WWOOF第二十一日 --- 親親大自然

今日o既工作,
係要將幾百米外稻田o既稻草搬番農莊。
當然唔係就咁托住行幾百米o既,
有貨車運載, 雖然係咁,
要將啲酒桶咁大碌o既稻草搬上車,
都唔係野小, 仲要最大o既問題係:
今朝落完大雨!!!!!

啲稻草索晒水, 超重,
仲要稻田都積晒水, 一片泥濘, 勁難行......

因為落完雨o既關係,
稻草下面除左有好多蟲呀、蚯蚓之外,
仲有其他小動物。

青蛙當然不在話下,
仲要有蠑螈。
小弟咁大個人都係第一次親眼見到~
對眼圓碌碌, 都幾可愛。

坐係裝滿稻草o既貨車車尾,
望住藍天白雲, 有一種「一世過住呢種生活都唔錯」o既感覺。
當然, 想下好喇=.=

諗起《狼と香辛料》

除左朝早起身之前落過雨之外,
全日都冇落雨, 不過一直天氣都唔係好穩定,
多雲、潮濕。

就係四點幾大家準備收工o既時候,
天空出現彩虹。

彩虹唔難見到,
難就難在成條完整o既半圓彩虹,
本身18mm應該可以影晒成條84度o既彩虹,
不過小弟o既D700相機唔係full frame,
所以一句講晒, 都係影唔晒......

再睇真啲,
紅、橙、黃、綠、藍、靛、紫下面,
好似仲有其顏色?

有完整o既彩虹已經好少見到,
莫講話二重彩虹!!!
細心啲睇,
係鮮色o既彩虹外面,
仲有一條淺色少少, 但顏順序倒轉o既彩虹。

小弟都係只係以前中學科學堂聽老師講講,
親眼見真係第一次。

正正常常嗰條叫虹,
而外面淺色、顏色順序轉o既叫霓,
霓同虹之間比較暗o既區域叫亞歷山大帶,
詳情各位看官自己wiki一下喇。