒飯已經用左四MUG)

就結果而言, 算係唔錯掛。



題外話,
記得以前有個教授對小弟講:

呀 Mxxxxx (<--小弟個英文名)
你~煮野食一定唔好食
做實驗同煮野食一樣
只要根住recipe黎做呢, 就一定做到o既
你連個實驗都做唔好
煮野食一定唔好食

小弟想話,
小弟由第一次煮野食開始,
除左睇下要用咩材料之外,
份量、時間等都係參考下就算,
從來冇量過用幾多c.c.水、幾多gram糖。
最緊要係試味、同埋隨機應變!!!!!!