魷日記: Animelo Summer Live 2014 第二日

本篇全篇為毒撚話題,

冇興趣o既朋友可以「回上頁」。

有興趣o既朋友, 可以睇番ASL第一天o既文章:

http://japsleevefish.blogspot.hk/2014/08/animelo-summer-live-2013.html

ASL第二日 \ (^o^) /

要買o既野琴日已經買左,

所以今日冇話特別早到會場。

係capsule hotel瞓到check out 時間,

黎到さいたまsuper area已經係十一點左右。

呢個時候, 石原已經排隊,

精盡人亡咁係會場附近o既地方休息緊。

基本上第一日, 大會T已經賣得七七八八,
得番兩三隻色o既騎呢碼,
好似今日有新番貨, 但非常有限,
所以大家有大會T想買, 都係第一日買啦。

可能因為今年可以預訂,
所以ラブライブ啲野都仲有得賣,
想當年, 第一日唔洗半日已經賣晒=.=

小弟第一年黎(前年)已經發現有即場售賣當日門券,
去年確認真係有得賣,
不過今年先記得影低。

賣o既只有當日門券,
按位置, 價錢略有不同,
但都低於抽選價。

位置當然唔會係預先抽選o既靚位啦。
可以睇到下圖螢光色o既位:

紅色---巨大螢幕後o既位,
完全或大部份睇唔到舞台,
睇螢幕都要仰高頭。

藍色---舞台兩邊, 睇落超近,
但其實有器材等o既野妨礙視線。
不過但睇到舞台延伸出黎o既花道

橙色---完全睇唔到台上螢幕
(有時螢幕會有片段、effect、call等)
係舞台後面, 睇到少少自己嗰邊o既舞台,
同埋睇到舞台延伸出黎o既花道。

綠色---基本上乜都睇唔到, 除左觀眾。

上圖就係下午兩點幾o既售票處,
唔好見好似好少人咁,
其實係因為激戰係前一晚已經開始。
好似話係前一日夜晚表演完左, 已經有人即刻去排,
淨係晚上已經有幾百人。

戰後, 一片荒蕪......
(上面三張圖非由小弟拍攝
http://lovelive-matome.com/archives/loveliveanisama0831.html)

中午同Pow、Ling會合之後,
求其搵左間野食lunch。
就係下圖o既中華料理---青蓮酒房。

兜客o既似乎係老闆(唔係上圖o既呀嬸)
以小弟多年o既經驗, 未開聲已經睇得出老闆係中國人。

果然, 講多幾句, 老闆就問我地係咪中國人。
食野o既時候又不時黎傾偈,
例如問下小弟一行毒拎點解肯花咁多錢過黎睇ASL......
仲要無啦啦請小弟四人飲可樂~

大家有機會就去幫襯下啦,
就係會場外面けやき広場o既落一層。

食完野hea多陣進場。

當然唔少得影花牌啦,
可能會同琴日有啲重複。

點解咁似SOS団o既LOGO?

山本寬

今日o既焦點所在,
話係IM@S應該唔會有人話小弟錯掛~

點解青木瑠璃子零舍有花牌?

《鬼灯の冷徹》入面o既ピーチ・マキ都有花牌www

當然唔少得皆勤獎o既栗林啦~

今年三森人氣急升~

小弟今日坐o既都係D,
不過今日係D block o既第四行,
前面得三排人, 同埋C同D之間有條大通道,
所以視野廣闊。

都係啦, 聽到《we will rock you》,
就知道就快開場。
先係今日o既演出名單:

01 GO!!! / FLOW×GRANRODEO
02 COLORS / FLOW
03 愛愛愛に撃たれてバイバイバイ / FLOW
04 MOON PRIDE / ももいろクローバーZ
05 月虹 / ももいろクローバーZ
06 猛烈宇宙交響曲・第七楽章「無限の愛」（Emperor Style） / ももいろクローバーZ
07 ユニバーページ / 三森すずこ
08 せいいっぱい、つたえたい！ / 三森すずこ
09 フェイス / 三澤紗千香
10 ユナイト / 三澤紗千香
11 いつかの、いくつかのきみとのせかい / fhána
12 divine intervention / fhána
13 ポーカーフェイス / ミス・モノクローム
14 Stand Up！ / 堀江由衣
15 Golden Time～半永久的に愛してよ♡ / 堀江由衣
16 キャンディキャンディ～ひみつのアッコちゃん～花の子ルンルン～サザエさんのうた / 堀江美都子
17 アクビ娘 / 堀江美都子 feat. ももいろクローバーZ
18 moving soul / 栗林みな実
19 Shining☆Days / 栗林みな実
20 儚くも永久のカナシ / 栗林みな実 & angela
21 開け！地獄の釜の蓋 / 地獄の沙汰オールスターズ阿仁尊地獄篇
22 キャラメル桃ジャム120％ / ピーチ・マキ
23 地獄の沙汰も君次第 / 地獄の沙汰オールスターズ阿仁尊地獄篇
24 READY!! / アイドルマスター
25 お願い！シンデレラ / アイドルマスターシンデレラガールズ
26 Thank You! / アイドルマスターミリオンスターズ
27 M@STERPIECE / THE IDOLM@STER THREE STARS!!!
28 to the beginning / Kalafina
29 君の銀の庭 / Kalafina
30 heavenly blue / Kalafina
31 掌 -show- / 喜多村英梨
32 Birth / 喜多村英梨
33 Different colors / angela
34 Shangri-La / angela
35 シドニア / angela
36 変幻自在のマジカルスター / GRANRODEO
37 シャニムニ / GRANRODEO
38 慟哭ノ雨 / GRANRODEO
39 Can Do / GRANRODEO
40 RE:BRIDGE～Return to oneself～ / アニサマオールスターズ
41 ONENESS / アニサマオールスターズ

