六日五夜 石垣沖繩中同魷 --- 第三日 沖繩國際通

黎得石垣, 唔差在去埋沖繩啦。

加上因為小弟好早已經訲劃行程,

一早買埋石垣沖繩來回機票,

所以機票價錢比較低,

每人來回都唔洗HKD$1000,

計埋香港來回石垣, 結果成個trip o既機票都唔洗HKD$1500,

抵到爛!

不過要搭飛機, 就要花少少時間來回機場同登機。

早上10點出發去石垣機場。

(上圖係石垣市中心o既巴士總站)

乘搭o既係JAL。

去開沖繩o既朋友都認得上圖係沖繩國際機場啦。

係石垣o既時候,

因為啲活動都有車接送, 所以小弟冇租車,

但沖繩就唔得喇, 淨係去個水族館,

都要由市中心渣兩個鐘車,

加小弟四個人, 租個細車仲抵過去搭公交。

多得有朋友指點, 原來要攞車係有好重要o既事情要注意。

去得沖繩租車, 機本上都係幫襯OTS呢間公司,
因為係OTS係沖繩入面分店多、價錢平,
最重要係佢有公語網頁, 唔識日本都可以租到車。

但問題來了。
OTS o既機場分店, 其實同機場有少少距離,
冇錯, 佢係有中型巴士免費接送,
但架車係要等滿座先開車,
再加上因為真係好多外國人使用OTS,
所以OTS機場店整日都係排長龍的。
排隊辦手續攞車, 隨時等你幾個鐘......

因為朋友俾小弟o既資訊,

小弟就決定BOOK左係壺川店攞車。

其實OTS壺川店就係沖繩單軌列車ゆいレール壺川駅對面o既酒店內,

而壺川駅就係由機場數起o既第五個站,

一出機場上單軌列車, 唔洗幾個字就去到。

如果唔係帶太多行里的話, 去壺川分店攞車仲快仲方便。

另外, 如果你直頭係住壺川店上蓋嗰間酒店的話,

check in嗰時酒店仲可以幫你辦埋攞車手續,

第二朝瞓醒起身, 架車就已經ready係酒店門口。

沖繩單軌列車ゆいレール

完全唔洗點等, 廿分鐘內已經出車。



小弟們係沖繩住o既係国際通り(沖繩最主要o既大街)街頭近県庁嗰邊。
不過唔係酒店, 而係Airbnb, 所以去辦埋拎鎖匙o既手續,
都已經係旁晚6點。

首先係國際通初步睇下有咩要買,

格定價, 同埋比較下款式, 然後留番臨走之前嗰晚一次過有效率地掃~

格完一輪, 係時候食飯,

特登揀左一間靜少少橫街o既小店。

野食唔係話特別好食or抵食,

但勝在唔洗迫唔洗嘈。

清酒煮硯

吉烈拖羅




好喇, 最後介紹一下今晚住o既地方啦,
都真係幾正, 位於國際通街頭, 行過去都只係五分鐘,
而對面望都望都就係離單軌鐵路県庁前駅。
屋主話間屋可以容納最多7人,
實際上係兩張雙人床、兩張梳化、一張摺床。

因為小弟一行四人o既構成係:
一對夫婦+一個女生+小弟,
所以小弟就係走廊瞓摺床、
夫婦同女生瞓房。

打開窗簾就可以見到單軌列車o既路軌,
有車行過o既時候, 其實幾過隱,
當然, 你唔好赤條條咁企係窗邊啦......