水餃

今日本身應該係無所事事的,
不過經過common room,
有幾個台灣人話晚上包水餃,
於是問我加唔加入。

反正晚上都冇事做,
於是應承左話晚上幫手包。





晚上六點鐘左右,
見到主要負責嗰個台灣人已經預備緊,
於是問佢有咩幫手。

本身應該仲有一個台灣人話會幫手的,
問佢去左邊, 好似話佢十五分鐘前話拎電話去叉電。
結果我地由開始做到啱啱拎去煮嗰兩個幾小時,
嗰個人都未差完電番黎=.=

到食得o既時候嗰個人先悠悠閒咁出現,
話唔小心瞓著左.......
果然高招!!!!!!



ANYWAY,
包水餃呢啲費力不省時o既工作,
都係過程重要過個結果o既,
需然食唔食得都係一個重要o既課題。

問負責嗰個,
佢話買左千幾yen料,
total包左130隻左右,
仲要隻隻飽滿,
都幾抵食。



以小弟黎日本認識過若干台灣人,
似乎每個家庭都識包水餃,
就算唔係自己搓皮,
基本上都會撈飴調味。
反而同佢地講香港冇乜人自己包水餃, 佢地仲驚訝。



睇緊呢篇BLOG o既朋友,
你或者你屋企會得閒自己包水餃食o既話,
唔該留個言。