七日六夜 箱根東京千葉魷 第三日 --- 俺ガイル聖地巡禮(葛西臨海水族園) + アニメトカフェ×IM@S CG + 東京アニメセンター

睇標題都估到,

今日全日都係同動漫有關o既話題......

承接琴日o既痛車,

今日都係同小說、動畫《やはり俺の青春ラブコメはまちがっている。》有關。

今日小弟係黎聖地巡礼,

《やはり俺の青春ラブコメはまちがっている。》第二季最後一集o既重要場地,

位於千葉西面, 就係迪迪尼隔離o既水族館,

名為「葛西臨海水族園」。

官網http://www.tokyo-zoo.net/zoo/kasai/

老老實實, 小弟唔係套套動畫都黎聖巡,

要真係好睇, 小弟又好鐘意,

先會願意為佢花時間花錢去聖巡~

不過黎完之後發覺,

就算唔係因為動畫, 純粹以觀光心態黎睇,

葛西臨海水族園都係一個值得一睇o既地方。

JR京葉線, 京葉線 葛西臨海公園駅 落。

水族園就係位於呢個葛西臨海公園入面o既其中一個設施。

話就話係公園, 但都係嗰句啦, 日本o既公園scale,

同香港o既有好大出入,

人地一個公園閒閒地都大過你個動植物公園......

仲有摩天輪添,

不過小弟今日唔夠時間坐。

成個公園真係好Q大......

小弟別無他選, 直接行過去水族園。

 

一入正門就係精品店,

入去行下先。

咁啱今期有套動畫叫《下ネタという概念が存在しない退屈な世界》,

入面有種水生生物聲名大噪,

就係上圖右手邊橙白間o既ニシキアナゴ(唔知中文)。

因為佢外型似男性生殖器, 所以就算唔係動畫,

都廣為人知。

順帶一帶, 左手邊黑白紋o既叫チンアナゴ,

日文"チン"有"何B仔"o既意思,

不過其實漢字係"珍穴子"。

呢間精品店啲毛公仔做得幾傳神, 又可愛,

雖然大家都係made in China,

但比起海水公園, 好似呢度呢啲買得落手啲。

如果唔係少弟今次輕裝黎日本, 真係會買番一兩隻~

好喇, 睇完無聊野,

正式去買票入場,

成人700yen。

前面呢個玻璃幕頂就係入口,

亦都係動畫入面其中一個sort (下圖),

不過同動畫鏡頭o既對比與介紹,

會係遊覽完成個水族館先講。

一入場已經好吸引,

池入面主要係鯊魚。

從上圖中遊客o既大細可以得知呢個水箱有幾高幾大!

海葵

金槍魚, 條條都大過個頭!

