七日六夜 箱根東京千葉魷 第五日 --- Animelo Summer Live 2015 第二日

今日係Animelo Summer Live (ASL) o既第二日,

因為小弟要買第二日o既限定tee, 

加上有fd搵小弟幫手買Pile o既碟,

所以結果都係晨早去左排物販。

正如前幾年小弟都講過,
第一日唔買, 基本上第二日都冇野剩。





買完野, 冇野好做, 加上爆眼瞓,
於是係會場附近瞓左陣。
唔知點解呢兩日勁凍, 得番廿度左右,
小弟冇足夠o既禦寒衣物, 凍到hihi......



進場, 都係啦, 指定動作, 影花牌。

因為今日o既cast比較弱,
所以求其200lv都殺,
係就遠左啲, 不過都OK啦。

全場開著螢光棒, 真係好正~

去完ALS, 已經攰到HIHI,

不過都要搵地方填肚。

小弟下榻上野附近,

而樓下就有間海鮮燒烤o既居酒屋連鎖店,

大家都肚餓到hihi, 又見間野啲燒烤香氣迫人,

於是小弟就同另外三條毒撚黎食野。

成間野煙霧迷漫, 好有氣氛。

不得不介紹下圖呢個蟹蓋,
真係好乸好食!!

蟹蓋入面係蟹膏撈味噌。
小弟平時係唔會食蟹膏的,
但反正叫左一人一個, 於是頂硬上試下。
唔食由自可, 一食就停唔到。
鹹係鹹左啲, 但香口得黎冇腥味,
總之食左停唔到口,
400yen一個, 小弟追加左幾個~

而家睇番啲相都仲想再食~



另外仲有叫其他海鮮,
真材實料, 成隻手板咁大o既帆立貝。

呢張相, 已經唔知係第四個定第五個,
多謝金LING請~
Anyway, 金LING唔知點解勁hi, 飲到半醉www