八日七夜 北首都圈 毒撚魷 第八日 --- 最後當然係秋葉原啦

連續三日o既ASL, 實在係太消耗體力,
今日瞓到差唔多夠鐘先check out。

傍晚機走o既關係,
日間仲有時間可以逛下,
正如標題所講:
最後當然係秋葉原啦!!!

雖然已經行過好多次,
但仍然唔會覺得悶!!!

八日七夜 北首都圈 毒撚魷 外傳 --- Animelo Summer Live 2013 第三日

本篇全篇為毒撚話題,
冇興趣o既朋友可以「回上頁」。
有興趣o既朋友, 可以睇番ASL第一、二天o既文章:
http://japsleevefish.blogspot.hk/2013/08/animelo-summer-live-2013.html
http://japsleevefish.blogspot.hk/2013/08/animelo-summer-live-2013_25.html



第三日( ﾟ∀ ﾟ)ｷﾀ━━━!!!

等左咁耐都係等呢一日!
有水樹奈々 o既呢一日!!!

不過因為今日咁星光熠熠o既關係,
買票都好難買到,
所以只係投到個爛位......
容後再講。



因為賣物部o既貨唔係每日更新o既關係,
經過之前兩日o既洗禮,
已經渣都冇得淨.......

八日七夜 北首都圈 毒撚魷 外傳 --- Animelo Summer Live 2013 第二日

本篇全篇為毒撚話題,
冇興趣o既朋友可以「回上頁」。
有興趣o既朋友, 可以睇番ASL第一天o既文章:
http://japsleevefish.blogspot.hk/2013/08/animelo-summer-live-2013.html




繼續直擊第二日Animelo Summer Live

24/8 星期六 陰天 



因為都冇諗住再買野,
所以早上去左川越、鷲宮一帶聖巡,
(詳情參閱另一篇文章http://japsleevefish.blogspot.hk/2013/08/blog-post_24.html)
去到Saitama Super Arena 已經差唔多三點。

Anyway, 事到今日
就算想買野都冇乜作為,
大家睇下下圖就明。

直接入場,
由W gate進入。

今日小弟坐o既係Arena,
即係場中間o既平坦部份。

八日七夜 北首都圈 毒撚魷 外傳 --- Animelo Summer Live 2013 第一日

本篇全篇為毒撚話題,
冇興趣o既朋友可以「回上頁」。

首先講下咩係Animelo Summer Live (ASL)先啦

Animelo, 呢個字,
結合自Animation(動畫) + Melody(旋律),
簡單講即動畫o既歌曲啦。
Summer Live唔洗多講喇架,
即係夏天舉行o既演唱會。
(結果都係講左=.=)

ASL係自從2005年開始,
每年夏天都會舉行動畫界o既大型音樂會,
開始o既時候係一連兩日,
由2013年(今年)開始變左一連三日,
係埼玉Super Arena 舉行。
三日o既演出歌手、歌曲都唔同,
不過全部都係當年出名o既動畫歌。

小弟自2012年去左第一年之後,
本來話完成心願, 唔諗住再去,
點知食過翻陳味, 心思思,
結果今年都係黎左。
正確啲講, 今次八日七夜北首都圈毒撚魷,
其實主要目的都係為左ASL,
其他咩草津溫泉呀嗰啲, 都只不過係穿鑿附會......


有關ASL2012, 可以睇番去年o既BLOG
第一日: http://japsleevefish.blogspot.hk/2012/08/animelo-summer-live-2012.html
第二日: http://japsleevefish.blogspot.hk/2012/08/animelo-summer-live-2012_26.html

好,
番番正題講今年ASL喇。




23/8 星期五 陰天,間中有雨

因為小弟早上由草津出發o既關係
趕到Saitama Super Arena o既時候已經係14:00左右,
雖然16:00點先正式開始,
但車站以至Super Arena一帶已經堆滿宅男宅女。

突然記起自己唔記得買後備電芯for 螢光棒用!!!
已經有去年經驗o既小弟,
即刻過對面o既超市買電, 順便買埋糧水。
唔好睇小, 糧水真係十分重要的。

搞掂左糧水之後, 例行公事,
先到Super Arena會場出面OPEN AREA睇下有啲買。

八日七夜 北首都圈 毒撚魷 第七日 --- 俺妹痛列車

第七日o既活動 

可以話係繼ASL之後, 小弟期待已久o既活動之一。

就係坐 千葉モノレール 俺妹痛列車!!!!!! 

