WWOOF第四日 --- 親親大自然

今日仍然係繼續挖窿.......
應該呢一個星期都會係做同樣o既野......



雖然辛苦,
但仍不忘自得其樂,
今次為大家送上好多小昆蟲、動物o既圖片

↑　先係毛蟲
其實毛蟲並唔新奇,
只係乜都影一餐......



↓　然後有下圖呢隻野。

由台灣WWOOFer發現,
實在係唔知咩黎,
不過睇佢顎嗰兩個鉗, 俾佢咬到應該好痛。
個樣有啲似異形, 會發出 Ee~Ee~ o既叫聲,
幾特別~

走得好快,
仲識短距離飛行。

↑　交配緊定係大孭細?





最新奇可以話係下圖,
冇錯, 應該係鼠類o既BB~
係由星加波WWOOFer,
於禾桿草堆入面發現。
但只見到呢一隻。

洗完白白之後, 都幾可愛。
眼都未開, 應該出世唔夠三日。

小弟做實驗, 見過同殺過o既老鼠都唔少,
但老鼠BB都係第一次接觸,
因為一來冇做過老鼠BB o既實驗,
二來平時動物中心養o既BB,
基於衞生理由係唔會俾一般人接觸。
(唔係驚老鼠BB有菌, 而係驚人有菌=.=)




最後隻老鼠BB點?
其實得佢一隻嗰一刻開始, 已經注定係死,
因為冇鼠媽媽o既奶水......

放佢係草邊一晚,
第二日已經唔見左lu......

弱肉強食