大阪 日本橋

今日o既BLOG,
某程度上係受人所託而寫的,
所以內容並非個個啱睇。



關東有東京秋葉原,
中部有名古屋大須,
而關西就係大阪日本橋喇。

平時小弟都係由難波駅落車,
千日前嗰邊出, 貼住車站向南行,
然後向東轉入橙色線o既路。

橙色嗰條路已經開始有啲關於動漫、遊戲o既店舖,
其中最醒眼o既有COSPA、NAMCO等。

然後到達日本橋大街.
先會見到名牌時裝店高島屋, 然後轉向南行,
主要o既動漫舖頭都集中係藍色線大街兩邊。
出名o既店舖有animate, 信長書屋,
K-BOOKS, KIDS LAND等等。

過左藍色線範圍再向南行的話,
就主要以電腦、電器為主。



另外粉藍色線, 都有頗多店,
不過途經o既路似後巷,
所以好易唔為意睇漏眼。

反而粉藍色線沿路啲店仲把炮,
有とらのあな(虎之穴)、ゲーマーズ(GAMERS)、
MELONBOOKS、Yellow Submarine、
ジーストア(GEE! STORE)等等。


當然, 唔係淨係線o既兩旁,
係呢幾條線附近o既巷仔都有啲遊離o既店,
不過都係啲細舖仔, 而且密度唔高。

而MAID CAFE,
一般都係係粉色線兩端附近。



受人所托, 介紹下RIDER、超合金o既店。
主要有三間, 就係地圖上打星o既地方。

地圖上北面嗰粒星, 叫JUNGLE(上圖)
下兩張圖係店內o既其中一啲陳列品。

手震, 唔好意思......

中間粒星叫GUNPLA,
連旅遊書都有介紹,
主要賣同高達有關o既產品,
但都有啲合金玩具(下兩圖)

鐵人28, 真懷念。

南面嗰粒星叫ヒーロー玩具研究所。
一樓比較多RIDER,
二樓比較多合金。

主要就有呢三間,
當然仲有其他店仔啦,
粉紅色線周圍都有啲小店仔,
不過真係小到唔恨,
但有心的話, 除時會搵到寶。