七日六夜 箱根東京千葉魷 --- 第七日 睇戲食飯唱K in東京

今日完全係冇野做,

作為ASL之後, 番香港之前o既休息,

將會好優皮咁過一日。

自從上次睇過《ラブライブ》劇場版之後,

而家黎日本都會睇下有咩動畫上畫,

但今次冇乜野特別好睇,

不過又冇乜野做, 結果都係揀左上畫中o既《デート・ア・ライブ》睇......

唔好俾上圖o既pamphlet呃左,
《心が叫びたがってるんだ。》仲未上畫。

七日六夜 箱根東京千葉魷 第六日 --- Animelo Summer Live 2015 第三日

ANIMELO SUMMER LIVE第三日,

都冇野話要買, 所以瞓晏啲, hea行秋葉,

差唔多開場先到達さいたまスーパーアリーナ會場。

人就係咁,

當一啲野習慣左之後, 就唔會再珍惜......

第三日, 有小弟今年最喜愛o既低成本制作人氣"動"畫

《てさぐれ！部活もの》o既組合出場。

唔識日文o既朋友可能唔熟呢套野,

但事實上呢套野空前地成功......

七日六夜 箱根東京千葉魷 第五日 --- Animelo Summer Live 2015 第二日

今日係Animelo Summer Live (ASL) o既第二日,

因為小弟要買第二日o既限定tee, 

加上有fd搵小弟幫手買Pile o既碟,

所以結果都係晨早去左排物販。

正如前幾年小弟都講過,
第一日唔買, 基本上第二日都冇野剩。

七日六夜 箱根東京千葉魷 第四日--- Animelo Summer Live 2015 第一日

今日就係小弟今趟黎日本o既主要行程,

動漫界一年一度事, Animelo Summer Live (ASL)演唱會o既日子。

雖然物販要十點鐘先正式開始,

但跟據以往o既經驗, 唔早番個零鐘的話, 隨時買唔到心頭好。

於是八點幾就到會場,

真係番工番學都冇咁早......

今年當紅o既當然係IDOLM@STER CINDERELLA啦,
一出車站就見到大大張poster。

天陰陰番落雨咁

第一件事當然係搵龍尾...... 

七日六夜 箱根東京千葉魷 第三日 --- 俺ガイル聖地巡禮(葛西臨海水族園) + アニメトカフェ×IM@S CG + 東京アニメセンター

睇標題都估到,

今日全日都係同動漫有關o既話題......

承接琴日o既痛車,

今日都係同小說、動畫《やはり俺の青春ラブコメはまちがっている。》有關。

今日小弟係黎聖地巡礼,

《やはり俺の青春ラブコメはまちがっている。》第二季最後一集o既重要場地,

位於千葉西面, 就係迪迪尼隔離o既水族館,

名為「葛西臨海水族園」。

官網http://www.tokyo-zoo.net/zoo/kasai/

老老實實, 小弟唔係套套動畫都黎聖巡,

要真係好睇, 小弟又好鐘意,

先會願意為佢花時間花錢去聖巡~

不過黎完之後發覺,

就算唔係因為動畫, 純粹以觀光心態黎睇,

葛西臨海水族園都係一個值得一睇o既地方。

JR京葉線, 京葉線 葛西臨海公園駅 落。

七日六夜 箱根東京千葉魷 第二日 --- 箱根 + 千葉モノレール×俺ガイル痛列車

小弟平時都係遲起身之人,

加上琴日活動超過18個小時,

應該瞓晏啲先係。

但小弟都係晨早七點幾起左身,

再浸溫泉風呂!

大老, 兩皮幾yen住一日, 浸到甩皮都繼續浸啦。

浸完食早餐,
仍然係由嬸嬸送到黎房間,
換句話說, 一check in左, 基本上都唔洗再離開間房。
呢種廢人式o既生活真係正!!!

七日六夜 箱根東京千葉魷 第一日 --- 芦ノ湖 + 箱根神社（九頭龍神社） + 甘酒茶屋 + 箱根旧街道 + 溫泉旅館

又到左八月底,

有爬開文o既朋友都會察覺,

到左呢個時期, 小弟都會去一轉日本,

參加ANIMELO SUMMER LIVE,

今年本打算唔黎架喇,

不過有朋友抽到飛,

結果都係黎左......

