十日十一夜 立山黑部登山魷 --- 第八日《 クロムクロ 》聖地巡禮 總集

一開始小弟已經講過,

今次黎立山黑部同埋富山縣, 其中一個目的,

係因為要黎一個《クロムクロ》o既聖地巡禮,

為左避免純綷想睇遊記o既朋友感到煩悶,

小弟將呢三日聖巡o既內容歸納晒係呢個POST,

希望巴絲打們會喜歡。

如果對動漫冇興趣o既朋友, 可以跳過呢個POST。

小弟先講番今日o既聖巡先,

然後再補番之前兩日係立山黑部o既聖巡。

先介紹下套動畫先。

《クロムクロ》係由動畫工司P.A. WORKS製作,

2016年4月~9月日本地上波首播。

動畫中多次出現以立山黑部同富山市為背景o既場面,

因為咁, 所以係立山黑部同富山市多處,

都有相關o既動畫產品, 同埋有聖巡o既地圖免費任攞(下圖)。

聖巡地圖封面底

內頁

富山駅案內櫃枱旁邊, 地圖任攞

小弟今日o既第一站係由富山駅南下,

行十分鐘左右, 先到富山市市役所一帶,

睇下クロムクロ第一集係富山市首次應戰o既場面

上圖角度有小小問題, 應該係右邊馬路影先啱orz

右手邊嗰個搭就係市役所o既展望搭,

一般人士可以隨便進入市役所, 搭升降機上頂層便可。

間便利店好易認

 呢幅冇可能係馬路中心影, 所以角度差啲......

市役所附近公園噴水池。
動畫中o既角度比較高,

應該係由小弟背後o既NHK大樓望出黎取景,

當然, 小弟冇可能上 NHK大樓

下面開始. 係由富山市役所展望塔望落黎

其實撇開聖巡, 市役所望落黎個view都唔錯

 上圖o既藍色橋, 就係外星人來襲o既其中一個經由地(下兩圖)

不過因為地理同交通上比較便, 所以小弟冇去到條橋度

另外仲有一條橋, 係富山縣北面港灣o既新湊大橋,

呢個更加係遠到無倫, 所以小弟give up左

戰鬥場面, 仲有出現過o既有 富山市電 列車,

隨處可見

下一站係市役所行過一個街口o既富山城。

富山城已經一早損毀左冇左, 而家o既建築物,

係參考其他城池, 以鋼筋水泥建成, 內部係博物館。

上圖又係, 動畫o既角度比較高,

應該係由小弟背後o既ANA大樓2、3樓影過去

小弟只可以係地面影......

呢張小弟好滿意, 盡量連啲樹o既角度都就埋

富山城巡完, 就北上經過富山駅,

再繼續向北行約10分鐘,

到達富岩運河環水公園。

個日文名都幾撓口難讀......FuGan UnGa KanSui Park

 呢個係美夏佢地玩COSPLAY o既地方

先睇下個環境, 都真係幾靚的

上圖左手邊嗰間, 係一間STARBUCK,

係被認定為全日本環境同裝修最靚o既STARBUCK。

270度落地大玻璃,

背面用紅磚起, 柚木天花,

配埋個河境, 真係一流!!!

STARBUCK 180度景

睇番聖巡先

STARBUCK o既露天座位,

真係好開揚!

由STARBUCK再行過兩步o既小劇場,

其實冇動畫中描畫得咁大。

係STARBUCK 食左個lunch之後後,

小弟番番去富山駅, 搭廿分鐘巴士(410yen)到富山機場

因為呢條路比較少車, 先得以係路中心影

呢張相小弟係電腦交替顯示, 兩張圖機乎一樣!

係富山o既方言, きときと係解「新鮮」、「有活力的」,

而機場改成而家呢個名, 好似係呢幾年o既事。

不過呢個名, 似乎唔係太受落,

因為小弟係搜尋聖巡資料時,

發現有富山縣o既人話, 見到下圖「きときと」字樣受破壞,

心底暗裏叫爽XD

要影到上圖, 就要到機場頂層o既天台,

嗰度係一個展望台, 供遊人睇飛機。

上圖路牌右下寫住往 展望DECK

頂層o既展望DECK, 可以望向馬路之外,

亦都可以望向機場跑道內

都講過, 立山黑部同富山市一帶,

都有好多《クロムクロ》o既協作宣傳,

機場當然都會有。

係機場地面嗰層o既一角, 就設有 《クロムクロ》動畫o既corner

美夏エロい! 

仲有立體地圖顯示機場一幕o既戰鬥 

唔少得人設展! 

