七日六夜 觀禮帶團沖繩魷 --- 第七日 泊いゆまち

最後一日, 因為係下午機, 所以只有上午可以用,
於是瞓晏少少之後, 黎到魚市場「泊いゆまち」,
食個brunch之後去機場喇。

魚市場唔係話特別好大, 但店舖非常充實,
叫得魚市場, 當然係主要賣海產。

但老老實實, 以小弟o既認知,
其實好多香港人鐘意食o既日本海產,
例如係金槍魚、三文魚、蟹、蝦、海膽等等
多數都係水越凍, 質素先越好,
反而沖繩係出名食嗰啲奇奇怪怪五顏六色o既熱帶魚。

所以唔好諗住係泊いゆまち可以買到新鮮o既三文魚or拖羅etc,
睇清楚啲, 唔難發現好多時啲海產都係出產自其他地方......
例如蟹可能係產自北海道, 又或者唔少海膽, 都係產自智利or俄羅斯.......

北海道呢三隻字, 香港人可能都會識,
但因為智利、俄羅斯都係用外語拼音寫成「チリ」同「ロシア」
所以好容易中伏......

上圖o既海膽, 直盒o既就寫住智利(チリ)產,
而橫盒o既就寫住俄羅斯(ロシア)產。

上圖o既橙色o既蝦, 就係阿根廷(アルゼンチン)產

而下圖o既蠔就係日本三重縣產。

店舖以買冰鮮海產為主,
但其中都不乏一啲店, 提供即燒o既海產。

順帶一提, 上圖左下角露左半個頭o既燒帶子,
應該係北海道產, 因為介紹牌寫住「北の味」。

小睇仔細睇過之後, 發覺唔會話搵到好新鮮o既三文魚、拖羅,
而嗰啲色彩繽紛五顏六色奇奇怪怪o既魚又唔識食,
所以都只係求其買左啲正正常常o既壽司, 同埋一盒三文魚籽,
食左醫胞肚就算。



有啲唐突, 但的確, 七日六夜o既行程就完結了,
剩低只係淨番交車、去機場、上飛機o既例牌事情。

ANYWAY,
好多謝一對新人, 促成左呢一次特別o既旅程,
亦都祝一對新人永結同心, 白頭偕老。