六日五夜 老套行程東京魷 --- 第五日 大涌谷 + 秋葉原

食過早餐, 最後衝刺浸多轉溫泉,

1000 check out去旅遊景點喇。

上次小弟一條魷黎箱根, 因為火山活動活躍o既關係,

大涌谷一帶都封鎖左唔可以進入。

所以今次黎箱根, 除左因為呢個老套o既旅遊路線之外,

其中一個主要o既目標, 就係要黎大涌谷喇。

好可以惜, 如上下圖所見,
大涌谷大霧到冇人有......能見到唔夠廿米。
不特止, 仲要其實大風到喊......

結果溫泉蛋食唔成,
火山地貌睇唔成,
係手信店逛左陣, 買左啲野就落山喇。

話時話, 小弟去親日本旅行,
十之八九點五都係好天的,
唯獨係同屋企人上親山就一定會壞天氣......
草津白根山係咁、富士山係咁, 今次箱根都係咁......

落番強羅搭車落番去小田原再番東京。

都講過, 梅雨季節, 係紫陽花o既花期,
乘搭箱根登山鉄道, 不妨留意下窗外,
唔難發現紫陽花o既踪影

番到東京, check in左酒店放低行里,
今次到小弟要買野喇。

同屋企人黎到秋葉原,
不過掉低屋企人自己一個買野。
其實係父母都話想行下秋葉原,
但小弟好pin point咁有野睇同有野買,
所以分頭行動。

近期大熱o既ウマ娘

animate頂層做緊Steins;Gate Zero 展覽。

冇喇, 今日係咁多。

其實撇開小弟要黎秋葉原買野,
本身秋葉原假假地都係一個旅遊景點黎o既。
話晒好多人對漫文化都投以新奇o既目光......

好好笑o既係, 事後屋企人同小弟講番,
佢地自己行秋葉原嗰時, 見到好多店外,
都有好多好大波o既公仔或者角色圖案,
搞到佢地好多店都唔敢入......

其實真正18禁o既店, 先會唔會咁張揚,
例如綠色嗰幢野......