ソフィーちゃん可愛い！ 

 由希奈ちゃんエロい

有本簿仔可以留言, 小弟都寫左句

基本上富山市內o既聖巡係咁多,

但當然, 唔係全部啦。

小弟之前兩日係立山黑部都影左唔少,

關於上立山黑部o既細節,

可以睇番前兩日o既BLOG,

呢度小弟只係highlight圖片o既比較~

落大雨......

黑部水霸, 近黒部湖駅方向

近黒部湖駅方向

由黒部湖駅望番轉頭, 大雨到乜差都睇唔到...... 

動畫中盤,

ミラーサ拮左ムエッタ一刀, 然後ムエッタ跳落水霸底

因為大雨關係, 水霸暫停放水, 只係得番兩條水柱仔......

上圖呢一幕, 係由黑部湖中間影向水霸,

搭遊覽船應該可以影到, 但因為台風+大雨影響,

遊覽船當日停航......

上圖呢一幕, 係水霸下面望番向水霸。

雖然都係水霸o既景, 但如果要影呢一張相,

就要由立山黑部o既北面,

行幾個鐘懸崖山嶺先可以到達水霸下面。

有興趣了解o既朋友可以去youtube search「旧日電歩道」同埋「水平歩道」。

跟住介紹係立山室堂o既地獄谷

剣之介佢地就係係度同ムエッタ、ミラーサ對戰

不過因為地殼運動活躍,

近年地獄谷被封鎖唔俾一般人進入(2016年現在),

所以小弟都只能遠觀而矣。

後面山峰o既形狀一樣, 只係角度始終差少少

地獄谷遠觀全貌

唔夠打, ムエッタ攬住ミラーサ走佬嗰幕

角度唔同, 冇辦法, 地獄谷唔俾入,

但從山o既形狀, 同埋山前o既之字路, 都可以認得幾分相似

頭幾集第一戰, 剣之介坐住クロムクロ,
一直線跑向富山市嗰一幕。

呢張相勁, 係小弟係海拔3003m高o既雄山山頂影,
唔通取材組都爬到上山頂.......真係辛苦晒......
不過以角度黎睇, 動畫嗰個角度,
好可能係雄山再行過兩步o既大汝峰上面取材。

動畫中盤, 兩個上左山遠足。
跟據日本網友o既資料, 特定出行山o既地點。
雖然動畫入面由希奈佢即日來回,
但日本網友話, 事實上呢條路線,
冇兩日一夜都唔會行到上去......
小弟真係冇咁好本事......orz



ムエッタ同ミラーサ走佬,
係日本第一落差大o既瀑布---称名滝 被召回

當然唔少得由希奈佢地o既學校啦,
參考原型係富山電鉄立山駅旁邊o既登山研修所,
不過事實上o既環境比較簡陋, 動畫入面美化得都幾多。

事實上橋只有行車路, 冇動畫中o既行人路

係日本o既道路設計上, 馬路上有圈圈,
代表條路有番咁上下斜, 圈圈係防跌呔o既設計。
但事實上登山研修所條斜路, 唔係咁長, 亦都唔斜。

動畫第一集, 由希奈從學校出發,
於新立山駅搭單軌列車上黑部水霸。
事實上冇新立山駅, 亦都冇單軌列車咁先進,
但小弟去嗰時立山駅正正裝修緊,
唔知會唔會真係變到好似動畫咁...(笑)

COSPLAY嗰幕, 由希奈、美夏一行落富山電跌到環水公園。

途中經過一個站叫横江,

不過小弟冇落車影,

因為一個鐘先有一班車,

小弟落車影一個鏡頭, 就要等一個鐘先可以走......

不過相片中, 右邊都見到嗰間木屋候車室。

關於高登聖巡POST地圖應募方法

請於高登PM小弟

PM內容, 請寫上閣下地址及收信人

小弟唔會拎你個地址做咩的, 寄左出去就算

小弟都貼錢買郵, 連個地址都唔肯俾就算[sosad]

先到先得, 名額兩個

順帶一提,

富山o既animate店,

有特設o既《クロムクロ》corner,同埋展品。

(展品唔影得相)

ソフィーちゃん同由希奈ちゃん二頭身匙扣真係好可愛~



《クロムクロ》有三set o既poster (下三圖),
分別係富山城(上)、黑部水霸(中)、富山空港(下)
分別只可以係animate富山店、黑部水霸、同 富山空港先可以買到,
600yen一張, 其實唔算貴, 不過小弟唔方便拎......

以上就係呢三日富山o既《 クロムクロ 》聖地巡禮 總集,

多謝睇到尾。