琴日開場由JAM Projecr帶領,
今日都係由樂隊開始, 就係FLOW同GRANRODEO o既合奏開始。

FLOW近年好似冇乜heat o既動漫歌,
除左《サムライフラメンコ》OP之外
就算有都要數番火滾忍者同魯母修了。
不過出名o既唔洗多, 夠氣氛就得。

一黎就係《火滾忍者》n年前o既歌「Go!!!」。
齋講歌名大家未必有印象,
但如果小弟講「We are fighting dreamers」呢?

冇錯, 一黎已經係家傳戶曉o既歌,
一唱到「We are fighting dreamers」,
同埋「Oh-I-Oh-I-Oh-I-Oh just go my way」,
全場都會出盡全力咁嗌。

當然唔少得rap嗰段, 例如
「Right Here Right Now (Bang!)
ぶっ放せ Like a 弾丸ライナー!
Right here Right now (Burn!)
ぶった斬ってくぜ Get the Fire」
到紅色字o既地方, 一定會全場彈起嗌!

淨係第一首已經咁消耗體力,
點算orz

宣報左FLOW×GRANRODEO負責唱動畫《七つの大罪》o既ED之後,
GRANRODEO退場, 交俾FLOW唱多兩首。
正正就係小弟頭先提過嗰兩首!!!

先係魯母修o既OP「COLORS」。
首歌唔係特別rock,
但氣氛都唔錯, 再加上頭先一黎整左首「Go!!!」,
所以仍然係fing螢光棒fing到油筋。

第三首係《サムライフラメンコ》OP,
「愛愛愛に撃たれてバイバイバイ」。
勁rock得起o既一首歌。

頂你淨係呢三首歌,
小弟已經再舉唔起手......

---------------------------------------------------------------------------------------

點再跟住黎仲有ももいろクローバーZ,

唱新作《美少女戦士セーラームーンCrystal》o既OP「MOON PRIDE」。

真係唔俾人唞架喎大佬。

五條友, 著住類似sailor moon o既衫熱唱。
不過老實講, 一來小弟對佢地冇乜趣,
二來佢地啲歌唱力真係麻麻,
三來真雙手真係好攰,
所以都係半唞狀態黎fing螢光棒......

唱得OP就當然唱埋ED啦---「月虹」。
慢歌, 所以對手又可以休息一下。
因為係慢歌, 加上會場用冷色燈光,
所以觀眾都將螢光棒由雜色(紅、黃、粉紅、綠紫)轉為藍色。
大背景螢幕播出動畫片段。
做乜勁, 地場衛勁有型www

小弟一直都好有深印象佢地佢年唱左舊Sailor Moon o既歌,
估唔到今年真係俾佢地唱新Sailor Moon OP+ED,
其實係咪上年已經係一個暗示?

ももいろクローバーZ咁紅, 當然有第三首啦。
點知係「猛烈宇宙交響曲・第七楽章「無限の愛」（Emperor Style）」......
呢首歌已經唱左連續三年架喇喎......
與其係咁不如俾小松未可子出黎唱番首啦 (T_T)

---------------------------------------------------------------------------------------

ももいろクローバーZ走左之後,
螢光棒o既顏色一轉轉成全場粉紅色,
皆因出場o既係人氣息升o既みもりん(三森すずこ)

又真係幾可愛o既~~~

唱出《OURBREAK COMPANY》OP 「ユニバーページ」,
同埋新番《まじもじるるも》OP「せいいっぱい、つたえたい！」。
兩首歌都好啱佢style, 舞蹈亦都好可愛。

うん、やっぱりかわいい !

