週未極速毒撚魷 第二日 --- 東京練馬區《四月は君の嘘》聖地巡禮 + 秋葉原 + ラブライブ！The School Idol Movie 監賞

儘管經過琴晚o既KSL,

fing螢光棒fing到手都軟,

趕車又趕到腳都跛,

但今朝都係要一早起身,

去東京西面o既練馬區,

進行動畫《四月は君の嘘》聖地巡禮。

冇睇過呢套動畫o既朋友,

小弟係度真心推薦。

《四月は君の嘘》並唔啲好萌o既動畫,

而係非常悽美o既愛情小品,

加上畫中加入古典樂o既元素,

同埋動畫製作公司A-1渾身o既演出,

絕對係近年數一數二好睇o既動畫之一。

廢話少講,

由小弟住o既上野網吧,

搭山手線內回り到池袋,

本身應該係轉西武池袋線的,

點知入左東武個閘......

anyway, 最後都成功坐西武池袋線到第一個目的地,

西武池袋線練馬駅。

頭先趕上車冇發現,

落車先知, 原來小弟坐嗰架列車,

外面包上《暗殺教室》o既warping!

「ヌルフフフ」

「以音速帶你到目的地」

車站裏面都貼有關於《四月は君の嘘》聖地巡禮o既宣傳海報。

  出閘, 向住公生同かをり第一次(仮)見面o既練馬区立練馬文化センター進發。




一出閘過天橋就係, 搵都唔洗搵

 鏡頭跳小小先,
已經係かをり扯住公生入會場嗰個鏡頭。

因為角度同障礙物問題,
所以唯有用全景。





 公生同かをり第一次(仮)見面o既公園,
其實係文化中心前面o既一塊草地。

事實上草地並冇任何設施,
動畫入面嗰啲, 都係後加的,
包括下圖見到嗰個圓拱形o既東東

 到左真真正正boy meets girl呢一幕
かをり企係個圓拱形東東上面吹《天空之城》插曲嗰幕。

可惜而家係夏天, 冇櫻花......



話題叉開少少,
話說係準備今次o既聖巡o既時候,
無意中俾小弟搵到個手機程式,
除左會係地圖上show動畫節o既鏡頭取景位置之外,
某啲場景仲可以加入AR,
令角色置身於螢幕中!

程式URL 

iOS 

https://itunes.apple.com/us/app/wu-taimeguri-garuzu-pantsu/id680489568?l=ja&ls=1&mt=8 

Android 

https://play.google.com/store/apps/details?id=jp.linknetwork.anitrip

小弟當然要試下用啦,

頭先提過, 文化中心前塊草地乜都冇,

而咁啱, 呢個場景o既AR就係嗰個圓拱形設施~

可惜小弟放歪左啲~

經草地再行入啲,

就係下圖o既散步徑(?)

公生就係由啲度開始聽到かをり吹天空之城,

而走近上圖o既地方

番去搭鐵路, 搭三個站到練馬高野台駅,

睇個格局, 呢區似係団地(即係類似廉租屋)

かをり就係係呢度認定公生做「友人A」

動畫真係連啲樹幹樹支o既分叉都完美還原

跟住o既目的地係石神公園,
因為地點有啲尷尬, 搭鐵路結果都係要行,
於是小弟決定由「友人A 」呢個點, 行廿分鐘到石神公園。

日本啲公園真係好Q大,

閒閒地一個呢啲公園仔都大過你動植物公園......

由公園o既東面, 一直行到西北面,

終於到達第一話一開頭, かをり追逐黑貓嗰個汽水機。

呢個位又可以用手機程式o既AR,
召換出黎o既係一隻黑貓(上圖左下)。

最後かをり係長凳上搵到黑貓,
就係汽水機對出o既空地。
(かをりたん變左個阿伯......)

再向西北行廿分鐘,

到達下一個最叫人可惜o既景點,

就係かをり同公生食完甜品, 對出嗰個公園仔。

點解叫人可惜? 因為個公園係2014年底進行改建,

入面o既遊玩設施, 同動畫入面o既完全唔同晒......

好在個門面都仲係一樣

上圖係而家o既遊玩設施,

而下圖就係原來o既面貌...... 

