六日五夜 帶兩老上富士山 --- 第六日 富士 SAFARI PARK

雖然重頭戲---富士山登山, 以一個唔太理想o既情況完成左,

但其實到最後呢一日, 都仍然有好精彩 o既節目,

就係黎到靜岡縣o既富士SAFARI PARK。

六日五夜 帶兩老上富士山 --- 第五日 富士山下山 + 河口湖天下茶屋 + 忍野八海

琴日最後講左句照瞓,

但其實都唔係好瞓到,

可能因為琴日天氣唔好, 行山行得吃力,

加上勁多人屈埋係一間小屋度瞓,

一直都有輕微高山症(暈、作嘔、作悶)

花左兩個鐘左右先可以入睡。

不過瞓唔夠幾耐又要爬起身喇,

都話左上黎富士山係為左睇日出咯。

一早check過日出o既時間大約係4點半左右,

所以小弟4點左右就出定黎霸位。

以小弟上次登山o既經驗, 唔霸定個欄杆位都唔洗指意影到相。

 天都未光, 但已經有好多人上緊山,
因為小弟住嗰度距離山頂唔夠一個小時路程(腳程好的人黎計),
所以仲有好多人睇吓可唔可以趕得切係比較高, 甚至係上到山頂睇日出。

六日五夜 帶兩老上富士山 --- 第四日 富士山登山

正式黎到今個行程o既重點, 

就係開始登山富士山喇。

先簡介一下行程。

小弟們會先乘坐交通工具到富士山五合目。

然後向住八合目o既o住宿進發, 係嗰度留宿一宵。

("合目", 可解做廣東話o既"成",

五合目, 即係五成高, 八合目即係八成高)

第二朝睇日出, 之後, 如果時間同體力許可, 可能會登頂,

如果唔係, 就直接下山。

雖然由五合目到八合目, 一般只需要4小時,

但考慮到老人家可能會行得慢啲,

所以一早就出發, 9點前已經到達富士北麓駐車場。

因為登山季節, 通往富士スバルライン五合目(直譯"富士昴LINE五合目")會封路,

只限有許可車輛進入, 所以要到五合目的話,

要先將車停係富士北麓駐車場, 再轉巴士上山。

泊一日只需要1000yen, 絕對係化算。

由上圖o既售票處買巴士飛。

六日五夜 帶兩老上富士山 --- 第三日 白根山+鳴沢冰穴

小弟會帶屋企人黎草津, 因為貪佢夠多元化,

1) 溫泉水靚

2) 古色古香

3) 有湯畑、西の河原呢啲景點

而第四個原因, 就係可以到附近o既白根山黎個小小o既遠足。

小弟今次係渣車, 所以就直接驅車登古原,

但冇車o既朋友都唔洗擔心, 

因為由草津巴士總站係有巴士上山的, 車程只係半個小時,

不過要留意時間表, 因為大概一個鐘一班。

早上係旅館食過早餐check out 左之後, 就渣車上白根山。

上白根山, 可以黎個小小o既遠足,

由下圖o既白根山觀光設施, 行約15-30分鐘左右,

就可以到達白根山山頂展望台,

觀覽火山口湖---湯釜。

詳情可以睇番小弟第一次黎草津o既BLOG

八日七夜 北首都圈 毒撚魷 第四日 --- 草津溫泉

六日五夜 帶兩老上富士山 --- 第二日 草津溫泉

今次係小弟第二次黎草津,

但因為今次黎o既天氣唔係話咁好,

所以如果想睇多啲關於景點同靚相的話,

可以參閱上次o既BLOG

八日七夜 北首都圈 毒撚魷 第四日 --- 草津溫泉

而今次會放多啲係旅館&溫泉。

上次小弟一條魷黎草津係坐JR,

今次帶住老人家, 當然係自駕啦。

渣兩個鐘頭車左右就到草津了。

上次小弟自己一個窮遊, 而且有第二個目的,

所以只係求其搵左間有瓦遮頭就算,

今次真真正正黎浸溫泉, 當然係簡番間好架啦。

平衡番位置、溫泉、價錢、膳食、同埋網評之後,

小弟結果都係揀左係正湯畑傍邊o既一井。

因為都有番少少歷史o既關係,
大堂呀、走廊呀嗰啲公共地方,
唔多唔少都有啲啲舊同老套o既感覺,
但唔代表唔整潔。
(上圖係check in lobby)
而事實上房間都好新淨(下圖)。

六日五夜 帶兩老上富士山 --- 第一日 香港飛東京

因為由香港到東京已經係晚上,
所以第一日實際上冇咩行程,
小弟就借呢一版黎做序。

話說小弟係日本working holiday嗰時,
跟過個日本local團上富士山頂,
對當時o既日山同景色念念不望,
所以一直都想帶屋企share呢個景色俾佢地睇。