---------------------------------------------------------------------------------------

跟住o既有さっちゃん, 三澤紗千香~
唱出《白銀の意思アルジェヴォルン》OP「フェイス」。
動畫就一般般啦, 不過呢首OP都幾好聽。
唔知係咪受會場燈光影響,
大部份人都將螢光棒轉藍。

老老實實, 聽得出さっちゃん一年比一年壓場,
唱功亦都一年比一年好~
(前年至去年之間進步最明顯)

中間清談,
さっちゃん今年係連續第三年黎ASL (同小弟一樣),
講番第一年出場非常緊張,
然後由第一年o既一首歌, 增加到去年o既兩首歌。

適逢今年ASL十週年,
所以さっちゃん揀佢作為歌手o既出道作送俾大家---「ユナイト」

螢光棒亦刻多左好多紅色,
亦都好多人爆UO,
仲有人嗌call添~
(嗌call某程度反映歌手、歌曲人氣以及粉絲數目)

---------------------------------------------------------------------------------------

節奏強勁o既「ユナイト」之後,
轉成清新o既旋律,
由fhána唱出《僕らはみんな河合荘》主題曲
「いつかの、いくつかのきみとのせかい」。
套動畫作畫同氣氛都好好(只係主題有少少迷失),
但首OP同OP o既動畫非常夾, 感覺好清新, 所以小弟都好鐘意呢首歌。

就番呢個清新o既感覺,
大家都將螢光棒轉做水藍色。

(圖片黎自fhána o既blog)

講講番番女主音towana把聽真係好好聽好舒服,
而且一啲都睇唔出係年輕組合,
一啲都冇怯場, 發揮好好。

中間清談介紹, 由towana介紹members,
不過原來頭先o既壓場係騙人的,
實情towana勁緊張, 因為佢連自己都唔記得介紹www
好萌~

另外三名member都唔見得好輕鬆,
講野口疾疾, 手震震,
尤其是負責keyboard o既佐藤純一,
講多野都唔肯, 講完名就完左介紹www

第二首歌係《ウィッチクラフトワークス》OP「divine intervention」,
動畫唔係好出名, 但其實都幾好睇的, 啱御姐控www

因為歌節奏較明快,
所以大家都自然咁將螢光棒轉晒做紅色。

(圖片黎自fhána o既blog)

話說, fhána其實都幾犀利,
出道唔夠兩年, 出左五隻single,
全部都被採用為動畫歌!

好期待佢地將來o既發展!!!!!

---------------------------------------------------------------------------------------

fhána 退場之後, 全場黑晒,
黑暗中傳黎電子合成o既聽音。
冇錯, 就係去年第一日中場休息時亂入,
由堀江由衣自編自導自演o既角色---ミス・モノクローム

講左一大輪野, 係咁搞GAG,
最好笑係話因為自己係Miss Monochrome,
所以最鐘意黑色同白色,
叫大家準備定白色螢光棒之餘, 都要準備黑色螢光棒.....

(?﹏?)

黑色螢光棒, 邊度搵......

ミス・モノクローム就話,
大家唔舉螢光棒隻手, 冇光就當係黑色螢光棒www

但其實真係有黑色螢光棒的(無誤)
小弟旁邊同前面o既IM@S粉絲,
不約自同咁ドヤ顏地拎左支黑色螢光棒。
原來IM@S螢光棒set入面, 真係有黑色的......

上圖左邊, 下面數上第4支就係黑色,
應援角色為まことwww

anyway, 一聲「ソレジャアニサマイクヨー」,
黑暗o既舞台上出現ミス・モノクロームo既身影,
投影係半透明screen上面, 同兩年前初音ミク出場一樣~

小弟仲期待,
會唔會真係同永遠十七歲教主キクコ,
黎個夢幻o既合作演出,
不過睇黎小弟諗多左喇,
ミス・モノクローム唱左本名曲「ポーカーフェイス」就消失左lu......

---------------------------------------------------------------------------------------

就係ミス・モノクローム唱完,
音樂同身影都消失之後,
會場又亮起黎, 奏起新o既音樂。
直至有人唱歌, 都見唔到台上有人,
搜尋之下, 完來下一位歌手已經坐住巡遊車,
由Arena o既左邊, 沿住C區同D區中間條通道向右移動。

着住校服格仔裙o既可愛女歌手,
冇錯, 就係御三家之一、十七歲教成員之一o既堀江由衣!!!
ほっちゃーん! ほ、ほーっ、ホアアーッ!! ホアーッ!!

如果大家記性好的話, 應該記得小弟就係坐D block第四行,
而ほっちゃん o既巡遊車就慢慢向住小弟方向駛過黎!!!
ほっちゃーん! ほ、ほーっ、ホアアーッ!! ホアーッ!!

最近o既時候距離只有唔夠五米!!!!!!
ほっちゃーん! ほ、ほーっ、ホアアーッ!! ホアーッ!!

太感動了 (T_T)
講番先, 唱o既係smart phone 遊戲
《白猫プロジェクト》主題曲: 「Stand Up！」

番番上台上, 自我介紹:
「堀江由衣、十七才で～す」
超萌!!!
童顏加校服格仔裙, 再講後生多幾年都仲得!!!