(あまたのひかり様、写真拝借させていただきました。)

當然唔少得拜會下かをりo既府第啦。

由大泉学園搭一個站到保谷,

向南行幾步就到達かをり屋企。

上圖白色門框o既門面就係。

不過原來作為原型o既餅店已經般左,
而家營業o既係一家理髮店。

而かをり講過, 「爸爸做的Canele最好食」o既餅店,
就搬左去車站o既東北面, 名叫「アルカション」

小弟當然要去試下 かをり爸爸做o既Canele。
點知一入去, 頂你, 三個店員都係呀嬋黎o既!?

ANYWAY, 都買左兩個Canele黎食,
可能真係 かをり爸爸做都唔頂呢~

有兩款大小,
大啲o既賣220yen, 細o既賣120yen。
小弟唔知佢咩料, 所以買左兩個大o既。
好食, 可以食多個; 唔好食, 都只係食多個。

話係兩個大, 其實都好細件,

一隻手都包得晒。

外面包住o既, 係烤焦左o既焦糖,
而入面係好似海棉咁, 但又好濕潤好有蛋味o既飴。

老實講, 第一口咬落去, 小弟並唔係話好鐘意,

因為烤焦o既焦糖, 唔係話好脆嗰種,

而係似係雪硬左o既拔絲咁, 硬硬地,

而且有啲啲苦味。

而入面飴o既味道, 就似係萄撻咁, 但比萄撻稍有彈性。

食完第一舊, 一開始係心諗,

「小弟呢啲窮撚, 都係唔識欣賞法式甜品......」

點知食完之後, 慢慢各種味道混合起黎,

焦糖o既苦味慢慢變甘甜, 跟留係齒頰o既蛋香混和, 久久未能散去,

結果小弟忍唔住好快就將第二舊食埋。

可惜小弟已經正在往下一個景點,

唔可以番轉頭再買......

下一個景點就PK囉......

事關呢個景點, 同任何一個車站都唔近, 又冇巴士到,

結果小弟要由東久留米駅, (競步步速)行半小時過去。

講緊o既係動畫入面多次出現o既一條橋。

OP o既片段。

條橋其實叫前通り橋。

回憶o既片段中, 公生 同 椿 細個o既時候
係呢條橋上面同其他小朋友玩跳水。
不過等小弟講一個殘酷o既現實俾大家知,
就係呢條河, 事實上係一條溪澗,
水深唔超過兩呎,
即係話如果公生佢地係度跳水的話,
肯定會複雜性骨折......

(あまたのひかり様、写真拝借させていただきました。)

連後面啲建築物都一模一樣



當然, 又要CALL ARかをり出黎影番張啦。

其實要拍得個AR唔好咁假, 係好難的......




河堤就係かをり佢地睇螢火蟲o既地方

因為時值夏天, 草木生得好茂盛......

其實仲有好多地方想去的.

例如係狭山山不動寺,

不過因為時間關係,

小弟直接搭巴士, 由西武池袋線o既東夕留米駅,

去到西武新宿線o既花小金井, 再搭兩個站到上石神井駅。

下圖開始, 就係由上石神井駅向西行幾步路o既鐵路旁。

 公生輸左比賽狂奔嗰幕。

上兩張圖好似好大分別咁,
係因為動畫將個距離大幅壓縮,
要就番左邊兩個圖路牌, 就變成咁。

 最後嗰集, 真係超級催淚,
不過小弟鐘意呢個結局, 好過happy ending,
happy ending的話太老套了.....

其實影影下, 都唔記得用AR,

臨尾先記起......

有關以上o既聖巡路徑,

可以參考以下兩圖

因為仲要去秋葉原買野,

那以拿拿聲坐過去新宿, 再坐中央線到秋葉原。

更趕都好, 點都要去animation center睇下有咩展覽o既,

今期係《ISUCA》......點解......

TV版啲作畫真係唔係好掂.
但而家咁樣睇原畫, 又好似唔錯喎,
係咪BD修正版黎架......

HI你貼晒紙條, 全部都唔出得街......