其實兩老家埋都百一歲, 不過慶幸佢地仲行得走得,
於是就趁佢地仲行得走得之時, 計劃上一轉富士山。

當然唔會咁多日都係上富士山啦,
第一日到埗, 第二日係草津溫泉,
第三日先係上富士山, 第四日落山,
第五日去富士SAFARI PARK玩,
最後一日回港。

今日到左東京, 食完野瞓個覺,
聽朝就租車直接渣去草津。

六日五夜 石垣沖繩中同魷 --- 第六日 返港

渡過左驚險o既時光, 沖埋涼執埋行里, 結果得番兩三個鐘瞓......
上圖個鐘, 看官冇睇錯, 早上6點未夠小弟們就已經係県庁前駅,
等搭頭班車去機楊。

因為一早就走人o既關係,
都冇乜好講架喇。
臨走係石垣機場買左個500yen o既菠蘿。

六日五夜 石垣沖繩中同魷 --- 第五日 万座毛 + 美ら海水族館 + 自製琉球玻璃杯

行程黎到第五日, 其實可以話係最後一日。

今日會去一個遊沖繩必到o既景點,

就係沖繩美ら海水族館喇。

全日本數一數二o既水族館,

招牌係一塊勁大o既玻璃幕o既魚缸。

小弟一直都響往已久。

由沖繩市中心渣車, 都要成兩個鐘先去到,

途中經過另一個沖繩打咭景點万座毛,

點都黎睇下o既。

個天總算對小弟不薄,

除左係石垣o既水上活動有少少影響之外,

整體上呢幾日行程都係勁好天。

六日五夜 石垣沖繩中同魷 --- 第四日 浮潛睇鯨鯊&青の洞窟 + 首里城 + 安里窄巷夜店餃子

黎到沖繩第二日, 小弟們由市中心渣半個鐘車,

黎到宜野湾マリーナ碼頭集合, 參加浮潛活動。

天公造美, 勁好天。

六日五夜 石垣沖繩中同魷 --- 第三日 沖繩國際通

黎得石垣, 唔差在去埋沖繩啦。

加上因為小弟好早已經訲劃行程,

一早買埋石垣沖繩來回機票,

所以機票價錢比較低,

每人來回都唔洗HKD$1000,

計埋香港來回石垣, 結果成個trip o既機票都唔洗HKD$1500,

抵到爛!

不過要搭飛機, 就要花少少時間來回機場同登機。

早上10點出發去石垣機場。

(上圖係石垣市中心o既巴士總站)

六日五夜 石垣沖繩中同魷 --- 第二日 滑翔傘 + 浮潛 + 居酒屋

琴日一落機就已經又玩水、又食牛,

所以今日瞓番晏少少,

十點幾先起身, 食個brunch再進行下午o既水上活動。

食brunch o既地點. 係距離酒店約廿分鐘路程o既麵店---平良商店,

淨係睇個名都唔會知佢係做飲食......

今日特登黎食佢o既八重山拉麵。
八重山拉麵, 係沖繩拉麵o既其中一個分支,
其特點係用o既麵比較粗, 而且多數係配以炆豬肉為佐料。
要試菜, 唔洗花考, 就叫左八重山拉麵最common o既種類。

六日五夜 石垣沖繩中同魷 --- 第一日 石垣島Kayak + 燒石垣牛

石垣沖繩, 小弟終於黎喇＼(^o^)／

本州、北海道、九州、四國小弟都踏足過喇,

唯獨係沖繩仲未到訪, 今次終於如願以償喇~

正如題目所寫, 今次係同中學同學黎玩。

其實好早o既時候, 小弟同幾個相熟o既中同已經傾話搵次去旅行,

咁啱係去年(2016)年底, Hong Kong Express有平機票來回石垣,

價錢只係人均五舊水(包機場稅、燃油費),

問左幾個人啲假之後, 最後有三個閒人可以一齊去,

不過唔緊要, 一行四個, 呢啲size啱啱好。

揀係6月底, 一來因為係平機票o既日子所限啦,

二來, 六月底係沖繩啱啱脫離梅雨季節,

天氣唔會太差之餘又未係風季, 

再加上未踏入七月呢個沖繩旅遊旺季,

所以book野都易啲同平啲。

好喇, 入正題講番行程喇。

本身買左o既機票時間係十一點take off, 個時間勁靚。

不過廉航o既就係經常改動,

出發前兩個星期通知, 話航班改左0745 take off,

搞到小弟要4點幾爬起身, 6點鐘唔到就仆到去機場......

anyway, 當地時間11點鐘到達石垣機場。

印象中, Hong Kong Express好似係第一間,

亦都係暫時(本篇章日期計)唯一一間係石垣辦國際線o既外資航空公司。

小弟唔係收左Hong Kong Express錢, 只係想指出,

可見香港人有幾鐘意去日本!

就連呢石垣呢啲山卡拉小島都可以開航線XD

《響け! ユーフォニアム》京都聖地巡魷

是咁的,
事源係小弟一直都有玩開銅管樂器,
但卻一直都冇自已o既樂器。

終於決定把心一橫,
係日本yahoo拍賣落標買左件易手銅管樂器。
不過因為送貨唔包海外,
於是就寄左去日本在住o既前日文老師屋企,
然後小弟就買張平機票去攞貨。

就算係咁, 樂器價格+酒店+機票, 都一定平過係香港買易手。

另外, 反正都係去日本,
於是決定留番一日黎做自己鐘意做o既野~
就係動畫《響け! ユーフォニアム》o既聖地巡礼喇!!!

一來因為小弟本身都有玩銅管樂,
二來呢套動畫質素都好高,
所以小弟都好鐘意呢套動畫,
一直都想搵機會去聖地巡礼一下,
今次終於如願以償喇!!!

因為咁, 呢編文章o既內容非常毒,
冇興趣o既朋友可以關閉此頁面。



下午五點幾著陸関西空港,
六點幾離開機場, 直奔前日文老師o既家,
拿取銅管樂。
因為同老師都好耐冇見, 所以都一齊食過個飯。

因為老師住嗰區都係啲住宅區,
冇話有啲咩好出名o既食肆,
所以都只係去左啲好地道o既居酒屋。

menu, 睇到眼都花@_@
情況就好似香港餐館o既海鮮紙咁.......