話說, 去年ほっちゃん冇份演出,
只係派左ミス・モノクローム係中場休息時亂入。

繼續清談時間,
ほっちゃん提到自己都開緊個唱,
而演唱會o既觀眾, 都稱自己為「劇団堀江」o既成員。
然後ほっちゃーん!就問ASL o既觀眾,
願唔願意成為劇団堀江 o既一份子, 係黎緊一首歌入面幫手嗌call。

一眾呀宅當然唔會托手肘啦。
ほっちゃん就話黎緊呢首「Golden Time」有好似開party o既氣氛,
想觀眾係某啲位幫手嗌「yeah~!」, 然後就開始哼起音樂:
「な～な～な、な～な～な～ななっ、
　にゃにゃにゃにゃ～にゃにゃっ、にゃにゃにゃにゃっにゃにゃにゃ～、yeah~!
　にゃにゃにゃっ、にゃにゃにゃにゃっ、yeah~!
　にゃにゃにゃっ、にゃにゃにゃにゃっ、yeah~!......(下略)」

唔知點解越啦越快, 仲要啦啦吓變左貓叫o既「喵」,
好萌。
即時諗起貓物語入面o既羽川翼, 同埋嗰段急口令
「斜め七十七度の並びで泣く泣くいななくナナハン七台難なく並べて長眺め」

anyway, 對首歌滾瓜爛熟o既小弟,
都唔係好知ほっちゃん哼緊啲咩,
同埋想觀眾係邊個位yeah~!
唯有到時憑感覺、憑經驗啦XD

結果, 臨場嗌call冇難度!

hand in hand Let's go party night!
ココロ踊る　止められないの (yeah~!)
泣いて笑って (yeah~!)　きみとの記憶 (yeah~!)
ずっと忘れない (Hoo~~~)

當大家yeah到咁上下, 以為首歌差唔多完o既時候,
原來係串燒歌, 緊接住「半永久的に愛してよ♡」!!!
小弟超開心, 因為一直都想現場聽呢首。
事關呢首歌編曲好好之外, 仲超萌!!!!!!
強烈推薦未聽過o既朋友去聽下呢首歌o既full ver.!!!

到左嗰句「ほら、一緒にいようね♡」完左之後,
全場鴉雀無聲咁聲咁等嗰一句~
最後ほっちゃーん!用甜美o既聲音講出「な～んてね♡」,
全場即刻發晒癲!!!
(其中一個係小弟)
ほっちゃーん! ほ、ほーっ、ホアアーッ!! ホアーッ!!

真係強烈推薦未聽過o既朋友,
去聽下「半永久的に愛してよ♡」o既full ver.!!!

快樂o既時間過得特別快,
好快ほっちゃん o既出場就完左了鳥......

---------------------------------------------------------------------------------------

係粉紅色o既螢光棒映照之下,
走左一個17歲o既堀江,
卻換來一個57歲o既堀江www

唔好笑佢係BBA呀~
因為呢位BBA就係被稱為「Ani-Song女王」o既堀江美都子!!!
任何動漫歌o既歌手都要奉佢為前輩!!!!!!

除左係日本動漫歌手元老之外,
佢仲可能係身兼動漫歌手+聲優 o既第一人。
詳情請自行Google一下~

女王一出場就唱出四首經典動畫歌o既串燒 :
「キャンディキャンディ」、「ひみつのアッコちゃん」、
「花の子ルンルン」、「サザエさんのうた」

分別係動畫
《キャンディ・キャンディ (小甜甜)》[1976]、
《ひみつのアッコちゃん (甜蜜小天使)》[1988]、
《花の子ルンルン (花仙子)》[1979]、
同埋《サザエさん (海螺小姐)》[1975] o既主題曲。
除左《甜蜜小天使》之外, 其他三首歌問世時,
小弟連精蟲都不是......

不愧為動漫歌女王,
歌唱力冇得挑剔,
雖然唔係唱奈々さま嗰種型格難唱路線,
而係唱啲好普通、輕鬆o既旋律,
但真係唱得好好聽, 唔知點用文字形容,
不過「繞樑三日」呢個詞語應該就係用係呢個時候!!!!!

繼去年第一日有ももいろクローバーZ扮筋肉人,

同串田アキラ係摔角擂台唱「キン肉マンGo Fight!!」,

今年佢地又出黎踩場,

扮o既係《ハクション大魔王 (噴嚏大魔王)》入面o既角色www

真係無語......不過足夠搞氣氛有餘~~~

然後就出現左呢個年紀相差都有差唔多成40年o既一個組合......
唱出《噴嚏大魔王》主題曲「アクビ娘の歌」,
老實講, 本身ももいろクローバーZ唱歌已經唔係好聽,
再拍住呢啲實力派大前輩旁邊,
只可以話係「相形見拙」......

---------------------------------------------------------------------------------------

體感時間都估到上半場都差唔多架喇,
應該係時後出上半場o既壓軸。

負責呢個重任o既,
係ASL唯一一個可以攞皆勤獎 (無缺席獎)o既歌手---栗林みな実!!!

唔洗估都知必定會唱o既,
實有《Fate/kaleid liner プリズマ☆イリヤツヴァイ》o既OP
「moving soul」, 全場紅卜卜, 勁 high。
但估唔到佢唔唱《IS》啲歌。

雖然冇唱《IS》啲歌, 不過取而代之,
栗林話為左紀念ASL十週年,
於是擇左唱一首差唔多十年前o既歌 :
《舞-HiME》 o既「Shining☆Days」!!!!!!

