冇興趣o既朋友可以「回上頁」。
有興趣o既朋友, 可以睇番ASL第一天o既文章:
http://japsleevefish.blogspot.hk/2013/08/animelo-summer-live-2013.html
繼續直擊第二日Animelo Summer Live
24/8 星期六 陰天
因為都冇諗住再買野,
所以早上去左川越、鷲宮一帶聖巡,
(詳情參閱另一篇文章http://japsleevefish.blogspot.hk/2013/08/blog-post_24.html)
去到Saitama Super Arena 已經差唔多三點。
Anyway, 事到今日
就算想買野都冇乜作為,
大家睇下下圖就明。
直接入場,
由W gate進入。
今日小弟坐o既係Arena,
即係場中間o既平坦部份。
如上圖所見,
因為左手邊係器材o既關係,
所以音響效果有少少distort,
而個舞台亦都遮左少少。
不過好彩o既係,
因為小弟係最邊邊, 亦即係所謂o既「通路席」,
一來, 左手邊好鬆動,
企出啲都冇問題;
二來, 由條通道一直望出去剛好係舞台中心,
日本人又相對上矮少少,
所以視野唔錯~
都係嗰句啦,
因為日本o既演出都係唔可以影相的,
所以以下會只有純文字描述,
請見諒。
同埋所有描述都只係憑記憶,
如果有錯, 唔好找小弟悔氣......
繼續琴日o既trailer,
今日都係有trailer with cut-in 介紹歌手。
睇條呢段動畫trailer係有故事性的,
不過小弟唔係好睇得明佢想表達啲咩......
講番第一個出場嘉賓,
angela 同埋 Zwei o既組合。
一黎就唱一首小弟冇聽過o既歌《バリバリ最強NO.1》,
對唔住囉, 小弟冇睇過《地獄先生ぬ～べ～》嘛orz
個場搞興左之後,
螢幕出現左一連串o既字句,
意譯大概係:
「兩年前, 我地應承左下一年會再見,
可惜我地冇出現到,
承諾沒有兌現。
兩年過去了,
如今我地回來了,
為左實現承諾......」
睇到呢度,
大家都應該估到係講緊邊個~
小弟見到一句「兩年前」已經即刻估到~
因為呢個亦都係去年ASL有所遺憾o既一個原因!
於是, 場內開始奏起,
「誰よりも近くにいた......」
無錯, 就係fripSide o既《sister's noise》。
而接住唱第二首歌, 係《LEVEL5-judgelight-》。
唱得兩首好似唔係好夠,
不過呢排佢地又冇乜出名o既歌......
fripSide退場之後,
螢幕又有野。
係一堆一堆o既俄文......
噢, 唔洗審都知一定係上坂すみれ啦,
聲優界入面o既俄國控......
唱o既亦都好理所當然係《七つの海よりキミの海》。
之前上youtube聽過上坂すみれ唱live o既《七つの海よりキミの海》,
真係唱得好難聽好難聽好難聽 >﹏<
所以初初都有一絲擔心,
但結果卻出乎意料, 唱得番正常水準~
全場盡嗌「むろみいいいいいいいいいい」「やめてええええええええええ」,
真係好過隱~
接住落黎有あいう♥らぶ o既《カニ☆Do-Luck!》,
呢個組合同首歌可能唔太多香港朋友識,
因為首歌係黎自niconico一個五分鐘o既動畫。
但其實首歌要黎搞氣份係一流的(縱使啲聲優唱得只係一搬... )
「カニカニカニカニ」好開心~
不過唱完之後, 場入面o既人都不斷討論同一個問題,
其實首歌同動畫有咩關係?
因為套動畫係同蟹一啲關係都冇???
話說, 今日由第一首歌《バリバリ最強NO.1》開始
《sister's noise》 、 《LEVEL5-judgelight-》、
《七つの海よりキミの海》、同埋《カニ☆Do-Luck!》,
全部都係hi到爆o既歌~
首首歌啲人都係度爆UO螢光棒,
做乜事, 今日係「day of 燒螢光棒」!?
