十日十一夜 立山黑部登山魷 --- 第一日 hea (築地, 秋葉原)

老實講, 機場係唔會瞓得好的,

不過冇辦法, 要就啱時間買平機票就係咁,

反正小弟有今日作緩衝。

早上五點幾六點出發離開羽田機場。

咁早有邊度好去? 晨早流流已經開左o既,

就梗係市場啦。

據聞築地巿場即將會搬(其實都講左好多十年......)

加上晨早流流冇野好做, 於是決定去築地食個早餐先。

由機場搭モノレール到浜松町再轉地鐵到築地。

係浜松町出閘先驀然發現,

原來車站前嗰棟高樓就係文化放送o既大本營!

呢個可能係比較偏門少少o既資料, 但小弟都解釋一下。

文化放送係一個電台組織,

小弟因為係一個聲優控, 所以都幾常聽聲優o既電台節目,

而小弟聽開o既早見沙織、村川梨衣、佐倉綾音、大西沙織、西明日番、洲崎綾等等o既節目,

就係隸屬文化放送超a&g+。

係咪只要小弟僕係度, 就可以見到聲優們o既真身!?

唔好玩啦, 小弟冇咁變態......(應該)

向築地出發。

八年前黎過一次, 都仲有啲印象, 所以冇地圖冇plan都大概知要做咩。

係外場同內場兜都幾個圈,

嗯, 都係咁啦, 冇乜點變......

而家都只不過係早上七點幾,

但因為起左身已經有好一段時間, 有啲肚餓, 搵食先。

一提築地, 大家梗係先諗起海鮮,

因為日日運到, 朝朝新鮮, 就連香港o既店, 都會打住築地直送o既旗號。

但老老實實, 係呢個大城市東京, 何來豐富漁獲?

不過, 作為東京o既海產集散地, 係呢度o既海鮮都比出面o既快人一步o既,

除非間度寫住「產地直送」啦。

ANYWAY, 小弟就黎講反高潮, 黎到築地, 唔食海鮮。

見到有間野, 賣牛雜煮, 聞到幾香, 又見唔係貴,

於是要瘧個牛雜煮o既丼試下。

話就話牛雑, 但始終日本人對內臟o既接受程度冇華人咁高,

所小弟發現, 所謂o既失雑煮, 主要都係牛肺同牛肚為主。

但個汁o既味較得唔錯, 鹹甜啱啱好, 能夠帶出牛脂o既香味。

行經內場, 見到啲人兜幾個圈排隊食壽司,

小弟真係冇咁好氣。

(其實小弟以前都排過orz)

酒店1500先check in, 仲有六粒鐘, 都唔知做咩好,

但孭住咁大個背包唔係路,

於是決定去左酒店放低行里先

(入住前後係可以寄存行里, 呢啲係日本多數酒店提供o既服務)

由於時間仲係太早,

於是由神田行去御茶ノ水, 再行過去葉原,

先至叫做九點幾十點, 但啲舖頭都未開齊門。

冇野做, 去書局買左本書走去老麥。

因為真係太眼瞓, 睇睇下仲瞓著左,

總共係老麥hea左兩粒幾鐘。

十二點幾一點, 先出番黎行秋葉原。

動畫翻新o既速度太高o既關係,

啲舖頭雖然一樣, 但主打o既角色就已經唔同晒。

LMT! LMT!

如果有睇開小弟個BLOG o既朋友,

都應該記得小弟講過,

秋葉原電器街出口有一間畫廊,

啲推銷員會係咁LUR你埋去買野。

而小弟今次黎秋葉原就現,

間畫廊執左喇!!!!!!(上圖)

真係要熱烈地彈琴熱烈地唱!

黎到秋葉原o既例行公事,

就係去UDX TOKYO ANIMATION CENTER睇下有咩展出。

今期係做緊《Tales of Zestiria》。

因為入面主要展出好多原畫, 唔可以影相,

所以只可以影呢幾個角色紙牌。

由希奈ちゃん同ソフィーちゃん~   ペロペロ

KOTOBUKIYA, 四樓做緊STAR WAR promotion

86個兵, 要買齊都要¥645000.......
都係睇下好喇。

Hea 到差唔多時間, 另外個fd都黎到日本。

因為我今晚會同佢住一晚酒店, 所以去番神田同佢會合, 順手check in。

然後就同佢去左唱K。

買便當番酒店食, 咁就完成左第一日。