冇興趣o既朋友可以「回上頁」。
首先講下咩係Animelo Summer Live (ASL)先啦
Animelo, 呢個字,
結合自Animation(動畫) + Melody(旋律),
簡單講即動畫o既歌曲啦。
Summer Live唔洗多講喇架,
即係夏天舉行o既演唱會。
(結果都係講左=.=)
ASL係自從2005年開始,
每年夏天都會舉行動畫界o既大型音樂會,
開始o既時候係一連兩日,
由2013年(今年)開始變左一連三日,
係埼玉Super Arena 舉行。
三日o既演出歌手、歌曲都唔同,
不過全部都係當年出名o既動畫歌。
小弟自2012年去左第一年之後,
本來話完成心願, 唔諗住再去,
點知食過翻陳味, 心思思,
結果今年都係黎左。
正確啲講, 今次八日七夜北首都圈毒撚魷,
其實主要目的都係為左ASL,
其他咩草津溫泉呀嗰啲, 都只不過係穿鑿附會......
有關ASL2012, 可以睇番去年o既BLOG
第一日: http://japsleevefish.blogspot.hk/2012/08/animelo-summer-live-2012.html
第二日: http://japsleevefish.blogspot.hk/2012/08/animelo-summer-live-2012_26.html
好,
番番正題講今年ASL喇。
23/8 星期五 陰天,間中有雨
因為小弟早上由草津出發o既關係
趕到Saitama Super Arena o既時候已經係14:00左右,
雖然16:00點先正式開始,
但車站以至Super Arena一帶已經堆滿宅男宅女。
突然記起自己唔記得買後備電芯for 螢光棒用!!!
已經有去年經驗o既小弟,
即刻過對面o既超市買電, 順便買埋糧水。
唔好睇小, 糧水真係十分重要的。
搞掂左糧水之後, 例行公事,
先到Super Arena會場出面OPEN AREA睇下有啲買。
同往年一樣, 都係想買番件大會o既T-shirt,
不過果然, 兩點半已經係一個幾遲o既時間,
正常o既碼已經冇晒, 得番啲XS, XL,
搵鬼著咩。
至於嗰啲毛巾呀、被肩呀等等,
並唔係小弟o既target,
所以小弟轉向睇下啲演出單位o既精品。
放得最出最顯眼o既, 就當然係今年當紅o既《ラブライブ》啦,
走埋去睇下有咩賣先............
基本上賣晒咁濟..............
除左上圖右上方嗰個box set之外,
全部售罄......
上圖九大格一張張嗰啲Micro Fibre Towel,
話係淨係今日先有得賣......
ANYWAY, 即刻去買左個box set,
入面有1C size sticker set、
眼鏡布(唔一定抹眼鏡o既)、
Earphone、Smart Phone充電器、
同埋一張serial code forラブライブスクールアイドルプロジェットフェスティバル。
另外有得賣o既, 有《IDOM@STER》呀、
《MILKY HOLMES》呀、 巨人呀、
演出單位o既POSTER同SINGLE呀咁囉
點解今年比起上年好似冇咁多野賣咁o既……
所以今年唔買螢光棒LU~
因為今年o既飛炒到好Q貴o既關係,
官方曾經話過會嚴打黃牛飛,
所以小弟都曾經有一絲擔心......
不過入場前見到有咁多呀宅湧住入,
都諗到官方唔會咁得閒捉,
同埋真係捉的話, 相信個場會吉左5-10%
佢冇理由倒自己米架???
於是, 順利入場~
今次話晒第二年黎,
比較啖定, 所以有空閒周圍影下~
一入左GATE A, 有好多祝賀花牌,
小弟揀左啲比較出名o既黎影。
沿路進場。
掉化學式螢光棒用的。
係會場走廊, 差唔多每十米就有一排呢啲紙箱,
完場時就會堆滿晒用完用淨o既化學螢光棒!!!!!!