嘩!!!!!!!超開心!!!!!!!實在係喜出望外!!!!!
淨係聽到段intro已經眼泛淚光 (>.<)

試問睇緊post o既看官, 有幾多個睇過《舞-HiME》?

可能小弟想法太奢侈, 但如果可以o既話,
小弟更加想現場聽到「翼はPleasure Line」

栗林並冇第三首o既solo,
變成加埋angela出黎o既collaboration!!!

angela一定會搞氣氛的。
果然, 栗林表示好高興可以同angela合作之後,
atsuko就話, 一直以來都以為栗林係前輩,
而家先發現原來自己先係前輩!
所以由呢一刻開始, 會叫栗林做みなみwww
(angela 03年5月出道, 栗林 03年10月出道)
然後栗林即刻回應一句「ありがとうございます！」www

****************************
解說:
日本人長幼有序, 仲十分嚴格,
一般黎講, 晚輩只會叫前輩o既姓+さん, 如: 栗林さん
再親近都只會叫名+さん, 如: みなみさん
只有長輩叫晚輩, 又或者係十分親暱先會叫名~~+さん,~~ 如: みなみ
呢個唔加さんo既叫人方式稱為「呼び捨て」。

而另外, 晚輩對長輩要講敬語,
例如, 唔可以講「どうも」或「ありがとう」,
而係要講「ありがとうございます」

上面對話, 因為atsuko發覺自己先係長輩,
所以呼び捨て, 只叫栗林みなみ做みなみさん。
而栗林接受呢個提議, 於是用敬語講「ありがとうございます」

當然, 佢地之間並唔係真係計較前輩晚輩關係,
只係用呢個梗黎搞氣氛啫。
****************************

栗林同angela合作,
唱出《機動戦士ガンダムOO》o既OP「儚くも永久のカナシ」。
點解呢兩日係咁唱高達......

唱到中途音樂間奏o既時候,
栗林high起上黎, 突然間大嗌
「みんなアニソン好き？私もアニソン大好き！」
(意譯: 「大家鐘唔鐘動動畫歌曲? 我都係最愛動畫歌曲!」)

上半場黎到呢度就告一段落喇。

---------------------------------------------------------------------------------------

中場休息之後,
燈光變暗, 然後轉紅。
由出名講怪談o既稲川淳二錄音o既開場白,
提起夏天盂蘭節呀、鬼門關咁,
然後就帶到落去地獄o既話題。
接住出場o既係《鬼灯の冷徹》動畫入面o既主要角色,
總稱「地獄の沙汰オールスターズ」。

全部都cosplay各人係動畫入面負責o既角色, 包括:
鬼灯（CV: 安元洋貴）、閻魔大王（CV: 長嶝高士）、
シロ（CV: 小林由美子）、茄子（CV: 青山桐子）、
お香（CV: 喜多村英梨）、芥子(CV: 種﨑敦美)

不過唱o既係比較冷門o既「開け！地獄の釜の蓋」。
但因為由稲川淳二o既MC, 同埋大家對呢套動畫o既支持,
所以整體都幾好氣氛。

長嶝高士又真係幾似閻魔王,
簡正漫畫入面o既閻魔王好似係照住佢個樣畫咁www
シロ好可愛, 茄子肥左啲......
おのれ狸め芥子www

唱完之後, 再次響起稲川淳二o既聽音。
今次講到, 話連地獄都有偶像咁話。
再加埋牛頭(CV: 山田栄子), 馬頭(CV: 島本須美)o既介紹。
大家都估到, 係時候到ピーチ・マキ(CV: 上坂すみれ)出場喇。

上圖, 中間係シロ（CV: 小林由美子）,
右邊係牛頭(CV: 山田栄子), 左邊係馬頭(CV: 島本須美)
真係超豪華陣容......

果然, 「キャラメル桃ジャム120％」音樂響起,
但係, 又係唔見歌手o既出現喎。
經過琴日流田project o既經驗,
今次醒目喇,
一望就望到ピーチ・マキ係control area 後面o既高台又唱又跳。
仲要小弟都幾近個高台,
甚至可以望到すみぺ個樣。

之前係youtube聽過ピーチ・マキo既mini-live,
すみぺ實在唱得好難聽 ('﹏')
好在正式o既時候都ok啫,
同去年唱「七つの海よりキミの海」o既質素差唔多......
唱完之後, 小弟仲可以見到工作人員,
用電筒仔照住樓梯俾すみぺ行。

話說, すみぺ post左張佢出場前係後台待機o既相,
成為一時佳話www

最後, 大家唱埋OP「地獄の沙汰も君次第」,
「地獄の沙汰オールスターズ」大功告成。
話時話, 「地獄の沙汰も君次第」呢首歌真係好鬼難唱,
尤其是中間rap地獄名嗰段,
一邊rap, 大螢幕上就不斷出現rap緊o既地獄名,
好多字見到都唔識讀.......
但歌手們又rap足晒!!!