同埋佢地遊得勁快。

模仿海岸生態o既部份。

遊客仲可以排隊摸下一啲水生生物

動畫入面亦都有呢幕,

不過實在太多人排隊(上圖),

所以係外面影下就算(下圖)。

到左企鵝罐館喇。

睇小弟上面好似唔算多相咁,

唔係因為冇乜野好睇,

而係太多野睇, 小弟發覺唔夠時間樣樣影,

所以反而花時間專心睇啲展覽。

另外, 唔熟於水族館o既範圍,

但冇幾遠有個模仿淡水生物o既展館(上圖),

大家有時間可以幾分鐘行埋。

唔知係小弟孤陋寡聞定係真係好少旅遊書講喇,

小弟黎之前, 真係完全未聽過葛西臨海水族園呢個名,

但小弟參觀o既時候, 沿途都聽到唔少普通話,

睇黎係國內或台灣都略有名氣。

Anyway, 小弟都覺得如果一家大細黎睇的話,

都係一個好好o既觀光地方, 仲要係室內有冷氣添, 正啦。

離開水族館冇幾遠有個展望台,

可以望向東京灣, 吹下海風。

好喇,

到左對比動畫同現實o既時間喇~

葛西臨海公園駅

車站出口旁邊就係八幡佢地集合地點

可惜小弟係盛夏過黎,

不過冬天肯定凍到hihi

頭先提過, 一入館就會睇到o既鯊魚池

太多人>.<, 不過從左邊o既燈箱都搵到相似

同動畫入面所講一樣,

呢種魚真係郁都唔郁, 任影唔嬲。

連介紹牌都一樣

順帶一提, 呢種魚平時唔郁, 其實係等獵物,

一有獵物游過, 就會勁快咁一啖吞落肚

頭先提過, 勁多人排隊摸水產嗰度。

不過就算小弟入到去都影唔到動畫個角度,

因為動畫係由工作人員範圍影番出黎的。

製作組揀呢幅圖真係好深度。

介紹文係講"漢波德企鵝"係會同同一隻伴侶長雙斯守,

雪乃見到呢段文字之後, 就主動話入番室內,

等結衣同八幡兩個慢慢睇。

雪乃自己一個入番室內,

就係望住上、下圖o既水藻池

上、下圖, 水母箱,

其實係並不起眼o既一個小corner

水族館出入口

下面一堆都係展望台影的。

水族館個玻璃幕頂

點零鐘左右就離開水族館,

向住秋葉原進發。

目的地係アニメトo既cafe。

小弟黎咁多次秋葉原都未黎過アニメトカフェ。

今次黎, 係因為有fd係IM@S o既忠實粉絲, 提議大家一齊去,
於是小弟們就事先上網報名抽籤,

又俾小弟們抽得中喎。

順帶一提,

小弟們三個人係分開黎到日本會合的,

大家都係為左ASL黎呢轉日本(遲啲再講。)

未夠鐘, 係們口排隊。

採取時限制, 按網上抽籤分派到o既時間黎,

限定時間入面賴死唔走都冇問題。

網上抽籤優先, 仲有街籌, 不過係執網上抽籤o既飛尾。

勁屈錢, 不過都預左.......

叫指定o既食物, 會有特定o既post card送,

即係話要儲齊咁多款的話...俾錢食晒咁多款佢啦......

上圖下半, 係講有一部獨家貼紙機,

俾錢就可以揀其中兩個角色合照,

想影齊咁多款咩? 都係錢丫唔該。

小弟們獲派最角落o既一張枱。

上圖係枱o既枱墊。

同行o既石原先生勁開心啦, 蘭子粉絲。

超大掛畫

上圖中深處o既就係貼紙機。

好, 點野食, 睇餐牌先

石原先生同金LING先生o既飲品,
島村卵用の桃色フルーツジュース
送卵用紙牌

小弟o既飲品,
新田美波の爽やかレモンソーダ,
送美波紙牌

因為堅係肚餓, 加上唔想中伏,
於是揀左點睇都係最安全o既*（Asterisk）のポップでロックなカレー
送*（Asterisk）寶麗萊

一係唔黎, 黎得就要盡興啦,
再叫埋個甜品食先算得上full course家嘛!
食埋城が崎美嘉のカリスマ★ベリークレープ
送美嘉紙牌

アニメトカフェ獨家扣針, 200yen一個,

只有呢度先有得抽, 如果唔係就去二手店啦。

小弟一心抽愛莉杏的, 不過抽左幾個都抽唔到。

打算放棄o既時候, 見到有個P課大量金錢抽左十幾廿個,

小弟見到其中一個就係杏, 於是膽粗粗問佢要唔要杏。

丫咁啱佢唔要, 於是小弟話300yen同佢買。

正當小弟搵緊散子o既時候, 佢見到小弟有個智絵里,

就問小弟可唔可以俾個智絵里佢。

於是一定便宜兩家著, 大家好滿足咁交換杏同智絵里~

場入面o既裝飾,

大家要留意, 唔係樣樣野都影得,

要留心工作人員係飯前o既指示。

貼紙機。

小弟真係冇乜興趣,

於是趁石原P影o既時候偷拍一下。

期間場入面仲有小遊戲的,

不過個遊戲真係勁hea, 仲要只係送アニメトカフェ o既優惠券......

Anyway, 小弟嗰枱都贏唔到......

食完玩完影完,

例行公事, 去東京アニメセンター,

今期做緊Charlotte原畫展!!!

全場小弟最印象深刻o既唔係啲原畫,

而係上圖呢個標示,

真係非常之點題www

OP o既絵コンテ,

小弟真係好鐘意下兩圖嗰幾個分鏡,

大家能唔能夠從咁爛o既畫工認得出係邊幾個sort?

P.A.WORKS啲風景畫真係冇得頂

呢張真係靚到喊

重現乙坂家o既蛋包飯~

呢幕又係好鐘意o既一幕, 友利一個飛腳踢走毒粉,

日本政府可以考慮下用呢個黎做毒品教育宣傳www

場內當然唔少得P.A.WORKS關連o既廣告啦,

講緊《花咲くいろは》o既ぼんぼり祭り,

話說今年係P.A.WORKS十周年,

好似話係ぼんぼり祭り當晚有重大發表。

石原先生約左其他人,

小弟就同金LING去唱K

黎左日本咁多次, 都係第一次唱K,

對唔住, 小弟見識淺薄......

晚上再食勁o既。

好充實o既一日!