坐定定, 小弟今次坐得幾前下,
個位係成個會場中間o既左邊, 頭幾排。
下面幾張圖係由個位望出去~
用手機o既橫掃拍攝
食物、2L 飲品、
螢光棒、毛巾。
其實係一定飲得晒的,
因為連續五小時係咁嗌、係咁fing、咁跳、係咁流汗......
都係嗰句, 唔好睇少呀宅o既行動力&體力......
差唔多開始之前,
場入面會開始播we will rock you,
呢個時候大家就開始整裝待發喇, 然後
1600, 開波!!!!!!
大螢幕上開始播trailer,
大家即刻開著螢光棒企晒起身stand by!
不過點解大家都係綠色o既?
原因好簡單,
因為三日都有唔同o既主題顏色,
而第一日就係綠色。
因為日本o既演出都係唔可以影相的,
小弟係咁影個場地, 都已經好擦邊,
做個良好參加者, 表演其間小弟都唔再影喇。
所以以下會只有純文字描述,
文筆拙劣, 請勿見怪。
同埋所有描述都只係憑記憶,
如果有錯, 唔好找小弟悔氣......
今年個intro做乜勁,
小弟都事先睇過今年ASL o既 trailer,
但用trailer 嗰段動畫cut in啲歌手名,
好似好格格不入......
出場, 打頭陣o既, 一黎竟然已經係茅原実里 + 宝野アリカ,
《Celestial Diva》, 首歌小弟冇聽過......:-(
跟住就係ももいろクローバーZ,
當然, 在場o既呀宅當中有唔少都係佢地啲粉絲,
但小弟實在唔太沈迷佢地,
所以佢地做自我介紹嗌slogan o既時候 (有睇過o既朋友會明),
小弟只好保持靜默。
仲諗住佢地會唱《じょしらく》o既OP同ED,
點知係唱少女戰士o既《ムーンライト伝説》!?
ももいろクローバーZ o既第二首,
以為佢地會唱番啲新啲o既歌啦,
但竟然係年幾前o既《猛烈宇宙交響曲・第七楽章「無限の愛」》,
簡單講即係《モウレツ宇宙海賊》OP囉。
ももいろクローバーZ唱左兩首就退場,
除之而黎o既, 又係小弟冇聽過o既兩首歌......
黎自IDOLM@STER Cinderella Girls o既《お願い！シンデレラ》,
同埋《輝く世界の魔法》。
對唔住, IDOLM@STER, 小弟淨係識《GO MY WAY》,
同埋畫版o既兩首OP, 莫講話IDOLM@STER o既新角色......
幸好, 佢地唱左兩首就退場......
(FANs 唔好鬧小弟...... )
然後到Ray, 又唱一首小弟唔識o既《Recall》......
(因為嗰套動畫《AMNESIA》, 小弟睇左兩集頂唔順就棄左番)
到Ray唱第二首《楽園project》,
小弟竟然要諗左半首歌o既時間,
先記得係黎自邊套動畫......
(答案係《To LOVEる -とらぶる- Darkness》),
睇黎小弟近排真生疏左......
到左Choucho出場,
《ガールズ＆パンツァー》o既OP《DreamRiser》,
今次冇可能唔識啦, 前兩日先聖地巡禮完。
有關大洗o既聖地巡禮, 大家請移玉步到前幾日o既post
http://japsleevefish.blogspot.hk/2013/08/jaxa.html
Choucho退場之後,
大螢幕開始播《魔禁》劇場版中鳴護アリサo既片段,
好在黎日本之前特登煲左《魔禁》劇場版啫,
即刻進入作戰狀態, 熱烈支持《telepath ~光の塔~》。
本來以為三澤紗千香會著番劇入面嗰套服飾黎演唱,
點知只係一條白色長裙, 有少少失望,
不過講番唱歌, 三澤紗千香真係有好大進步。
把聲開左好多, 音準亦都好左,
同去年比真係進步好大!