多得佢延長服務期間(本身六月底收皮),

小弟先得以係ASL行程內一坐俺妹痛列車!!!!!

行程第七日嗰朝成個朝早,

用左黎朝拜俺妹痛列車!!!

不過上月台之前,

首先係要去買《俺妹》限定車票。

有追POST o既朋友應該記得,

小弟幾日前先買左張架?

http://japsleevefish.blogspot.hk/2013/08/blog-post_21.html

無錯,

但因為張飛o既圖案分平日同假日兩款,

上次買o既係平日,

今次要補番買假日嗰張!!!

車飛就好少話賣晒o既,

成功購買之後,

小弟就上台月,

開始一整個早上o既車河~

詳細都冇乜好講喇,

大家睇相啦~ 

「俺妹号」入站喇!!!!!!

上圖可以見到,
都有好多毒宅同小弟一樣,
係度起勢咁影起勢咁影!

八日七夜 北首都圈 毒撚魷 第六日 --- 埼玉鷲宮《らき☆すた》聖巡

因為就番ASL o既場地, SAITAMA SUPER ARENA,
所以小弟下榻於川越o既Capsule Hotel。

晨早七點幾爬起身,
都係為左聖地巡礼......
咁都話左呢次係「北首都圈 毒撚魷」咯。

首先係遊一下《宮河の空腹》o既聖地---川越一帶。

其實《宮河の空腹》, 係《らき☆すた》o既spin off,

《らき☆すた》就好多人識喇,

不過應該唔會有太多朋友識《宮河の空腹》呢套動畫(T_T)

由川越駅搭東武到川越市駅,
一出站已經有動漫o既資訊,
不過唔係小弟o既target 《宮河の空腹》
而係《神様はじめました》 。

八日七夜 北首都圈 毒撚魷 第五日 --- 由草津溫泉到ASL

有時有啲野, 決定o既對與錯就在於一線。
琴日題過, 參觀完白根山本身好攰,
打算直接番住宿唞唞,
最後都係決定捱多陣,
睇埋個「湯揉み」先。

結果個決定係啱的,
因為今朝一起身,
就落雨落到HIHI!!!!!

本身打算今朝今朝去「西の河原大露天風呂」浸下的,
而家去唔成, 不過無傷大雅。
攤唞吓執下行里、confirm啲巴士同列車班次,
十點幾就動身出發番番去埼玉縣,
事關由今日開始一連三日, 係小弟今次黎日本o既main dish!!!

之咪就係Animelo Summer Live (ASL)囉。
唔知咩係ASL o既朋友,
可以去番以前o既一篇blog睇,
唔會花大家好多時間。
http://japsleevefish.blogspot.hk/2012/06/animelo-summer-live-2012.html

有關ASL o既內容, 小弟會另開新版講,
所以呢度唔多提喇。

而因為落雨o既關係,
今日亦都冇乜觀光,



不過有少少題外話。

由於小弟今次係八日七夜o既行程,
為左減少行里, 所以只係帶左5套衣物,
打算係下榻o既旅館用洗衣機洗。

點知,
小弟呢一連三晚o既capsule hotel,
竟然係冇洗衣機的!!!!!!

咁點算!?!?!?

當然, 熟知日本o既小弟, 並唔會咁快認輸。
由於小弟住o既地方, 唔係市中心,
附近一帶亦都幾多民居,
所以小弟都幾肯定, 呢度附近係會有コインランンドリー的。

コインランンドリー   --- Coin Laundry, 即係入銀仔洗衣店。
問下住宿嗰度, 附近有冇Coin Laundry啦,
但佢同小弟講, 最近嗰間都要行三十分鐘......
都冇辦法, 大熱天時, 小弟冇理由著番之前嗰啲臭衫,
只好行三十分鐘去洗衫。

