琴日題過, 參觀完白根山本身好攰,
打算直接番住宿唞唞,
最後都係決定捱多陣,
睇埋個「湯揉み」先。
結果個決定係啱的,
因為今朝一起身,
就落雨落到HIHI!!!!!
本身打算今朝今朝去「西の河原大露天風呂」浸下的,
而家去唔成, 不過無傷大雅。
攤唞吓執下行里、confirm啲巴士同列車班次,
十點幾就動身出發番番去埼玉縣,
事關由今日開始一連三日, 係小弟今次黎日本o既main dish!!!
之咪就係Animelo Summer Live (ASL)囉。
唔知咩係ASL o既朋友,
可以去番以前o既一篇blog睇,
唔會花大家好多時間。
http://japsleevefish.blogspot.hk/2012/06/animelo-summer-live-2012.html
有關ASL o既內容, 小弟會另開新版講,
所以呢度唔多提喇。
而因為落雨o既關係,
今日亦都冇乜觀光,
不過有少少題外話。
由於小弟今次係八日七夜o既行程,
為左減少行里, 所以只係帶左5套衣物,
打算係下榻o既旅館用洗衣機洗。
點知,
小弟呢一連三晚o既capsule hotel,
竟然係冇洗衣機的!!!!!!
咁點算!?!?!?
當然, 熟知日本o既小弟, 並唔會咁快認輸。
由於小弟住o既地方, 唔係市中心,
附近一帶亦都幾多民居,
所以小弟都幾肯定, 呢度附近係會有コインランンドリー的。
コインランンドリー --- Coin Laundry, 即係入銀仔洗衣店。
問下住宿嗰度, 附近有冇Coin Laundry啦,
但佢同小弟講, 最近嗰間都要行三十分鐘......
都冇辦法, 大熱天時, 小弟冇理由著番之前嗰啲臭衫,
只好行三十分鐘去洗衫。
上兩圖就係小弟去嗰間Coin Laundry o既室內,
一般Coin Laundry都係無人睇舖, 全自動,
洗衣機, 乾衣機一應俱全。
你會話冇洗衣粉, 點洗衫?
唔洗怕, 上面第二張圖中間, 牆角落頭嗰部機,
就係售賣洗衣粉的。
洗衣機都有好多種, 大家睇清楚先好用,
有直筒、滾筒、慢機(for 絲質或冷衫)等等,
當然乾衣機都係啦。
洗衫o既時間一般都係35-45分鐘,
洗衫o既時候冇野做,
但又唔夠時間來回旅館,
只好坐係Coin Laundry入面等......
睇動畫漫畫就見得多喇,
啲角色人物濕左身,
都係去附近Coin Laundry搞掂,
冇野做就坐係入面等,
只係小弟冇諗過自己都有咁o既一日啫......
洗完衫乾衣, 100yen 10分鐘。
因為小弟以前住大學宿舍, 同埋係日本guest house都用過,
所以都知大概幾多衣物、幾厚, 用幾熱、幾耐黎乾。
另外, 兩個小乾衣少少o既貼士,
1)
可以的話揀一啲人地啱啱用完o既乾衣機,
因為個乾衣機仲有餘溫, 可以慳番啲用黎run熱部機o既時間(=錢)
乾完又唔好即刻拎出黎,
等啲衫係入面焗多一陣,
咁樣可以慳番成10-15分鐘o既run機時間(=錢)!!!!!!
2)
乾衣機一般都有三個mode:
低溫, 中溫, 高溫。
如果冇乜delicate o既衣物,
大家可以頭10~20分鐘用高溫,
咁樣對衣服又唔會太大傷害。
(因為衣物仲係好濕, 就算會縮水都唔會太勁)
另一方面可以測試一下該乾衣機o既馬力,
判斷接住落黎用低溫, 中溫定係高溫。
當然, 再度縮啲,
高溫轉中、低溫之間, 又可以唔入錢住,
等佢焗番5-10分鐘, 又慳番少少XD
ANYWAY,
小弟因為有兩條牛仔褲,
所以高溫左20分鐘之後, 再中溫乾一個鐘,
然後就趁呢一個小時去附近o既松屋食dinner喇。
沒有留言:
張貼留言