再唱第二首, 唔洗估都知會係《電磁炮S》o既新ED《リンクス》,
不過小弟聽呢首歌o既次數唔太多,
首歌亦都唔係話特別好聽,
所以唔係太投入......
然後到左今年第一次參加o既ZAQzxad
第一首, 係今季新番《High School DxD new》o既新OP 《激情論》,
聽就聽過o既, 不過只限動畫OP嗰1:30秒,
相信後面嗰半首都唔會有太多人聽過。
ZAQ o既第二首, 係《中二病》OP,
正啦! 一唱到副歌「夢ならたくさん見た」,
平時只會向前揮螢光棒o既呀宅們,
都用螢光棒打圈轉, 超High~~~
估唔到京アニo既影響力咁大www
本身期望住ZAQ會唔會有第三隻歌的,
點知唱完《Sparkling Daydreamer》就退場......
其實小弟鐘意《ささみさん》o既《Alternation》多啲......
懷住有點期待落空o既心情迎接下一首,
一聽, 就即刻令小弟諗起啲低炒pat pat鏡頭。
唔係《強襲小褲褲》, 不過都近架喇,
係《ビビッドレッド・オペレーション》o既主題曲《ENERGY》,
老實講, 直到寫呢篇野呢刻,
小弟都仲未好記得唱歌o既係叫earthmind......
earthmind唱左一首就走,
難怪o既, 佢地都冇其他出名o既歌orz
接住落黎o既係しょこたんo既《空色デイズ》,
估唔到呢個年頭仲有機會現場聽到呢隻歌,
都幾感動:~( (註: 小弟冇去香港動漫坤水展)。
如果講近年しょこたん參與o既動畫的話,
最多人知都應該係《星矢Ω》。
果然, しょこたん跟住就唱星矢主題曲~
「無敵o既聖衣, 金光...」哎吔, 差啲唱左廣東話版(誤),
仲要唱唱下NoB (山田信夫) 都走出黎唱!!!
全場一齊「セイン星矢! 」, 超熱血!!!
然後NoB接替しょこたん, 唱左首首本名曲,
「轟轟戦隊ボウケンジャ」,
其實小弟都冇聽過。
繼NoB之後, 又一老牌歌手,
串田アキラ出黎唱啲唔知係咪昭和年間o既歌=.=
有《豪食マイウェイ!!ガツガツ!!》, 《宇宙刑事ギャバン》
跟住竟然有ももいろクローバーZ扮筋肉人o既角色,
同串田アキラ係一個臨時摔角擂台唱《キン肉マンGo Fight!!》!!!
好KAI, 但係好大家都好HIGH \(^o^)/
臨完上半場,
有男子BAND隊「FLOW」出黎唱《DAYS》,
《CHA-LA HEAD-CHA-LA》, 同埋《GO!!!》。
順帶一提, 《GO!!!》係火影早期o既OP,
Lei, 「We are Fighting Dreamers」嗰首呢。
中場休息二十分鐘,
下半場一開就係μ’s!!!!!! \(^o^)/
小弟今年會再黎ASL,
好大原因都係因為佢地!!!!!!
但呢隊當紅o既組合竟然只係唱左兩首就冇......
就係《僕らは今のなかで》同埋《START:DASH》。
小弟本身好期待佢地會唱《No Brand》架......
不過唱《僕らは今のなかで》同埋《START:DASH》o既時候,
大螢幕播住OP同埋劇中片段,
前面有九位聲優歌手又唱又跳,
都真係幾感動!
然後成個場突然靜落黎?_?
原因有把女聲清唱緊,
原來係nano.RIPE!!!
另一個小弟今年再黎ASL o既原因!!!
第一首唱o既係《花咲くいろは》o既《影踏み》。
可能緊張, 開始o既時候把聲有啲緊,
但唱落就好好多。
第二首唱o既, 係連印度人都一齊跳舞(誤)o既《リアルワールド》,
全場「ba ba barab ba ba bara」, 爽!
不過唱埋呢首就退場喇......
