聖地巡礼 《俺の妹がこんなに可愛いわけがない》

---聖地巡禮---

其實係之前 小樽 嗰篇BLOG都有提過,
http://japsleevefish.blogspot.hk/2012/10/blog-post_25.html
但小弟係度詳細啲再介紹多次。



咩係「聖地巡礼」?
講o既係動畫、漫畫出現過o既現實地點,
FANS到訪當地參觀,
甚至嘗試影番同動畫內鏡頭一樣o既相。

香港人好似冇乜聽過「聖地巡礼」咁,
但其實係日本已經存在左一段時間。
而且而已經成為左旅遊產業重要o既一環。
甚至會為當地帶黎意想不到o既收益。

要講帶起「聖地巡礼」呢樣活動o既契機,
可以數番幾年前o既一套動畫叫《らき☆すた》(LUCKY STAR)。
《らき☆すた》係以埼玉縣為故事舞台,
由於呢套動畫非常受觀迎,
於是有好多fans到埼玉縣, 動畫參考o既實景參觀,
為本身已經老人化o既小市鎮帶來生氣以及旅遊收益,
而當地o既一間神社, 搞得好不熱鬧!

有關《らき☆すた》, 小弟去過, 寫左兩篇
http://japsleevefish.blogspot.hk/2012/08/blog-post_27.html
http://japsleevefish.blogspot.hk/2012/09/x.html

近兩年, 更加有地區o既商會睇中呢點,
於是集資資助動畫工司製作動畫,
條件當然係以當地為故事無台,
其中o既表表者可以數

《True Tears》--- 富山県南砺市
《花咲くいろは》--- 石川県湯涌温泉
《輪廻のラグランジェ》--- 千葉県鴨川市
《TARI TARI》--- 神奈川県江の島
etc...

有關《TARI TARI》o既江の島, 小弟都去左, 寫左BLOG
http://japsleevefish.blogspot.hk/2012/08/blog-post_30.html

因為日本經濟一直冇起色,
再加上人口老化、少子化,
所以好多小鎮都為經濟衰退而攪盡腦汁,
聖地巡礼的確係其中一個辦法。

其他人例牌都會問,
「去番動漫場景參觀咁又點呀?」
你唔問下點解年中咁多人去赤壁旅遊?
道理都係一樣。



好, 講番番黎



之前由北海道番關東,
打算經一經千葉黎個聖地巡遊,
不過當時到達千葉已經天黑=.=

事隔幾日,
對於當日遊唔成, 心有不甘,
反正今日冇野做,
於是就搭車去了左個心願。



首先當然係千葉駅,
影唔係好困難, 亦都唔太尷尬,
反正小弟平時旅行都會影車站,
問題係點解唔見到簷篷上o既大字牌>.<

川崎大師

今日本來冇乜野做的,
不過見得閒, 於是去散下步,
目的地就係而家住o既地方十五分鐘路程o既川崎大師。

聽個名好似好型咁,
其實係佛廟一個。
當然呢個地方對海外遊客黎講,
並唔係話咩值得黎o既地方,
不過係日本裏面都算係比較有名o既寺廟。



川崎大師,
正式名稱叫平間寺,
為真言宗智山派大本山o既寺。
主要係供奉日本最出名o既僧人弘法大師(法號空海)。
冇錯, 就係高野山創山人,
同埋今日四國八十八ヶ所 o既始作俑者。

川崎大師附近o既駅

川崎大師o既參道

藤子・F・不二雄博物館 (多啦A夢博物館)

「多啦A夢」,
呢個名字應該冇人唔識,
就算唔係動漫迷, 就算對次文化冇興趣,
都一定會聽過呢個名。

而家o既世代, 小弟唔清楚,
但對於小弟80後呢一代,
多啦A夢(叮噹)的確係陪伴住我地成長,
為我地帶黎快樂o既回憶。



不得不承認小弟係有啲失敗,
之前係川崎住左三個星期,
都唔知原來川崎有個多啦A夢博物館。
(正確黎講係「藤子・F・不二雄博物館」)
直到之前九月, 因為係多啦A夢生日(100年前o既=.=)
有好多話題, 新聞亦都有題及,
小弟先知道川崎有藤子・F・不二雄博物館。

