魷日記: 紅葉京都第四日 (清水寺 + 円山公園 + 高台寺 + 知恩院 + 醍醐寺 + 毘沙門堂 + 本能寺 + 南禪寺 + 天授庵 + 永觀堂 + 哲學之道 + 銀閣寺)

因為部手提電腦年事已高,
所以雖然琴晚番網吧番得早,
但整理好啲相, upload埋之後,
已經係十二點幾一點鐘......

係紅葉o既時期,
係啲紅葉名勝要影相但影唔到人,
就只有一個辦法,
就係係冇人o既時候影。
晨早爬起身係不二o既辦法。

清水寺o既開門時間為0600,
所以小弟0430就起身,
0500由烏丸四條行到去京都駅,
然後搭0533 o既京都洛巴士到清水寺。
雖然時間只係早上o既五點幾,
但好明顯, 巴士上除左上班人士之外,
仲有兩三個旅遊人士......

果然咁屎忽痕晨早爬起身去清水寺o既唔只小弟一個......

補番, 都係嗰句,
小弟今次係睇紅葉,
所以對啲寺廟神社就唔多介紹喇,
有關清水寺、知恩院等o既介紹,
可以睇番之前o既BLOG
http://japsleevefish.blogspot.hk/2012/01/blog-post_16.html
http://japsleevefish.blogspot.hk/2012/04/incline.html

0550左右係清水道落車,
係附近o既便利店買飯團、三文治之後,
就開始上清水寺喇。

真係天都未光架~

因為太早, 雖然開左門,
但售票處仲未開,
要係門口直接買票。

清水寺o既入場券有春夏秋冬四個主題,
而家當然係「秋」啦。
好遺憾, 小弟差「夏」就可以儲齊一set......

雖然小弟目標係影唔到人,
但實際上當時清水寺除左晨運客之外,
已經有最少有十數個旅人。
上圖最右邊已經係其中一個......

主姻緣o既地主神社

雲霧繚繞, 好有feel

音羽の滝(上圖左下方)

影影下, 天都開始光喇。

京都駅方向

以前都唔覺有,
而家咁鬼先進, 用紫外線殺菌,
等旅客可以放心直接用鐵斗裝音羽の滝 o既水飲

清水寺對出o既地蔵院善光寺堂。
之前兩次黎清水寺都唔記得睇,
今次終於記得喇!!!

善光寺堂出名在個首振り地蔵,
話許願, 然後將地蔵個頭轉向願望要實現o既方向,
願望就會成真咁話。

佢個頭真係可以360度咁轉架!

則面

背面......

產寧坂(三年坂)

二寧坂

高台寺公園入口,
不過時間只係七點幾,
高台寺要0900開,
所以小弟先到冇時間限制o既円山公園睇先。

京都東山一帶最有名o既支垂櫻,
不過而家只剩下枯葉幾片。
想睇盛開o既枝垂櫻,
可以睇番之前o既BLOG
http://japsleevefish.blogspot.hk/2012/11/blog-post_16.html

円山公園o既小水池

坐低食左飯團同三文治之後,
都差唔多時候到高台寺了。

以前冇介紹過高台寺,
呢道講少少啦。
高台寺係為左吊唁寧々而建,
(唔係LOVE PLUS嗰個)
而寧々就係豊臣秀吉o既正室喇。
高台寺對出o既寧々の道,
都係因為當時寧々成日行經而命名。

呢條龍真係好深刻印象。

開山堂, 入面有寧々、寧々阿哥, 同豊臣秀吉o既木像。
而且開山堂入面o既裝修, 保留原狀, 冇修葺過,
非常值得細看!!!!!!
不過入面唔可以影相,
所以小弟放唔到相上黎。

屋頂o既鬼瓦都幾特別。

沿住呢條木橋上,
上面係一個靈屋,
寧々o既遺體就係葬係入面。
不過條橋唔通, 大家要順指示兜路上。

靈屋。
當然, 入面又係唔可以影相。

靈屋o既外面

沿上圖o既樓梯上,
就會到下圖o既茶屋,
係當年寧々用過o既茶屋,
豊臣秀吉都利用過。

高台寺入面o既Q版寧々同豊臣秀吉。

知恩院

男坂

女坂

行完高台寺,
本身計劃係經蹴上駅到南禪寺。
不過見時間尚早, 只係1030,
諗下諗下, 想去多啲地方,
所以決定係蹴上搭地鐵到醍醐同山科,
睇多兩個紅葉名勝。

地鐵有一日pass, 600yen。
其實大家搭去兩、三個地方已經有賺。
於是買番張,
先搭到醍醐。
由醍醐駅行十五分鐘就可以到達出名櫻花o既醍醐寺喇。
當然紅葉都唔差啦。

醍醐寺o既參道兩旁都係櫻花(上一圖、下兩三圖),
如果到左春天, 一定好壯觀。

雖然唔係鮮紅,
但枯左o既啡色櫻花樹葉,
另有一番色彩。

初初都諗好唔好俾錢入去睇,
因為醍醐寺真係好出名櫻花,
但紅葉就比較少聽。
不過最後都係決定俾錢入去。

一開始入去都幾擔心,
因為如上圖所見,
全部都仲係青BB。

入到去建築群就好啲喇,
有番幾棵紅葉樹。

本來都覺得算係咁架喇,
點知行到弁天堂, 實在係不得了。

睇完紅卜卜o既弁天之後,
就離開醍醐寺, 搭地鐵到山科駅,
然後行十五分鐘到毘沙門堂。
呢個都算係一個半冷門o既紅葉地方,
點知去到, 都比小弟朼想像中多人。

睇到上面個牌, 就知道有咁多人黎o既原因。
原來之前NHK (日本全國性電視台)介紹過呢個地方o既庭園。

上、下圖呢條路可以話係毘沙門堂紅葉o既代表。
不過今日都仲未係滿堂紅。
滿地落葉的話會更漂亮。

俾錢入去睇下呢個NHK都介紹過o既庭園先。

上圖睇好似唔錯咁喎,
但睇埋下圖, 其實好多地方做緊修葺......

水中紅葉樹

按參觀o既順硌行,
行到尾段會見到隻青蛙,
唔知係咪因為青蛙同歸去同音有關?
(「蛙」、「帰る」都係「KAERU」)

係地鐵站見到上圖o既廣告。
如果用日本讀, 完全冇問題,
但用廣東話讀的話......
唔知有冇鎮江橘大學=.=

見都係係地鐵沿線,
所以用盡張600yen PASS,
去埋本能寺。

其實本能寺同紅葉完全冇關係,
只係小弟一直都好想黎。
本能寺有咁特別?
熟識日本歷史o既朋友應該都知。
唔知咩事o既, 就查下「本能寺の変」啦。