唱完第五首, 動畫同首歌一啲都唔關事o既《カニ☆Do-Luck! / あいう♥らぶ》,
之後, 迎來一隊新組合.......噢~
唔好意思, 原來09年已經出道......XD
アフィリア・サーガ (Afilia Saga)
如果唔係佢地走出黎唱《ネプテューヌ☆サガし》,
小弟都唔會記得佢地個名。
一來小弟幾鐘意呢套廢萌動畫,
二來首歌都幾好聽,
三來アフィリア・サーガ啲舞蹈,
有啲小踢腿呀、小跳步呀咁都幾可愛,
所以都幾enjoy呢首歌。
因為都唔清楚佢地o既歌要用咩色螢光棒,
(相信場入面好多人都係orz)
所以一係就用番上一首歌o既紅色唔轉,
一係就用動畫o既image colour紫色 (小弟就用紫色)。
亦都有人用粉紅色,
總之就亂七八糟啦。
然後Gero出黎唱一首,
吐槽點滿載動畫《BROTHERS CONFLICT》o既主題曲,
《BELOVED×SURVIVAL》。
其實小弟想聽片尾曲多啲 XD
跟住到Zwei o既《純情スペクトラ》,
呢度冇咩特別野要講。
接住就係中島愛出場。
中島愛近期最廣為人知o既,
就當然係《琴蒲さん》啦。
《そんなこと裏のまた裏話でしょ？》。
全場人出盡奶力咁唱:
「（＞ワ＜≡＞ワ＜)コシコシコシ」 、
「でもでもでも」、「よしよしよし」
話說, 小弟對於潛意識地記得中島愛係用綠色螢幕棒而感到驚訝,
記憶中又好似冇去過中島愛o既concert丫
點解小弟會知架呢?_?
小弟係頭嗰批一見到中島愛就轉綠色螢光棒o既毒拎~~~XD
唱完《そんなこと裏のまた裏話でしょ？》成個台一暗,
大家紛紛都討論「唔係仲有另一首要唱架咩?」。
正當大家期待「つる━ぺた━━━⊂(*’ω‘*⊂⁀‘つΞΞΞ━━━」o既時候,
舞台打番燈, 中島愛出黎講野。
都係話多謝fans咁啦。
提到大會叫佢揀兩首歌唱,
掙扎左好耐唔知揀邊首好,
最候, 為左多謝一直支持佢o既人,
中島愛揀左《たまゆら～もあぐれっしぶ～》片尾曲《ありがとう》。
唔係「つる━ぺた━━━⊂(*’ω‘*⊂⁀‘つΞΞΞ━━━」的確有啲失望,
但都係一首好好聽o既歌。
第二日真係好歌heat歌不斷黎,
中島愛之後就到春奈るな,
一黎就唱兩首當紅o既歌,
「たかくんーたかくんー」《Overfly》,
同埋最新《物語》系列片尾曲《アイヲウタエ》~~~
好喇, 唱左咁多近期o既毒歌,
都係時候到經典金曲o既時間。
竟然係由 山本正之 同埋 七森中☆ごらく部 呢個奇怪o既組合@_@
唱《逆転イッパツマン》, 咩動畫?
1982年o既動畫...........
小弟都未出世, 連條精蟲都不是orz
之後仍然係 山本正之 + 七森中☆ごらく部。
不過山本正之話朋友(なかま)唔夠多, 要再叫多啲朋友出黎,
然後出黎o既竟然係アフィリア・サーガ@_@
只見一個幾十歲o既大叔企係正中央,
後面有一大排o既短裙妙齡少女,
雖然唱o既係《ヤッターマンの歌》,
不過小弟腦裏面一直只係有一個諺語......
・
・
・
・
・
・
・
・
臨老入花叢
T-Pistonz＋KMC 唱完「ガチで勝とうゼッ!」。
(對唔住, 小弟實在係對佢地冇興趣, 所以輕輕帶過[sosad] )
到OLDCODEX出黎唱番年幾前o既動畫,
《黒子のバスケ》o既カタルリズム。
不過最觸目o既係第二首:
(☝ ՞ਊ ՞)☝ウェェェェェェェェェェェェェェェイ
講緊係邊首?
就係京アニ難得一套腐片《Free!》o既OP《Rage on》,
全場當然係大嗌「ウェェェェェェェェェェェェェェェイ」啦。
琴日有IDOLM@STER,
今日第二日都有, 不過係正印,
アイドルマスターミリオンスターズ~
小弟就算冇跟開IDOLM@STER遊戲系列,
但動畫永冇甩碌的(包括黑歷史xenoglossia ......)
現場一奏起《THE IDOLM@STER ～ READY!!》,
全場人好似癲左咁大叫大跳。
啲call同埋螢光棒揮動o既統一性真係唔野少,
不過同LOVELIVE!一樣, 只係唱兩首就退場......