衆病処、両鉄処、悪杖処、為黒色鼠狼処、
異異回転処、苦逼処、鉢頭麻鬢処、陂池処、
空中受苦処、等喚受苦処、旃荼処、
畏鷲処、大量受苦悩処、割刳処、
脈脈断処、悪見処、団処、
多苦悩処、忍苦処、朱誅処、何何奚処、
涙火出処、一切根滅処、無彼岸受苦処、鉢頭摩処、
大鉢頭摩処、火盆処、鉄末火処、大吼処、
普声処、髪火流処、火末虫処、熱鉄火杵処、
有煙火林処、殺殺処、鉄林曠野処、普闇処、
閻魔羅遮約曠野処、剣林処、大剣林処、
芭蕉烟林処、有煙火林処、雲火霧処、分別苦処

有冇佛教達人解釋一下......

---------------------------------------------------------------------------------------

有嗰句講嗰句,
小弟都幾鐘意《鬼灯の冷徹》,
但搵佢地作為下半場開場搞氣氛,
卻可圈可點.......

不過唔怕, 因為接住落黎,
係好多大朋友o既大本命,
IDOLM@STER 系列出場。

先係有アイドルマスター,
成員包括中村繪里子(天海春香役)、今井麻美 (如月千早役)、
下田麻美 (双海亜美/真美役)、沼倉愛美 (我那覇響役)

果然係老牌組合, 揀歌都揀得醒目過人,
冇話刻意要唱新歌, 而係揀左「READY!!」,
呢首人人都聽過, 氣氛又好o既歌黎搞興個場。
全場嗌call勁齊, high到爆!!!

途中, あさぽん同中村先生一度走到台o既兩端,
即時紅色、黃色螢光棒亂舞~

跟住有アイドルマスターシンデレラガールズ出場
大橋彩香 (島村卯月役)、福原綾香 (渋谷凛役)、
原紗友里 (本田未央役)、青木瑠璃子 (多田李衣菜役)、
松嵜麗 (諸星きらり役)、佳村はるか (城ヶ崎美嘉役)
點解冇早見沙織架 >.<

anyway,
雖然小弟好想聽「アタシポンコツアンドロイド」同埋「オレンジサファイア」,
但呢邊都係揀啲大路o既歌「お願い！シンデレラ」。

仲有アイドルマスターミリオンスターズ, 成員有
山崎はるか (春日未来役)、田所あずさ (最上静香役)、
Machico (伊吹翼役)、麻倉もも (箱崎星梨花役)
呢隊都係唱番去年唱過o既歌「Thank You!」。
呢首首本名曲, 特別有氣氛, 啲call又齊!!!

Morning! ぱっと　飛び起きて「おはよう」おはよう
ほら見て　ステキな出会いの予感の青い空
Calling! メッセージ　メンバーから「頑張ろう!」頑張ろう!
ドキわく　鳴り出す　はじまりのベル

大家都用盡奶力嗌......

最後嗰句「せーの!」真係百聽不厭!!!

無論熟唔熟アイドルマスター都好,
相信在場o既所有人都已經精盡人亡......
但勞役o既時候仲未完,
因為三隊共14個人組成
THE IDOLM＠STER THREE STARS!!!
再唱一曲劇場版主題曲「M＠STERPIECE」......

大佬, 真係會虛脫架.......

好多人都表示, 因為睇左劇場版,
所以當「M＠STERPIECE」唱到最後,
見到大螢幕播出入面o既畫面時,
都感動流涕。

10年前o既小弟, 真係唔認識咩係アイドルマスター,
頂龍只係知道太鼓機有首「Go My Way!!」,
同埋有套黑歷史《アイドルマスター XENOGLOSSIA》
但越聽得多佢地啲歌, 就越係鐘意。
總係會由佢地啲歌, 感受到正能量,
情緒低落時候聽, 簡直係一流,
可能呢個就係アイドルマスター咁成功o既原因之一。

---------------------------------------------------------------------------------------

偶像派組合之後, 係實力派組合o既Kalafina。

唱三首,
一黎就係《Fate/Zero 2ndシーズン》OP「to the beginning」,
第二首係《劇場版魔法少女まどか☆マギカ [新編] 叛逆の物語》
o既ED「君の銀の庭」
最後當然唔少得推新歌「heavenly blue 」
今番新番《ALDNOAH.ZERO》OP

Kalafina呢段, 真係唔知寫咩好喇。
冇Call, 冇ppph, 冇跳舞,
只係台上Wakana、Keiko、Hikaru三個企係度唱得投入,
台下觀眾聽得入神。

聽Kalafina o既歌, 聽幾多次都會覺得,
大會o既音響追唔上歌手o既歌唱力!!!

而如果大家上網search下ASL有關Kalafina o既COMMENT,
全部清一色都係話「聽到著左迷」、「壓倒性o既歌唱力」、
「想買飛去聽solo live」等等。

兩隻字:
-耳福-

---------------------------------------------------------------------------------------

跟住出場o既係喜多村英梨

過去キタエリo既選曲,
不嬲都令觀眾有外驚喜,
因為佢成日都揀埋啲アニタイ,
簡單黎講即係都冇乜人認識o既歌......

