七日六夜 觀禮帶團沖繩魷 --- 第一日 序 + 攞車攞住宿 + 地道居酒屋晚飯

舊年先黎過沖繩, 今年又黎?

事源係小弟一個大學同學結婚, 揀左係沖繩行禮。

因為係好好朋友o既關係, 二話不說,

我地一班同學就應承飛去觀禮。

今次一行, 除左有大學同學外,

仲有同學們教會o既朋友(但小弟自己非教會中人)、

一對訂婚情侶、及其家母。

有人遲啲黎, 有人stay behind, 但最多人o既時候,

一共有9位仁兄隨團, 可以話係小弟最多人o既旅程。

老實講, 黎過日本咁多次, 有咩未見過丫,

所以近年慢慢enjoy帶家人或朋友去日本,

感受另一種o既樂趣。

帶定頭盔先, 話就話小弟帶團咋,

小弟只係包辦左計劃行程同BOOK野架咋,

小弟自己都要俾錢, 冇收利益, 唔好搵人告小弟呀>.<

上面雙機翼已經出賣左小弟坐邊間航空公司......
新郎哥當然早幾日就已經到左沖繩打點婚禮o既野啦。
而除左新郎哥之外, 小弟同另外兩位同學係團入面最早到,
所以負責OTS攞車同埋去airbnb登記住宿。
(有經驗o既朋友都知, 某些airbnb住宿係要去一個office集中登記的)

頭兩晚住係沖繩市內, 可以容納6個住客,
最主要係, 有私家車位泊車!!!



搞得黎都已經係旁晚,
稍事休息之後, 就去左下圖呢間,
叫「あっぱりしゃん」o既居酒屋食野。

都係睇日本啲旅遊雜誌介紹架咋(るるぶ)。

海葡萄沙律, 一定要點啦下話

全部都係沖繩地道菜。

甜品: 菠蘿片&沙翁

↑將會成為老襯o既主人翁,
當然唔會出樣啦。

間店冇上次小弟去石垣嗰間居酒屋咁大同咁熱鬧,

但有另一番風味同好處,

店主唱歌時, 同每一個客人交流o既時間多啲,

眼神接觸亦都深入啲。

朋友們就算唔識日文, 都話好有感受。

今日o既行程冇乜, 所以黎到呢度, 聽日繼續。