而第二首係《Thank You!》。
第二日上半場作結o既,
係ASL皆勤賞 (無缺席獎) o既 栗林みな実。
但估唔到第一首係《IS》o既《STRAIGHT JET》,
小弟前年miss左, 舊年冇唱, 仲以為冇機會聽到live添。
原來栗林みな実話係想應番《IS》第二期製作決定所以揀呢首,
然後係《トータル・イクリプス》第二OP《Doubt the World》,
全場即刻爆晒紅色。
上半場最後一首, 係小弟上一季最鐘意o既動畫,
《働く魔王さま！！》OP 《ZERO!!》。
同PV一樣, 個螢幕上出現紅色跳字倒數,
隨住跳字鐘倒數到零, 首歌唱完, 上半場亦都完~~~
中場休息, 其實都冇得俾你唞......
正當小弟想去洗手間o既時候,
場內又響起音樂,
有個好似初音咁o既合成聲&人物係度唱唱跳跳。
原來係黎緊新動畫《ミス・モノクローム -The Animation-》o既角色,
聲優係 堀江由衣。
http://www.starchild.co.jp/special/miss_monochrome_anime/
堀江由衣今年冇出ASL,
估唔到係以咁o既形式頂替,
都算係不幸中o既大幸o既,
但當然, 見到ほっちゃん真人就最啦......
ASL真係連間場都唔人唞下,
結果揮住白光螢光棒聽完歌,
再去廁所o既時候已經排左成五十幾米長orz
排到半路個intermission 已經完左,
呢啲場合真係唔適合去廁所......
好在唔係真係話太急,
於是番埋位繼續hi
每日o既頭嗰個歌手, 同埋intermission之後第一個歌手都非常緊要,
因為要一下子帶起個氣氛。
而第二日intermission之後o既重任,
就交左俾angela。
一出場二話不說就唱《僕じゃない》,
其實係呢首歌o既動畫未出街之前已經引黎各方吐槽XD
「じゃ誰だお前はwww」
話說呢套動畫小弟棄左番......
有冇人話俾小弟知劇情發展到而家, 好唔好睇?_?
然後就到清談時間喇,
講起咁啱今年係angela出度十週年,
十年前, angela就係係呢個Saitama Super Arena出面,
唔夠100米遠o既空地進行街頭賣唱,
結果俾睇中, 一路成為今日o既angela。
(似乎唔提第一次出度o既事)
好感動(小弟)
atsuko: 「angelaと言えば振り付け (提到angela就當然係跟住做動作啦)」。
atsuko教左大家幾個動作, 叫大家係下一首歌o既副歌入面做,
而下一首歌就係以出度作《明日へのbrilliant road》為首o既串燒歌。
一聽到《明日へのbrilliant road》小弟真係開心到傻左,
估唔到仲可以係ASL聽到呢首十年前o既歌!!!!!!
睇緊小弟呢篇廢文o既各位大大, 有幾多人睇過《宇宙のステルヴィア》呢套動畫呢!?
講番番黎,
串燒歌包括有:
《明日へのbrilliant road》、
《Beautiful fighter》、
《gravitation》、
《蒼い春》、
《Shangri-La》、
咁樣唱法, 想搞唔興個場都幾難~
唱完之後, angela話仲有下一首《KINGS》,
又係一首勁歌 \(^o^)/
不過atsuko又話: 「angelaと言えば振り付け~☆」,
又叫大家幫手做動作。
話如果聽到「big bang」o既時候,
大家就一齊舉高手跳起。
呢個時候大螢幕兩邊o既小螢幕出現左顏文字 ＼(^o^)／
大家即刻明晒www
KATSU吐槽「なんで絵文字?_? 」
然後仲有, 聽到「big wave」o既時候,
就由台前做人浪直到最後500Lv o既觀眾。
呢個時候大螢幕兩邊o既小螢幕又出現左顏文字 ~ (^o^) ~
KATSU吐槽「だから絵文字やめて 」~
練完幾次「big bang」同埋兩次「big wave」之後,
angela就好豪氣咁話:
「はい、angelaでした、ありがとうございました」
(意譯:「係~, 以上就係angela o既演出喇, 多謝大家支持」)
然後轉身走人,
立刻引來一陣哄笑~
搵angela搞氣氛果然係冇錯。
然後, angela最後一首歌《KINGS》,
係夾雜住＼(^o^)／同埋~ (^o^) ~ o既情況下,
十分之high咁完結左~
「七森中☆ごらく部」當然唔會同山本正之唱完首歌就算啦,
黎緊就係「七森中☆ごらく部」唱番首本名曲:
《ゆりゆららららゆるゆり大事件》, 不過係「お祭りVer.」。
類似太鼓機咁o既效果啦。
然後再唱埋《マジカル大☆大☆大冒険！》就走喇。
其實點解唔唱《いぇす!ゆゆゆ☆ゆるゆり♪♪》?_?