但今次o既選曲竟然出奇地大路!

先係四月番o既大熱動畫《シドニアの騎士》ED「掌 -show-」。

然後係番兜去年動畫《神さまのいない日曜日》OP「Birth」。

平時睇《シドニアの騎士》o既時候都會飛左ED去,
不過現場聽又幾有氣氛同幾型。
兩首歌都貫徹住紅+藍o既螢光棒。

都冇乜野特別可以講,
因為キタエリ基本上都冇乜MC時間,
唱完就走左......

---------------------------------------------------------------------------------------

本來小弟以為係下半場第一個單位o既演出嘉賓,
變左第尾二o既壓軸,
講緊o既係搞氣氛一流o既angela!!!

一開始唱《劇場版 K MISSING KINGS》o既主題曲「Different colors」。
啱啱先上畫o既主題曲, 首歌小弟未聽過,
只好跟住全場紅卜卜o既螢光棒一齊fing......

第二首係《蒼穹のファフナー》OP「Shangri-La」。
小弟知道套動畫係名作, 但未睇過......
不過呢首歌實在聽過angela唱過好多次,
所以都有啲印象。

還記得去年ASL, atsuko一句說話:
「angelaといえば、振り付け」。
今年都唔例外, atsuko叫大家拎起毛巾黎fing。

一唱到副歌
「僕等は目指した Shangri-La.......」
全場觀眾席即刻毛巾亂舞
唱到副歌最後嗰句
「さよなら蒼き日々よ」更加將毛巾抛上半空。
巴打Ling好似話將條毛巾掟左去後面人地頭上www

雖然冇左螢光棒o既加持(因為要fing毛巾), 但全場勁high,
再加埋本身atuko o既歌唱力,
angela o既live睇幾多次都係咁正!!!

最後一首當然唔少得頭先提過o既動畫,
《シドニアの騎士》 o既OP, ｳﾁｸﾀｹｰ......
呀唔係......係「シドニア」先啱www

動畫又heat, 首歌又熱血,
呢首歌又點會帶唔起氣氛呢。
到左間奏o既時候KATSU又開始發嗡瘋......
「0079ガルマ・ザビは死んだ、
立てよ国民、立てよアニサマの騎士！
ジーク・ジオン！」........
嘛~搞到氣氛就得啦可......

---------------------------------------------------------------------------------------

到左真正o既壓軸,
都估到會係GRANRODEO......
對住佢地, 唔知點解小弟實在係high唔起......
當然女生們就好興奮啦。

第一首《黒子のバスケ》第二期第二OP「変幻自在のマジカルスター」。
《黒子のバスケ》小弟都有追開, 所以首歌都ok投入。

然後, 同去年一樣, 利用大螢幕,
叫大家跟住節奏大嗌call
「Hey! Hey! What you say I don't know!
Hey! Hey! シャニムニ! Woooow!」

因為大螢幕出字幕出得慢左o既關係,
頭一兩次觀眾都唔係好跟到節奏,
不過全靠小弟呢啲古參係度(ドヤ),
嗌多幾次, 觀眾就慢慢就捉得番個節拍。

同去年一樣啦, 又係度分組別叫唔同o既人嗌上面o既call。
先係分男、女,
然後係arena, then 200 level, 再黎400 level, 然後500 level。
仲要問有冇600 level www 食懞左呀你www

吸收去年經驗, GRANRODEO都知300 level係冇乜聲的,
(300 level只係薄薄一層類似包箱, 俾啲未出場或唔洗出場o既嘉賓、工作人員用)
但今年都係堅持叫300 level o既人出聲嗌 :
「関係者！ただじゃ見せねぇぞ！...
怖くないからちょっとだけちょうだい！」
(意譯: 「工作人員, 冇付出就想齋睇呀?
唔洗驚喎, 俾啲聲嗌黎聽下」)

個場又的確俾佢地搞到幾high o既。

一齊嗌多次call之後,
正式導入「シャニムニ」呢首歌。
話說《NEEDLESS》幾時出第二季呀,
呢套動畫都幾好睇丫~

第三首, 係GRANRODEO初次參加ASL所唱o既歌「慟哭ノ雨」,
小弟實在冇睇過《恋する天使アンジェリーク》, 真係唔識呢首歌,
所以進入賢者mode......