八日七夜 北首都圈 毒撚魷 第四日 --- 草津溫泉

******
是日行程有一部份以動漫為主,
對於唔熟識動漫o既朋友,
文中會有適當提示讓大家跳過
******



毒撚遊黎到第四日,
今日o既目的地係距離東京約百幾公里,
群馬縣o既草津溫泉~

草津溫泉, 係日本三名泉之一,
另外仲有 兵庫縣有馬温泉 及 岐阜縣下呂温泉。
草津除左溫泉之外, 仲有附近o既火山湖白根山都好出名。

其實小弟唔係話十分鐘意浸溫泉,
不過一來, 草津溫泉成為左《俺妹》聖地,
二來小弟一向好鐘意啲奇山異石、特別地質環境,
所以將草津溫泉納入行程範圍。



最初睇天氣預告仲擔心會落雨唔知點好,
點知當日晒到頭暈,
真係天公造美。



拎晒各樣行里,
五點幾六點就要起身。
由上野搭兩個鐘JR到長野原草津口,
再轉JR巴士到草津溫泉鄉。

其實本來由上野去草津唔洗搭咁耐的,
不過有爬文o既朋友可能會記得,
小弟係用關東7日任搭pass,
7日內任搭關東JR, 一不過唔可以搭特急、新幹線,
加上呢啲偏遠路線, 車唔多, 所以只好慢慢搖火車。
不過小弟並唔討厭, 反而好鐘意係咁轉車~

上圖呢啲咁原始o既列車, 東京都內都好少搭到,
門係要人手自己拉的(下圖)。

轉下車、瞓下覺,
早上八點半左右就到達 長野原草津口。

八日七夜 北首都圈 毒撚魷 第三日 --- 千葉 + 茨城 聖地巡礼

行程第三日,

瞓唔夠五個鐘又起身@_@ 

早上七點已經由上野到達千葉......

今日全日都係聖地巡聖,

由千葉, 沿京葉線一路巡番去東京,

相關畫主要係《俺いも》第二季同埋《俺がいる》。

(即係港譯o既《我妹》同《果青》啦)

如果想睇番《俺いも》第一季o既聖地巡礼的話

可以睇番小弟以前一篇blog

http://japsleevefish.blogspot.hk/2012/10/blog-post_31.html

唔講咁多喇, 大家睇圖啦~ 

先係千葉駅周邊 

京介同黑貓打情罵俏o既地方 

八日七夜 北首都圈 毒撚魷 第二日 --- 偕樂園 + 大洗 + 築波JAXA

******
「偕樂園」 以及 「築波JAXA太空中心」之章節
並非動漫為主, 而係以一般觀光目地參觀
對動漫、聖地巡礼冇興趣o既朋友
可以用 Ctrl + F 然後　鍵入key word跳到有關章節
******



今朝神咁早0545就起左身,
香港時間都只不過係0445=.=
咁早起身做乜,
當然就係開始聖地巡禮啦,
因為check過時間表,
今日運行o既《ガールズ＆パンツァー》o既火車,
啱小弟schedule o既只係得兩班,
其中一班係早上0642......

琴晚到水戸時已經凌晨點幾鐘,
黑潻潻乜都睇唔到,
而家經過車站,
先見到原來車站點面有個《水戸黃門》o既雕塑。
(《水戸黃門》係日本經典o既古裝劇,
受歡迎程度大概就好似當年o既包青天咁啦)

八日七夜 北首都圈 毒撚魷 第一日 --- 由東京到水戸 (經松戸)

今次又係係機場過夜......
搭o既係UNITED AIRLINE,
0955起飛, 0920要登機,
計番條數, 咪即係六點就要起身!?

一來, 為左唔想有瞓過龍O既危險,
二來......

二來係因為小弟表妹黎左同小弟個妹玩,
呀媽為左有床俾佢地過夜,
於是好積極咁叫小弟去機場瞓......




琴晚2200出門口, 十一點幾到達機場。
諗住搵位瞓啦, 點知terminal 1多人到hihi,
做乜勁!?, 去左旺角呀!?
唯有去terminal 2瞓啦,
反正嗰邊比較近7仔。
不過terminal 2都唔少人,
行到尾尾先搵到個位!