點解唔俾佢唱埋《働く魔王さま》ED......
再黎, 都係一把靚聲,
係由 藤田麻衣子 唱o既《薄桜鬼》o既《ねぇ》。
其實小弟唔係話好鐘意睇《薄桜鬼》
不過當年一聽首主題曲就即刻留意上 藤田麻衣子,
知道 藤田麻衣子 會出席ASL,
一直都好期待聽佢唱LIVE,
果然不負所望, 靚聲完美演譯!!!
全場用藍色螢光棒, 零星有啲人用紅色,
更添氣氛。
不過佢冇機會唱埋第二季OP,
就到下一位鈴木このみ唱《さくら荘のペットな彼女》OP《DAYS OF DASH》。
之後鈴木このみ繼續留番係台上,
夾埋キバオブアキバ同ZAQ,
一齊唱新番《私がモテない...(以下略)》同名OP,
《私がモテない...(以下略)》 (個名唔好咁長好唔好呀=.=)
老實講,
真係一啲都聽唔到呢首歌唱乜......orz
淨係得個嘈字......好彩大螢幕有字幕(OP風)
總算跟到啲歌詞......
唯一聽到o既係, 大家一齊唱「禿げろ」、「モテろ」......
然後係《ミルキィホームズ》
其實小弟一啲都唔明點解呢套動畫咁受歡迎,
小弟睇幾集就已經頂唔順x_x
不過場入面其他大朋友唔係咁諗......
ミルキィホームズ一出場,
情況就失晒控, 粉紅、綠、黃、藍o既螢光棒亂七八糟,
ANYWAY, 點解動畫第三季多左兩個成員,
但主題曲《ぐろーりーぐろーいん☆DAYS》唱歌都仲係得四個?_?
第二首, 竟然係番炒《正解はひとつ!じゃない!!》,
冇歌唱就留番俾第二啲人唱啦!!!
(fans 唔好插小弟)
跟住落黎係ALI PROJECT, 果然係實力派,
一黎, 二話不說就唱左兩首歌,
分別係《ローゼンメイデン》第一、第二季o既
《禁じられた遊び》同埋《聖少女領域》
全場紅色螢光棒, 何其壯觀~!
然後當然有宝野アリカ様o既清談時間啦,
佢自己都話, 今晚好明顯係ローゼンメイデン祭~
咁當然唔少得《ローゼンメイデン(2013)》o既《私の薔薇を喰みなさい》,
宝野アリカ話佢填詞嗰時都唔係好覺,
而家先覺得, 原來啲歌詞都幾色情,
叫在場唔夠十八歲o既朋友唔好諗得太深入www
聽完ALI PROJECT o既小調之後,
一轉氣氛, 有May’n o既《ViViD》,
全場仍然係通紅。
但係一到第二隻《アオゾラ》,
全場即刻轉晒藍色!!!
真係齊心就事成...
May’n話主辦單位叫佢唱三隻歌,
一直諗第三隻唱咩好,
May’n就話, 適逢新一輯Macross製作決定 (唔知有冇聽錯呀下),
於是回歸Macross F, 決定唱《射手座☆午後九時Don’t be late》。
粉紅色o既螢光棒下, 全場2萬7千人一齊「持ってっけ」,
真係唔野小!!!!!!
到茅原実里出場,
見到佢都知今日o既演出就完 >﹏<
因為唔知點解成日都係搵みのりん做壓軸。
第一首《CRADLE OVER》, 唔識就要打蘿友喇
全場轉晒藍色, 再配大螢幕又天空又海o既藍色風景
好有feel[flowerface]
第二首係未發表o既同名新動話歌,
《境界の彼方》。
到最後一首《TERMINATED》 。
首歌都幾應番個表節目,
以呢一首作結, 大家都將螢火棒轉晒做紅色,
有UO色淨o既朋友亦都亳不吝嗇,
爆晒UO螢光棒。
於是第一晚o既演出節目就完結喇......
續......
沒有留言:
張貼留言