不過遲到好過冇到,
總算可以係番香港之前到訪藤子・F・不二雄博物館一次,
而呢個亦都係小弟先到關東, 然後先番大阪o既原因之一。



講多少少, 80後或以前o既年代,
大家應該聽開叫「叮噹」多過叫「多啦A夢」,
一來第一次接觸已經係聽「叮噹」,
二來「叮噹」兩個字比較鏗鏘、簡潔、順口,
亦都好符合角色o既印象(頸上o既貓鈴)。

其實「多啦A夢」先係原名,
「多啦」, 日文「ドラ」,
係由「ドラ猫」(貓o既種類) 衍生出黎,
絕對唔關「銅鑼燒」事。
而「A夢」, 日文「えもん」,
有一說係話係日文名字「衛門」,
而事實上藤子・F・不二雄老師亦都有「21エモン」這一作品。

不過因為早年中港台盜版猖獗,
未得授權已經用「叮噹」呢個名出版,
所以大朋友們都聽開叫「叮噹」。

及後, 將漢字圈入面「多啦A夢」o既名字統一,
成為左藤子・F・不二雄老師o既心願,
而經過各界o既努力之後,
藤子・F・不二雄老師亦都最終如願以償。



講番番黎,
同宮崎駿o既 三鷹の森ジブリ美術館 一樣,
藤子・F・不二雄博物館o既門票係預約制的。
香港要點買小弟就唔清楚喇,
係日本, 大家可以係LAWSON便利店o既售票機買到,
門票為1000yen。
不過唔識日文, 同埋唔熟識便利店購票機用法的話,
可能有少少難度。
ANYWAY, 因為真係有好多人o既關系,
小弟四日前係札幌已經買定飛。



由川崎駅搭南武線,
半個小時左右係登戸駅落車。
其實可以早一個站係宿河原駅落車行過去,
不過登戸駅有專巴直達,
快唔係快好多, 不過一場黎到,
睇下巴士都好丫。

回復退休生活

雜談1: 回復退休生活

番到黎川崎, 再次寄居係日文老師屋企,
唔洗做野,
淨係陪老人家菜下餸、放下狗咁......





雜談2: 前賣券

飛關東

因為連續兩晚都要寫好長篇o既BLOG,
加上呢兩日係咁行山, 勁攰,
於是今日瞓到0900先起身

離開旅館, 向北海道o既國際門戸---新千歲機場進發。
當然, 小弟冇咁快番香港,
只係飛關東, 再次係日本老師屋企暫住幾日。
其實冇咩特別計劃,
只係幾enjoy住係老師屋企,
又好掛住隻狗,
又好想再逛多次秋葉原,
同埋想去多啦A夢博物館。

反正飛東京同飛大阪o既價錢差唔多,
由東京再搭車到大阪都只係多花3000yen。
而住係老師屋企, 仲包兩餐, 免住宿添XD

於是小弟就乘坐jetstar,
由北海道一口氣落到去成田機場喇。



可能初初係農場時秤行里唔夠準確,
加上當時又未執好晒,
仲諗住預約寄艙25kg夠有突,
結果要寄艙o既行里最後係有34kg=.=
預約定寄艙唔係好貴,
但現場OVER WEIGHT就好甘,
於是唯有將9kg孭上身帶入艙。

話就話每人只可以帶10KG上身,
不過計埋相機、結緍禮物等,
小弟身上孭左14KG。
anyway, 可能因為行里睇落唔係好大件,
所以冇人理, lucky~

北海道 (定山溪 + 豐平峽 + 藻岩山)

晨早0600就爬起身,
為o既就係去札幌近郊o既地方睇紅葉,
小弟今年第一次真真正正o既睇紅葉!!!



0645去到札幌駅o既巴士站,
搭0700開後定山溪o既巴士,
搭一個鐘鬆啲就到, 車費比之前係歧阜平得多,
搭粒幾鐘都只係750yen。



離開左市中心,
沿途都已經滿山紅葉。

北海道 小樽 (附加《最終兵器彼女》聖地巡禮)

經小弟觀察,
如果下午先坐車走人,
宿主仍然會叫WWOOFer做埋上晝o既功作,
但坐太早o既JR例車, 又要好早爬起身。
於是小弟就揀左坐1015 o既車,
九點左右出門口, 起身時間同平時一樣,
而又一定唔洗做早上嗰更o既工作XD