氣氛唔係好過《マジカル大☆大☆大冒険！》咩?
「七森中☆ごらく部」退場之後,
就由組合「サイキックラバー」一連唱三首歌。
分別係《Vanguard Fight》、
《侍戦隊シンケンジャー》、
《特捜戦隊デカレンジャー》。
《特捜戦隊デカレンジャー》,
仲加入埋「T-Pistonz＋KMC」一齊唱,
成個場都係人氣氛好似好熱鬧咁。
可惜小弟對《Vanguard Fight》、兩套レンジャー都唔係好熟識?_?
兩隊組合亦都係第一次見......
所以失禮啲覺, 呢幾首歌對小弟黎講係全晚最冷場o既地方orz
不過好彩, 接住落黎出場o既係藍井エイル。
唱出《機動戦士ガンダムAGE》o既《AURORA》, 正~~~!
然後再唱多隻, 就係SAO o既第二OP。
咦, SAO唔係舊年o既作品黎架咩?
不過因為SAO係七月番第二OP出街時已經過左ASL2012,
所以今年先唱番~
「♪隠してた浣腸は……」噢…sorry, 睇得太多niconico……てへぺろ
藍井エイル走左之後,
突然殺出左個特別嘉賓土屋アンナ。
先係唱出《NANA》o既主題曲《rose》,
再黎一隻《仮面ライダーフォーゼ》o既OP《Switch On!》。
小弟就唔係好熟拉打啲歌,
不過土屋アンナ就high到除埋鞋通街跑。
到LiSA出場,
雖然SAO都已經過左大半年,
不過LiSA一出場仍然係唱《crossing field》……話說舊年都有唱……
但「眠る小さなオッパイ」仍然係咁受歡迎[sosad] 勁high~~~
話晒都係賣出入萬張o既single。
(SAOアンチ唔好又黎搞事)
再黎第二首都係快歌,
《幻影ヲ駆ケル太陽》OP《traumerei》。
首歌就幾好聽o既, 不過套動畫就好似弱左啲……
大家仲記唔記得「Girls Dead Monster」?
就係當年《Angel Beats!》入面嗰隊band。
而LiSA第三首歌就係「Girls Dead Monster」o既《Crow Song》, 好懷念~
而家睇番, 先知原來當年「Girls Dead Monster」o既vocal係LiSA。
壓軸請黎連續第六年演出o既GRANRODEO。
女o既尖叫, 男o既雄叫, 真係好震撼!!!
壓軸o既四首歌分別係:
《偏愛の輪舞曲》(←《カーニヴァル》OP)、
《DARK SHAME》(←《CODE:BREAKER》OP) 、
《Can Do》(←《黒子のバスケ》OP)、
《Go For It!》(←《IGPX》OP)。
全部都腐到冇得再腐......
《カーニヴァル》同《CODE:BREAKER》睇左幾集就棄左番.....
《IGPX》直頭聽到冇聽過......
所以除左《Can Do》之外一首都唔識……orz
歌就唔係好熟喇,
不過聽佢地搞gag都幾好笑。
(以下引用自其他網頁)
彈結他o既飯塚:
「どーも、ギターアイドルマスター ミリオンスターズの飯塚役、飯塚です。」
(意譯: 「大家好, 我係GUITAR IDOLMASTER MILLION STARS演出飯塚一角o既飯塚」 )
惡搞IDOLM@STER
vocal谷山紀章:
「お前らのイカ臭い声を聞かせてくれ!」
啲女觀眾大聲尖叫一輪之後~
「黄色い! 黄色いよ! パンツの染みが…」
呢兩句真係唔係咁方便譯......
小弟唔想俾人告XD
唱到最後《Go For It!》o既時候,
一味係度嗌 I！G！P！X！
開頭都唔錯o既,
不過嗌得會唔會耐得濟呢……
最後GRANRODEO留低一句,
「覺得大會應該唔會再俾我地擔任壓軸」www
Anyway,
第二日o既表演黎到呢度完左。
為左唔想同人迫, 小弟冇聽大會歌《The Galaxy Express 999》就走左lu~
沒有留言:
張貼留言