六日五夜 老套行程東京魷 --- 第六日 搬遷前的築地

最後一日黎到築地,

係築地魚市場搬遷前, 小弟最後一次黎築地。

因為都成十點先check out, 過到黎當然冇活魚拍賣睇啦,
純純只係黎食個lunch, 同埋俾屋企人買野。

小弟先唔會去排成粒幾鐘隊食嗰幾檔壽司。
不過小弟食o既呢間海鮮丼,
雖然人唔算多, 但都等左成半個鐘。

小弟食o既係海鮮親子丼, 再加ネギトロ(舌拿魚蓉+葱)。
小弟近排愛上左ネギトロ,
去到邊間賣丼o既店, 都想食ネギトロ......



午飯過後, 小弟放母親同妹係銀座一帶行街,
小弟就同老父鎮座cafe, 咁就一個下午。



旁晚黎到成田機場, check in完食個拉麵就入閘上機。

今次旅行好似冇乜野寫,
事關有若干時間都係用黎俾屋企人購物。
下次小弟自己一條魷旅遊時,
再帶俾大家多啲精彩o既內容。