亦係小弟兩年前渡過左愉快的六週o既農場。
(請參閱 http://japsleevefish.blogspot.hk/2012/09/wwoof.html)
今次小弟由香港出發,
乘搭PEACH o既航機,
經大阪轉機到北海道。
為左好好利用時間,
小弟選擇左28/7凌晨0035 出發o既班機,
即係話小弟係27/7晚上十點幾十一點已經到到機場。
五點幾就到達關西國際機場。
本來有一班由大阪去北海道o既機係七點半開的,
小過小弟第一次轉內陸機, 怕人生路不熟上唔切機,
於是揀左遲一班, 十點o既機。
但小弟o既擔心係多餘的,
因為完來PEACH包起左成個terminal,
terminal o既一邊辦完入境手續,
行過少少係中間辦登機手續,
再行到另一邊入閘轉內陸機,
距離唔超過200米, 過程唔洗半個鐘......
↑成個terminal, 一眼望晒
ANYWAY, 都已經買左機票,
於是唯有係LAWSON買啲野食,
等到夠鐘先上機......
↓候機室
十二點幾, 終於到達新千歲機場,
不過距離小弟要搭嗰班車仲有成幾鐘,
於是係機場大堂食個lunch, hea吓先。
勢估唔到,
係新千歲機場有event,
擺左架痛車係度sale《まどマギ》劇場版。
好似係為劇場版三部曲一舉放送做勢.....
林寶堅尼呀!!!
惠顧滿500yen, 可以坐上去試吓>.<
有以下o既產品
上圖係秋葉原周圍都可以見到o既周邊,
而下圖就係呢度先有得賣o既小圓雪糕!!!
まどか → 密瓜
ほうむら → 南瓜
マミ → 芝士
さやか → 紅莓
杏子 → 蘋果
點解ほうむら會係南瓜???
係真係有人幫襯, 然後上車試車的!!!!
而且短短十分鐘已經有三單。
出奇地, 上車o既都唔係呀宅,
而係啲西裝阿叔(可能佢地真係純粹想坐下架車),
其中更有家長, 為左俾個四歲大o既仔試坐而特登買野!!!!!
如果小弟都有啲咁o既老豆就好喇@_@
小弟真係好鐘意呢個女王FEEL o既ほうむら!!!
好喇, 宅話題完左。
無驚無險, 由千歲搭到長万部轉車, 1845到達蘭越
農場o既兩父婦已經等緊小弟。
坐上農場o既車, 十分鐘就到達。
到達時已經開得飯~
估唔到過左兩年, 竟然仲有機會,
再一次黎到呢個山卡啦o既農場,
舊地重遊呢個曾經住左6個星期o既地方,
真係好懷念!!!
沒有留言:
張貼留言