WWOOF第二日 --- 簡單介紹

係呢度, 向未睇過日本 WWOOF in 北海道 2012o既朋友,
做個簡單介紹啦。

WWOOF係一個組織,
入面登記左世界各地o既小型農場,
供大家做農場、牧場o既生活體驗。
大家俾幾百蚊會費,
就可以click入去睇下有咩農場揀, 繼而報名。
農場一般都唔會俾人工,
但會提供住宿及飲食。

小弟今次去o既農場,
係位於日本北海道, 一個叫蘭越o既地方,
一個正常香港人聽都未聽過o既地方。
要數附近比較有名o既名字, 應該都係二世古。

兩年前小弟working holiday,
曾經係度做過六個星期,
今次揀番同一個農場,
係因為一來已經認識左農場o既場主啦,
二來係因為以小弟o既認知,
呢個農場o既工作算係唔辛苦。


0700左右起身,
梳洗之後幫手準備早餐,
0830開始工作到1200 (3.5h),
中午食完飯, 1400 開始工作用 1630 (2.5h)
全日共工作6小時。

除工作及準備早、晚飯之外,
所有時間都係自由時間。
所以其實都幾free。

工作內容唔定,
一般黎講, 女仔都係摘下瓜果咁。
唔同一般農場---只種一兩種農作物,
呢個農場種十幾種野, 所以工作好多元化。
而男仔一搬係搬搬抬抬、做粗重野(伏線)。

上兩圖, 白色屋仔係溫室。

↑ 一望無際o既豆田!!!

↑ 蛀晒窿o既椰菜=.=

↑ 呢度其中一種種得算係幾好o既農作物, 車厘茄。

↑ 粟米, 記得之前係種係室外的,
今年搬左入溫室。

↑ 呢間小屋, 以前養左十幾隻雞,
以生蛋作食用, 但當年啲雞都已經好老,
而家雞去樓空......

↑ 附上親親大自然兩幅,
今日講到呢度。