十日十一夜 立山黑部登山魷 --- 第十日 富山回程東京 + 秋葉原

是咁的, 今日由富山回程番番去東京,

因為小弟用o既係青春18車票,

所以只可以坐JR線路旗下o既普通列車。

問題係, 富山稱為北陸呢一帶, JRo既覆蓋唔係話咁全面,

當中好多JRo既線路, 中間係由私鐵(私營鐵路)所連接的。

而小弟今日o既行程就係咁。

小弟今日o既行程係先由富山県富山駅,

搭到去新潟県直江津駅, 再搭落去東京。

而富山駅到直江津駅, 係由私鐵營運的。

事實上如果唔出閘, 只係轉車的話,

有啲私鐵係容許用青春18乘搭的,

不過小弟問過JR職員, 佢地話直江津唔得,

於是小弟就乖乖地買左富山到直江津o既車票,

盛惠2080yen......

點知到左直江津,
係唔洗出閘就可以轉JR,
而車上同站內都冇人check車票,
換句話說, 其實小弟唔買私鐵張票, 都冇人會知......
不過做人又唔好咁衰啦, 百零蚊港幣, 小弟都仲俾得起。

話晒新潟県出名盛產稻米, 加上又差唔多到中午,
等轉車o既時候又冇乜野做,
於是小弟就買左個駅弁黎試下。

(駅弁: 日本車站, 尤其是大o既轉車站, 都會有售買便當
多數係以當地名產黎做餸菜)

豬肉飯

份量唔係話好大, 但都幾好食。




下午三點幾四就番到黎秋葉原,
最後一日, 當然係黎秋葉原買番啲野先番屋企啦。

《君の名は。》都上映左一個星期,
而家好似爆紅, 勁出名, 票房節節報喜。

Tokyo Animation Center做緊「ダンガンロンパ」展,
不過小弟冇乜點睇。

就咁, 個幾星期o既行程結束, 打道回香港了。