最後一首, 都係回歸番《黒子のバスケ》,
唱番第一季OP「Can Do」。

MC時間(記得左係邊兩首歌之間),
KISHOW(谷山紀章) 提番起,
話頭先雖然只係係後台電視睇到,
不過栗林嗰句「アニソン大好き！」簡單得黎直入心坎,
e-ZUKA(飯塚昌明) 就接住話,
「大家一齊講啦『アニソン大好き！』」
當然, 全場一呼萬應。
KISHOW(谷山紀章) 繼續話, 自己一年比一年愛上ASL~

簡單幾句, 但真係好感動~

---------------------------------------------------------------------------------------

成日o既正式表演完左......
工作人員o既scrolling過左之後,
就到大合唱o既時間。

同琴日一樣,
因為係十週年o既關係,
所以揀左以往其中一屆o既主題曲唱。

可能因為栗林みな実係度,
所以唱左佢負責作曲嗰年2009年主題曲
「RE:BRIDGE～Return to oneself～」

唔係話揭人瘡疤,
不過小弟作為敍事, 都要講下,
唱「RE:BRIDGE～Return to oneself～」
呢啲咁重要o既大會合唱主題歌時,
さっちゃん唱甩左歌詞.......

不過又唔怪得佢, 因為佢只係中左伏。

「RE:BRIDGE～Return to oneself～」呢歌有好多特別標註讀音o既字,
例如「時流」格硬標註讀做「とき」、
「未來」格硬標註讀做「あした」......
さっちゃん好似就係係「時流」呢度疾左......

唱完老歌之後,
到左演出嘉賓逐個打招呼。

動漫歌女王, 堀江美都子提到,
能夠同台遇到同一個姓o既堀江由衣, 非常高興~
(日本人姓氏成千上萬, 除左特別多o既鈴木、近藤等等之外
同一場合遇到同姓o既人機會其實好細)

堀江由衣即刻同最上級敬語,
多謝前多謝後, 又係咁躹躬, 都幾搞笑。
能夠令堀江由衣咁拘緊o既, 都冇乜幾多個www

其他歌手起鬨, 叫二人企埋一齊。
堀江由衣躹左一輪躬之後,
結果都係到台中間同堀江美都子企埋一齊~

堀江由衣話, 成日都俾人問係咪同堀江美都子有關係,
堀江美都子即刻打趣咁話「唔係兩母女唷~」

到fhána打招呼o既時候,
towana自己講番, 話頭先表演時太緊張,
介紹左其他成員, 係唔記得介紹自己,
於是補番報上自己名來~~
好可愛♡

Kalafina打完招呼之後, 緊接住o既係喜多村英梨,
可能係想承接住《まどか☆マギカ》呢個梗,
キタエリ無啦啦用さやかo既口吻講「あたしって、ほんとバカ」.......
.............

到左GRANRODEO打招呼, KISHOW大嗌(意譯)
「大家真係超正, 每天夏天都有咁多觀眾到來,
成為左夏天o既一個概定節日咁, 真係好高興........
原來動漫歌都可以呃到下錢,
呢啲動漫歌, 我都越黎越鐘........呀唔係,
我係鐘意大家o既笑容多啲!」

全場一陣閧笑www

不過成晚最為人津津樂道o既語句, 竟然係由angela o既KATSU所發!
一句 : 「全体ではなくて、特定の人へ向けて話したい」開始...... 原文大概係 :
「黒崎真音さんもそうですけど『私、お客さんでアニサマに来てました』
という人がこの舞台にあがっている。
来年はみんなの隣にいる子がここに立っているかもしれないんです。
アニソン歌手になりたいという子へメッセージです。
この場所は日本で、世界で一番気持ちいいから、這い上がってこい！」

意譯:
「並唔係對全部觀眾, 而係只係同一小部份特定o既人講o既說話
黒崎真音提過『我能夠踏上ASL舞台之前, 都係ASL o既一個觀眾』
講呢句說話既人而家就企左上黎舞台上!!
出年, 你地身邊o既人, 可能就係企係呢個台上唱歌o既一個!!!!」
觀眾們即刻你眼望我眼~
「想同有志成為動漫歌手o既朋友講,
ASL呢個舞台, 係全日本、全世界最好feel的, 盡努力爬上黎吧!!!!!」

淨係呢說話已經好熱血, 搏到唔少歡呼同掌聲,
錦上添花o既係, みもりん即刻舉手附和, 眼泛淚光咁話 :
「私も2009年のアニサマ見に来てたんです。
次の年にお話がきてステージに立てることになったんです。
ですから、いまのお話に胸がいっぱいで泣きそうです。
ここは世界一素敵な舞台です！」

意譯:
「我都係2009年ASL o既其中一個觀眾,
結果第二年就真係登左上呢個台表演。
所以聽到頭先o既一番話, 真係百感交雜, 感動不已。
呢度真正係世界第一o既舞台!」

全場報似讚嘆同鼓勵o既掌聲

---------------------------------------------------------------------------------------

唱埋今年主題曲「ONENESS」
今日全日o既演出就完結了,
就係嘉賓走到花道, 繞一圈作最後打招呼時,
堀江由衣突然將手上o既螢光棒抛出,
(唱最後一次副歌時, 每位嘉賓都會亮起一支化學螢光棒)
唔知邊個咁幸福, 接得住ほっちゃん支螢光棒呢......
應該會被奉作傳家之寶www

就咁, 第二日o既表演就完晒喇........

---------------------------------------------------------------------------------------

幕後花絮