再到Animate頂層,
呢期做緊《ハロー！きんいろモザイク》展覽。

趕頭趕命買完要買o既野之後,
就趕過去品川睇戲。
睇o既係《ラブライブ！The School Idol Movie》
其實初初冇諗住睇的,
不過咁啱上映緊,
小弟又有少少興趣,
咪去昅下囉。

揀品川間戲院,
係因為小弟貪佢方便搭車去機場,
加上票價便宜, 只需1300yen (一般1500-1800yen)。
小弟對物販又冇乜興趣,
就呢間啦。

因為間戲院個格局真係一般般,

加上時間已經係晚上七點, 

同埋套戲又上左畫一段時間 

成個院300幾個位, 坐得唔夠80人。 

正~ 

年齡層多數係十零歲到廿零啦, 

神奇o既係有兩夫婦帶住個十一、二歲左右o既囡囡黎, 

小弟好奇係佢兩公婆想睇, 定佢個囡想睇www 

另外, 比想像中多女仔, 男女比例大概7:3左右啦

熄燈開場, 都係例牌講下唔好偷拍呀、注意睇戲o既禮儀等啦。 

不過特別o既係, 係由真姫、絵里同にこ負責。 

唔係咩動畫, 只係show三個角色o既Q版大頭, 然後加上配音, 

不過搞笑在係: 絵里講戲院有咩唔可以做→にこFF→真姫「訳わかんない」 

舉例 

絵里:「放映緊嗰時唔可以拍攝或錄音」 

にこ:「係囉, にこ呢啲超級IDOL o既私生活點可以俾大家影到架呢」 

真姫:「訳わかんない」 

如是者, 真姫o既對白只有吐槽左4 次「訳わかんない」www 

呢啲應該係買碟都未必有, 淨係戲院先睇到o既片段? 

大家想睇就飛過去日本啦~ 

好以唔同時期有唔同version。

內容唔劇透喇, 

不過以大方向黎講笑咁講的話:

上半段: けーおん！劇場版 + GREASE ? 

中段: 佔中in秋葉原 (無誤)

尾段: 印度電影式晒冷歌舞 (笑)

而成個劇場版個中心思想, 

似係表達緊ラブライブproject製作營運方面,

對於今後ラブライブ發展o既煩惱

而結果係........唔劇透www

講完笑, 認真啲 

作畫水準、分鏡、中割り都中規中矩, 

同TV版差唔多。 

都知ラブライブ係sell歌曲, 

不過有啲歌曲o既位的確入得比較唐突牽強。

成套戲有好一部份都係內心戲或感情戲, 

(正如頭先講, 似係製作營運方面o既煩惱) 

不過唔係好製造到氣氛, 令小弟投入唔到, 

反而TV版第二季仲感動。 

後半段吐槽位都幾多, 

例如機場內點解會有咁多學生, 仲要係全女...... 

又例如點解可以邀請其他組合話一齊唱, 

結果得佢地九個自己霸晒黎唱, 其他人做晒背景板...... 

再唔係, 點解可以霸晒成個秋葉原...... 

小弟真係笑左......

比較不滿o既係歌舞部份

竟然同TV版一樣, 有好一部份都仲係依賴CG。 

平時係ニコニコ睇都已經幾礙眼, 

係戲院大螢幕睇, 便加係難以接受。

其實就小弟所見, 都係差嗰幾十至百零個cut啫, 

做得劇場版, 用手畫埋俾觀眾都唔係好過份啫? 

(雖然IM@S都有用CG......) 

幾欣賞最後嗰首歌《僕たちはひとつの光》 

旋律幾好之外, 歌詞仲加入左九個角色個名, 

例如ほのか、ことり、海、のぞみ、星空 等, 算係幾有心思。 

睇エンディングロール先知原來係ZAQ作曲, 唔怪得都算幾好聽啦。

(小弟冇事先考察)

老實講,
以小弟睇左十幾年動畫o既主觀感覺黎講,
呢個劇場版算中規中矩啦,
唔可以話係神作, 但作為承接TV版o既一個小結,
都算係咁上下。



哎吔, 等小弟仲好期待係將來ラブライブo既演唱會入面,
可以見到あやねる又唱又跳家嘛www
唯有上網搵番啲こころぴょんぴょんする睇住先啦。



睇完戲都只不過係晚上九點幾,
未食晚飯, 但品川一帶又好似冇乜化算o既野食,
結果都係搭番車過去新橋搵食。
見有間叫野郎ラーメン, 俾佢個名深深吸引左,
於是諗都冇諗就衝左入去, 叫左個招牌野郎ラーメン。

由於小弟要由浜松町搭單軌列車到機場,
而新橋同浜松町只係差一個站,
反正仲有時間, 於是小弟就由新橋行去浜松町,
再轉單軌列車到羽田機場。

1120check in, 0110登機,
0430番到香港, 係屋企沖個涼之後番工......
超充實o既一個週末......