食完最後的早餐之後, 仲有少少時間,
於是再逛多次個農場,
同呢個陪伴左小弟六個星期o既景色講再見~

唔只係羊蹄山,
連農場o既後山都積晒雪~
事關琴晚 -2 度=.=

WWOOF最後一日

今日係小弟係北海道WWOOF體驗o既最後一日,
不過今日o既工作如常,
全日坐係度滅豆=.=



講番重點先。

小弟都算好彩, 遇著一個唔錯o既WWOOF。
一日工作六個小時, 只係加過一次班,
餐餐實食得飽, 晚上自由時間任上網。

當然小弟冇參加過其他WWOOF,
不過由其他人口中聽唔少恐怖o既WWOOF,
例如五點起身開始工作到晚上六點=.=

有機會的話, 都想再黎探訪~



今晚最後的晚餐係すき焼き,
即係廣東話o既「壽喜燒」。
宿主因為聽小弟話未食過,
於是就趁今日出市鎮之餘買材料。

先用油開鑊, 然後放牛肉。

WWOOF第四十三日 --- トラ豆

今日o既工作,
係要將琴日摘落黎o既豆,
全部搣開, 淨係要中間o既豆。
以為好似好簡單,
但揻左成日先搣左三袋,
一共有十幾袋......

呢種豆叫「トラ豆」(TORA-MAME)。
トラ即係「虎」。
因為呢種豆有好似老虎咁o既紋,
所以起個咁o既名。

今日食完晚飯,
甜品係可樂撞雪糕~
好耐都冇食過

WWOOF第四十二日 --- 得番小弟一個

雜談一: 工作




一早送走左Y先生之後,
又開始一日o既工作,
今日上午o既工作係摘豆......

北海道 (二世古牛奶工場)

是日放假,
不過並冇打算話特別要去邊,
因為一來之前三個星期係咁旅遊都玩夠本,
二來而家得番小弟同Y先生兩個WWOOFer,
租車唔係好化算,
所以都係留係屋入面hea。

不過聽到宿主夫人話要買晚餐材料,
即刻爭住話要去買,
因為有籍口借用佢地架車出去。

於是下午, 好順利地,
小弟就同Y先生開車出去買野,
順便去逛下喇。

今次都係由小弟渣車~
認識小弟o既朋友都知有啲野,
小弟就唔係度言明喇。
而事實上, 之前幾次出車站買野,
都係小弟渣車, 絕對冇問題XD



ANYWAY,
沿途都係紅葉,
不過天氣都係陰天=.=

WWOOF第四十日 --- 隨手拍

琴日摘左成日山葡萄,
都估到今日o既工作係咩架喇。
果然不出所料,
今日全日六個小時o既工作,
都係坐係度將啲山葡萄逐粒逐粒搣落黎......

一日半日都還OK o既,
不過如果日日都只係做呢個工作,
就真係人都癲......
好在今日一日就搞掂晒......



收工,
難得天氣唔錯,
又求其影下相咁啦。

WWOOF第三十九日 --- 雜談: 山葡萄 / 煮飯 / 動漫

雜談一: 山葡萄



今日又有新野做,
早上用左一個小時執埋最後o既豆之後,
就要去摘「山葡萄」。

啱啱問過wiki老師,
睇黎「山葡萄」只適合係溫帶氣候生長,
所以香港搵唔到,
連wiki老師都唔知「山葡萄」中文名係咩,
只係佑道學名叫Vitis coignetiae。



雖然叫山葡萄,
但唔洗上山先有,
只係普通o既藤蔓類植物,
只要爬上樹就搵到。



於是小弟就要爬上兩三層樓咁高o既樹摘呢啲死人山葡萄......

WWOOF第三十八日 --- 雜談: 紅葉 / 坑 / 豆 / 女人

雜談一: 紅葉



之前成日話出去睇紅葉,
其實小弟而家呢個農莊對出o既樹叢,
就已經係一個紅葉美景。

以下o既相係係中午收左工, 而又未食飯o既時候影,
時間唔係好夠, 加上影影下唔夠電,
再者, white balance唔記得轉番auto(一直都係陰天mode)......
有機會再影過之後UP上黎,
而家大家睇住下面幾張先。

WWOOF第三十七日 --- 挖窿

真係好o既唔靈醜o既靈,
之前農場要趕住做o既野做晒,
同Y先生講笑咁講話遲下唔知會唔會叫小弟們斬樹、挖池塘。
果然第二日就要斬樹=.=

然後今日, 第二樣都中埋......

