六日五夜 日本中部帶人魷 第二日 --- 名古屋城 + 下呂溫泉

行程第二日,

上午先係名古屋逗留,

然後下午會向日本三大溫泉鄉之一---下呂出發。

因為小弟今次o既角色係類似導遊咁,

所以係同事一家梳洗、食早餐o既時候,

小弟就去NIPPONレンタカー租車公司,

搞租車o既手續。

我地一行七人, 所以只好租架七人車,

貴係貴啲, 不過不愧都算係大公司,

俾左架行左唔夠16000公里o既最新NOACH我地!!!

正呀喂!!!

小弟話晒都係呀宅,
渣架車番去, 一家人又未出黎o既時候,
小弟就順手係酒店斜對面o既名古屋animate行左個圈,
順手買左幾本書。
小弟去過o既animate分店數目又增加了
(秋葉原、池袋、川崎、栄、水戸、八王子、
日本橋、梅田、、宇都宮、青森、函館、札幌)



好, 題外話唔再講喇,
第一站係名古屋必去地方之一, 名古屋城。
老實講, 小弟三年前都黎過,
所以今次真係純粹帶同一家黎,
有關名古屋o既介紹, 大家參考番之前o既blog啦,
呢度POST相算喇。
http://japsleevefish.blogspot.hk/2012/08/blog-post_4.html

正直盂蘭舞會時節

天守閣

三年前o既blog都講過, 名古屋城正進行大規模修復,
之前整緊o既本丸, 大致上已經整好,
不過仲有好多建築有待建築。
都係啦, 大家可以參觀下工人係點樣進行工程。
同事一家對於日本人o既工業安全同認真細緻感到讚嘆。

進入成入面

小朋友可以試下模仿以前拉石築城o既情況。

其他都唔多講喇, 大家參考番三年前o既BLOG啦。



下午係名古屋駅附近成左野之後,
就渣車向住下呂出發。
係酒店check in左之後, 就係下呂一帶行下。

正直仲夏, 下呂呢個星期夜晚有呢個夜間o既街邊檔,
所以行人道一帶都裝飾有好多燈籠。

有興緻仲可以係下呂河畔漫步。

下圖三張就係下呂出名o既噴泉池,
係河畔o既一個公開溫泉。
以前個溫泉係冇咩規定的,
換句話說, 即係赤裸裸+混浴,
不過幾年前開始, 地區機關就明文寫住,
要落去浸, 就一定要著泳衣。
雖然係咁, 但大家眼利的話,
仍然可以見到下圖有人只係搭住條毛巾係下體就算......

上圖就係有關浸浴噴泉池o既明文規矩,
除左一定要著泳衣外, 最主要要留意o既係,
落水前, 要先搯一啲水沖吓身先,
無理由成身老泥就浸落去家嘛......



因為下呂啲住宿都幾貴,
所以其實小弟今晚係冇book酒店瞓的,
咁瞓邊!? 咁大架七人車咪夠晒瞓囉。
不過太早又瞓唔著, 於是行下個夜市。

表演日本傳統樂器

因為下呂o既日文(GERO), 同青蛙o既日文擬音叫聲好似(KERO),
於是青蛙成為左下呂o既吉祥物之一,
所以有去下呂o既朋友, 唔難發現下呂有好多青蛙o既裝飾。

焼きそば

某溫泉旅館o既公開浴足池

どて煮
小弟未食過, 所以買黎試下,
佢仲要話係用飛騨牛黎整,
唔試唔得啦下話。

其實即係炆牛肉,
除左牛肉, 仲有啲紅蘿蔔同埋蒟蒻。
因為係用味噌炆, 所以有少少鹹,
唔係好食到牛味=.=



冇乜特別野睇,
個天又唔係好隱定想落雨咁,
於是去番酒店停車場, 上車瞓覺www