同人玩下LINE、WHATSAPP,
又打吓機, 點零鐘就瞓。
本來瞓得好好地的,
點知五點幾鐘有一班大陸人黎左附近,
講野勁大聲勁嘈,
聽住音槳瞓都俾佢地嘈醒!!!

ANYWAY,
刷牙洗面HEA下時間,
0730左右check in,
食埋個早餐, 就去40號閘候機。
就係行過去途中,
撞到小弟以前一個日文班同學兩夫婦!!!!!!
超神奇, 係禁區內相遇,
真係約都約唔到......!!!

到日本旅遊的溫馨提示

由於有朋友將前往日本,
於是促成小弟寫呢個一topic

其實呢一個topic想寫好耐,
不過因為範圍太大, 內容又雜, 無從入手,
所以一直只係係構思階段。
就算而家寫, 都未必寫得好全面,
亦有可能有好多錯漏,
寫好後會不斷儉閱、修改, 請多多包涵。

港日文化差異 之 俾錢

今次講下俾錢,
你話唔係呀馬, 俾錢都要講?

係呀, 因為呢啲細眉細眼野,
一般人唔會好留意, 尤其是首一兩次去日本o既人,
但的而且確好易中招, 仲要係幾瘀架添=.=
就係因為小弟試過, 唔想大家有同樣慘痛經歷,
所以容小弟係度講下。



鉄路

而實之前都講過, 不過實在要再三係度講多次。
日本o既售票機, 無論係買儲值咭定係買單程車票都好,
都一定係***先入錢***的!!!

香港o既售票機係:
1) 先禁啱車站、成人小童、同埋人數
2) 部機會顯示出相應價錢
3) 大家再按價錢入抄

於是香港人去到日本就中晒招喇
因為日本o既鉄路係(單程票):
1) 有理冇理先入錢
2) 部機會show你可以買到o既票種
e.g. 你入520yen硬弊, 佢會show 150、170、200......510 (如下圖)

3) then你按你要買嗰個距離o既金額(先進o既可以揀埋人數同埋成人小童)
4) 然後就會即刻出票and找錢

櫻花---日本賞櫻經驗談

冬去春來, 到左三月至四月
又係日本櫻花盛開o既季節
雖然小弟講唔得上係日本通
但請容小弟係度「識少少扮代表」
分享下去年係日本賞櫻o既經驗同資訊
希望幫到plan緊黎緊去日本睇櫻花o既朋友們


賞花時期

賞櫻最大問題
莫過於花期只有一個星期至十日
加上受氣溫、風勢等影響
要預早plan留日賞櫻時間
可以話同買馬仔冇乜分別……
事實上小弟去年亦因為天氣遲遲未轉暖
所以幾度押後出遊計劃

每年差唔多到櫻花季節
日本都有好多網站預計花期
儘管個個網站o既預測都差唔多, 但總有啲唔同
大家不妨睇多幾個, 然後拉個平均
要注意o既係字眼「開花預想」同「満開預想」
「開花預想」講o既係該景點有櫻花開始開
而「満開預想」, 即係指該景點最多櫻花開o既時間
當然, 櫻花都有好多品種, 開花有早有遲
啲開花o既「預想」都只不過係一個normal distribution o既統計

港日文化差異 之 過馬路

日本o既行程完左,
寫blog o既動力亦都一下子冇左,
將呢個blog丟空左咁耐,
實在係抱歉......

其實有好多見聞想寫,
不過太多, 都唔知從何開始寫起,
亦都係咁耐都唔落手寫o既原因之一。



話說在頭,

1) 文中內容極其量為小弟個人見聞,
如內容與事實有所偏頗, 歡迎指出

2) 文中內容有可能摻有小弟以前讀過o既刊物o既資料,
如果跟閣下之著作有抵觸, 歡迎向小弟申訴

3) 因未能好好整理內容,
只係諗到咩寫咩, 文理雜亂無章, 還請見諒。



過馬路

還記得第一次跟團去日本,
過馬路o既時候,
唔知點解明明係綠燈,
都會有架車隊埋黎,
嚇到小弟即刻跑住過馬路。

相信呢個唔只係小弟o既問題,
好多唔知頭唔知路o既香港人到日本都有機會試過。

係日本生活左一段時間,
先模清點樣係日本過馬路。