都係啦, 唔會淨係聽演唱會o既,

係演唱會之前, 通常小弟都會黎個小小o既旅行。

plan行程o既時候諗起, 小弟黎咁多次日本,

都未黎過溫泉熱點箱根!!!

於是小弟就決定去一轉箱根,

book間勁貴o既溫泉旅館,

黎個豪華溫泉之旅。

去程, 小弟仍然係選擇深夜o既廉航,

咁就可以請少日假, 而又玩盡第二日。

可能因為小弟遲check in o既關係,
一班九成滿o既機,
小弟竟然可以坐到係兩個吉位旁邊,
超lucky。
可以推起扶手, 打橫瞓晒三個位~

香港時間1150,take off,
日本時間五點左右landing,
太陽都未出黎。

六日五夜 日本中部帶人魷 第六日 --- 名古屋リニア鉄道館

今日係日本中部帶人魷最後一日,

小弟最初最初o既打算,

係神早爬起身去熱田神宮,

然後再去リニア鉄道館滿足小朋友o既願望。

不過經過呢幾日行程,

小弟發覺係絕對冇可能早出發到。

同同事商量過後,

決定skip左熱田神宮佢。

另外, 因為同事個老婆都想再去藥房掃貨,

而小弟亦都要去明古屋間animate買野,

於是行程就改為先去明古屋駅附近,

然後再去リニア鉄道館。

由岐阜渣一個鐘左右車就番番黎名古屋,

同事一家去藥房, 小弟就去animate。

六日五夜 日本中部帶人魷 第五日 --- 高山 + 白川鄉 + 岐阜長良川鵜飼

行程黎到第五日,

琴日講到黎到高山市, 但已經好晏,

所以冇機會參觀, 只係食左餐燒肉做晚飯就瞓。

於是今日日間o既主要行程就係遊高山市。

上圖係由酒店望向高山市。




拎左車, 等同事一家人食完早餐會合o既時候,
順便睇下酒店冇咩當地手信賣。

上圖呢個紅色o既野,
大家黎到飛騨高山一帶都會好經常見到,
叫飛驒寶寶, 係飛騨高山一帶o既吉祥物。

上圖o既梅干幾好食,
小弟母親好鐘意食日本梅、飲日本梅酒,
所以買左兩包番去。




好, 講番行程先,
第一店黎到高山祭屋台会館,
位於櫻山八幡宮境內。

六日五夜 日本中部帶人魷 第四日 --- 上高地 + 新穗高 + 高山

瞓到四點幾o既時候, 唔知點解隔離左右o既人,

都起身搞呢搞嘮, 嘈醒左我, 肯定有啲野。

係呢個時候, 醒目o既我, 突然諗起呢間旅館個名,

叫「朝焼けの宿 明神館」。

「朝」即係早上啦, 咁「焼け」又係燒啲咩呢。

小弟又醒起, 就係明神橋對住個山頭, 個名就叫做「焼岳」。

肯定係有啲關係的, 真相只有一個, 我以爺爺o既義起誓!

於是小弟就冒住嚴寒, 拎埋相機向住明神橋出發。

夏天流流邊搵嚴寒?

第一, 上高地呢度海抜1500米, 已經比水平面低9度,

八月日間平均氣溫只係20度,

再加上而家係日出前, 係一日最凍o既時刻,

以小弟平時出入cold room (5度) o既體感,

而家戶外只係得十度左右, 再加上吹住微風......

可憐o既小弟只係得短T短褲......

黎到明神橋, 用手機影番個全景先。




下圖開始影住, 最高嗰個就係「焼岳」,
小弟見呢個山光秃秃, 而又向正東面,
加埋頭先o既詞彙「朝」、「焼け」、「焼岳」,
小弟大概都估到咩事。

果然隨住日出, 山頂o既部份被映照成紅色

六日五夜 日本中部帶人魷 第三日 --- 下呂溫泉 + 上高地

補番張相先,
上圖就係小弟同事一家下榻o既酒店,
酒店名叫オテル・ド・マロニエ下呂温泉。
(由小弟下榻o既停車場影)
而下圖就係酒店對出o既景觀,
可以飽覽下呂市。