實質上唔係叫小弟們挖池塘,
叫係要挖一個大坑, 將啲唔要o既根、莖埋入去.....

於是小弟同Y先生就要挖一個1m X 2m o既坑。
由1600開始挖, 1630本身應該可以收工,
不過小弟同Y先生反正閒來冇事做, 大把美國時間,
於是繼續挖,  挖到大約80cm深o既時候,
有水=.=

有可能係因為呢排日日落雨,
於是到一定o既深度就有積水,
ANYWAY, 挖到有水,
小弟同Y先生都只好停工,
然後等聽日先將啲埋入去。

影左相,
不過太黑, 手機唔係影得好清楚,
所以留番聽日影完再UP上黎。

WWOOF第三十六日 --- 凍到...

唔知點解,
小弟o既WWOOF o既嗰一區,
係北海道最凍o既區域之一,
最低氣溫得4、5度,
最高都係15度咁上下。

日間當然唔會話凍到4、5 度,
不過問題係超大風=.=
吹到企唔穩嗰隻,
於是會覺得份外凍。



雪上加霜o既係,
由今日開始, 要係薯仔田旁邊o既田地割豆。
因為薯仔田已經被夷為平地,
所以想搵條草擋下風都冇,
焗住要食住風咁用鎌刀逐棵豆黎割......

WWOOF第三十五日 --- 冬菇

仲記唔記得上星期六o既冬菇工作。
http://japsleevefish.blogspot.hk/2012/10/wwoof_13.html

有好多冬菇做手信,
當然係唔食唔得啦!!!

當日o既晚餐就係食冬菇喇。

北海道 (蘭越 + 神仙沼 + 大湯沼 + 二世古牛奶工場)

話咁快又迎來一日假期,
之前宿主見小弟幾個人又係度PLAN租車去玩,
加上M小姐聽日就走人,
而宿主今日下午又冇乜野做,
於是主動話帶我地去觀光。



因此, 上午就吉左出黎冇野做。
小弟屎忽痕, 見早上冇野做,
於是決定做一樣, 黎左咁耐一直好想做o既事,
就係踩單車由農莊到蘭越車站。
路程一共9.8km......

WWOOF第三十三日 --- ちゃんちゃん焼き & 種菇場打工

琴晚o既晚餐係一道北海道菜,
叫ちゃんちゃん焼き(CHAN-CHAN-YAKI)

簡單黎講, 就係將啲菜同三文魚放係鐵板上面煎熟,
不過今餐冇三文魚, 於是用秋刀魚......
ANYWAY, 小弟唔係好食熟魚......

WWOOF第三十二日 --- 歡送FA小姐

琴日早上FA小姐走埋,
而家農莊o既WWOOFer得番小弟,
同埋兩個台灣人, Y先生同M小姐。

因為重要、要做o既野都趕係FA小姐走之前做晒,
加上由琴日開始一個星期都會落雨, 所以都冇乜野好做,
WWOOF宿住都諗左好耐先諗到俾咩小弟地做,
而要做o既事都好簡單, 一個早上絕對係做得完得凸,
於是小弟們亦都拖長慢慢做,
將一個小時可以做晒o既野變成做三個小時=.=

就咁, 一日又完結了......

如無意外,
聽日會有特別啲o既野做,
聽日再報告。

WWOOF第三十一日 --- 郵局銀行開戶

因為小弟有事要到銀行,
所以琴日同宿主講想出車站一帶。
(因為只有嗰度附近先有銀行)
咁啱Y先生都要去銀行轉帳。

不過因為琴日最後一日好天,
今日開始落一星期o既雨,
要趕係琴日搬晒啲稻草,
所以今日先有時間出去。

早上0830食完早餐就渣車出去。
其實小弟只係check下個戶口,
不過Y先生要開戶口。

小弟係大阪開戶口, 都搞左成45分鐘,
今次Y先生係呢啲地方開始,
可能職員都係第一次幫外國人開戶口,
結果搞左成兩個鐘=.=

晚上屎忽痕整燉蛋。
好耐冇整過......
食之前唔記得影相,
食到半路先醒起......

