兩日兩夜 突發東京 hea住魷 第二日 --- 秋葉原 + 上野食焼き肉

琴日雖然行左一日秋葉原,
但只係踩下場,
今日先係正式買野,
順便帶愚妹逛下。

關於秋葉原, 都冇乜好講喇,
大家有興趣可以睇番琴日嗰篇BLOG。

唔同o既係,
今日晚上, 約左個日本朋友食飯。
事源係咁的,
小弟之前YAHOO BID左Animelo Summer Live o既演唱會飛,
俾錢用收件都係搵呢位日本朋友幫忙,
所以一來同佢交收,
二來請佢食飯, 三來聚下舊咁啦。
(竟然係聚舊放最後=.=)



本來想去東京駅附近有間好多好評, 又平o既店,
但朋友話上野方便佢,
所以小弟揀左呢間, 成5500yen一位........
大出血

因為係韓式,
所以附有麵或甜粥。
個甜粥意外地好好食。

食完十點幾, 小弟就同愚妹踏上歸途番香港。
坐モノレール到羽田機場過一晚,
搭第二朝6點o既機番香港。