由此可以得知酒店距離下呂市中心有少少距離,
亦因為咁, 酒店o既收費比市中心o既溫泉旅館稍平,
但其實渣車都只係五分鐘路程,
所以渣車o既朋友, 呢個都係一個唔錯o既選擇。

六日五夜 日本中部帶人魷 第二日 --- 名古屋城 + 下呂溫泉

行程第二日,

上午先係名古屋逗留,

然後下午會向日本三大溫泉鄉之一---下呂出發。

因為小弟今次o既角色係類似導遊咁,

所以係同事一家梳洗、食早餐o既時候,

小弟就去NIPPONレンタカー租車公司,

搞租車o既手續。

我地一行七人, 所以只好租架七人車,

貴係貴啲, 不過不愧都算係大公司,

俾左架行左唔夠16000公里o既最新NOACH我地!!!

正呀喂!!!

六日五夜 日本中部帶人魷 第一日 --- 名古屋

前言

會有今次日本中部帶人魷,

最主要係小弟同同事傾偈時講,

話如果有人肯包小弟機票,

小弟唔介意幫手BOOK酒店PLAN行程,

食小弟自己搞掂。

點知真係其中有人走去番去同老婆相量,

佢老婆又肯喎,

於是小弟就帶同事一家五口(兩公婆+三隻化骨龍),

去日本黎轉旅行喇。

因為機票係同事出, 所以小弟冇發言權,

不過可以講o既就係, 飛機o既時間都唔算太好,

兩點幾係香港出發, 去到日本已經係晚上七點幾。

加上三隻化骨龍要食雪糕,

同事老婆又有有啲唔舒服,

由中部国際空港去到名古屋市內,

已經係晚上0900......

一出名古屋駅就見到下圖o既雙子聖衣,

果然係無敵o既聖衣, 金光熣燦好美麗

週未極速毒撚魷 第二日 --- 東京練馬區《四月は君の嘘》聖地巡禮 + 秋葉原 + ラブライブ！The School Idol Movie 監賞

儘管經過琴晚o既KSL,

fing螢光棒fing到手都軟,

趕車又趕到腳都跛,

但今朝都係要一早起身,

去東京西面o既練馬區,

進行動畫《四月は君の嘘》聖地巡禮。

冇睇過呢套動畫o既朋友,

小弟係度真心推薦。

《四月は君の嘘》並唔啲好萌o既動畫,

而係非常悽美o既愛情小品,

加上畫中加入古典樂o既元素,

同埋動畫製作公司A-1渾身o既演出,

絕對係近年數一數二好睇o既動畫之一。

廢話少講,

由小弟住o既上野網吧,

搭山手線內回り到池袋,

本身應該係轉西武池袋線的,

點知入左東武個閘......

anyway, 最後都成功坐西武池袋線到第一個目的地,

西武池袋線練馬駅。

頭先趕上車冇發現,

落車先知, 原來小弟坐嗰架列車,

外面包上《暗殺教室》o既warping!

週未極速毒撚魷 第一日 --- 千葉《俺ガイル》聖地巡禮 + 第一屆KING SUPER LIVE

先講明, 講得毒撚遊,
即係都暗示左今次呢個行程係非常之「宅」及「毒」,
冇興趣o既朋友可以回上頁, 或者直接close左個browser佢www

話說會有呢個週未極速毒撚魷,
係因為小弟之前屎忽痕,
見KING RECORD 搞動漫歌演唱會,
啲陣容都唔錯, 於是手痕走去抽門票。
又俾小弟咁好彩(定唔好彩)抽中喎,
於是就計劃, 點樣可以睇live, 唔洗請假,
又可以好充實咁用盡呢個行程,
於是就生成左呢個週未極速毒撚魷。


先係星期五(19/6)一放工即刻仆去機場,
坐1910 o既飛機到羽田,
到達羽田已經係20/6(六)凌晨0100......

初初仲以為要係機場過一晚夜,
但原來仲有尾班巴士,
於是花左1860yen搭巴士到秋葉原,
再步行過去小弟最常用嗰間上野comic busters網吧過夜。

補充一句, 小弟呢兩晚都冇訂酒店,
兩晚都係瞓網吧的~