WWOOF第三十日 --- 雜談: LEO / 狸貓 / 紅葉 / 搬草

雜談一: LEO



呢隻就係之前一開始提過,
但影唔到相o既嗰隻肥貓。
隻貓叫LEO, 肥到乜咁,
平時好馴良, 不過成日蝦另一隻老貓。
ANYWAY, 呢隻貓任搞唔嬲, 又肥,
所以成日捉佢黎玩

雜談二: 狸貓



終於可以近距離見到狸貓喇,
不過又係係公路上俾車撞死左o既......
今次呢隻死得比上次隻狐狸更慘,
爆晒肚流晒啲內臟出黎......

WWOOF第二十九日 --- 歡送A小姐

平時都係七點左右起身的,
不過今日要晨早流流六點半起身......
(其實都只係早左半個鐘啫)
因為A小姐結束係呢度三星期o既WWOOF生活,
趕搭七點幾o既火車到機場,
而呢度o既習慣係有人走就大家一齊影相,
於是大家都係4、5度o既氣溫,
對住個燦眼到不行o既太陽,
縐住眉頭、打住冷震咁影團體相......

聽日o既朝早輪到FA小姐走人,
又要晨早爬起身=.=

WWOOF第二十八日 --- 十月入冬

北海道天氣轉涼唔係第一日o既事,
但今日睇天氣報告,
聽到話聽日氣溫4-14度,
真係倒抽一口涼氣......

而家大阪同都京都係咁上下, 18-26度左右......

北海道 (有珠山 + 登別地獄谷)

今日係星期日,
又係旅行o既日子喇。

今日風和日麗,
絕對係出門o既好日子。
0630就出發, 早過輪米......
今日去兩個地方,
第一個地方......又係洞爺湖附近......

目的地係兩個火山, 叫「昭和新山」同「有珠山」,
不過途中經過洞爺湖o既公園,
於是落一落車睇下。

WWOOF第二十六日 --- 蟲

今日講下「蟲」



甴曱:

之前都聽過有傳, 話北海道係冇甴曱的。
然後睇漫畫《甴曱娘》都係咁講。
(順帶一提《甴曱娘》半動畫化左, CV: 能登麻美子)
初初都唔係好信,
但有一晚食飯講起甴曱,
北海道土生土長o既FA小姐話真係冇見過真o既甴曱......

所以北海道可能係一眾怕甴曱o既人o既福地。

WWOOF第二十五日 --- 教日本人用梅菜

之前都講過呢個日本家庭爆多廣東菜o既材料。
屋主夫人曾經拎過一包梅菜問小弟點用。
的確, 啲咁o既野俾外國人, 真係唔知點用.
就算係小弟o既,
所知道要用梅菜o既就只有蒸肉餅同梅菜扣肉......

梅菜扣肉, 平時係屋企都好難做得好食,
莫講話小弟而家身在日本,
所以只有梅菜蒸肉餅呢個選擇。

WWOOF第二十四日 --- 土爐烤魷魚

之前係積丹半島旅行,
係神威岬o既賣店見到有乾魷魚賣,
即刻賣番包, 為o既就係燒魷魚!!!

不過因為之前幾日o既晚餐都比較豐富,
所以遲遲都未燒黎食,
今晚終於等到機會喇!!!

WWOOF第二十三日 --- 再戰薯仔

終於搬完稻草,
今日開始又番番去同薯仔有關o既工作=.=

割完草、收完薯仔,
當然就係分薯仔~

將爛o既薯仔同埋薯仔種揀走唔要,
然後將好o既分大細。
於是今日六個鐘就係企係度揀薯仔......

WWOOF第二十二日 --- 狐狸

今日仍然係要將啲草搬黎搬去,
不過就係農莊o既出口冇幾遠,
有一隻狐狸仔o既屍體,
見啲腸都唧晒出黎,
睇黎應該係俾車輾斃......
估唔到第一次近距見到狐狸,
竟然係狐狸o既體......

這就是人類對大自然帶黎o既災害。

WWOOF第二十一日 --- 親親大自然

今日o既工作,
係要將幾百米外稻田o既稻草搬番農莊。
當然唔係就咁托住行幾百米o既,
有貨車運載, 雖然係咁,
要將啲酒桶咁大碌o既稻草搬上車,
都唔係野小, 仲要最大o既問題係:
今朝落完大雨!!!!!

啲稻草索晒水, 超重,
仲要稻田都積晒水, 一片泥濘, 勁難行......