黎到第五日, 都仲有重頭戲, 就係去浮潛喇。
光顧o既同上次都係同一間水上活動公司,
因為話晒都幫襯過一次, 啲價錢、活動安排都叫做心裏有數,
而且亦住咁大團人, 都要確保萬無一失,
而呢家店啲服務都冇話唔好,
所以回頭幫襯。
事實上今次去, 個天氣一般般, 天陰陰咁,
加上今次冇乜點影相,
所以如果大家想知道多啲浮潛詳情&睇靚相的話,
請追看上次o既POST
不過為左吸睛, 所以放係呢度XD
上次都有提過著潛水衣o既問題。
上次係俾參加者決定著定唔著,
不過今次因為仲係四月, 啲水溫比較低,
所以強制大家一定要著。
行程同上次都係一樣, 先去睇鯨鯊, 然後去青の洞窟。
不過今次冇人幫手影相, 所以冇鯨鯊o既相。
都係嗰句啦, 有興趣o既朋友, 可以到上一次寫o既BLOG睇。
六日五夜 石垣沖繩中同魷 --- 第四日 浮潛睇鯨鯊&青の洞窟 + 首里城 + 安里窄巷夜店餃子
所以入到青の洞窟, 都冇乜野睇到, 都幾失望。
影o既相, 一係就黑得濟, 一係就因為閃光燈而反晒白。
不過冇變o既係, 呢一帶都仲係勁多魚,
一放埋麵包入水, 就係咁啄。
同上次唔同o既係, 今次回程o既時候, 多左位訪客,
就係一條鯨魚。
不過因為船唔可以駛太近,
所以只能夠影到佢個背脊。
進行左一朝o既浮潛之後,
番番去住宿沖涼換衫之後,
就再渣車出發。
途中落起大雨。
好在小弟們浮潛係早上,
如果唔係真係敗興而歸。
到下午兩點幾, 都仲未食野,
渣車經過天下一品,
相信團友應該都未食過,
所以迫左佢地入去食。
同carbonara啲汁一樣咁杰o既嗰間拉麵店。
仲要相信因為啱啱食到一鍋湯o既最後嗰幾啖湯,
其中一個團友o既湯底, 杰到同清保涼o既泥漿湯汁一樣,
成杯水倒落去溝都溝唔稀......
不過唔怕重口, 因黎緊o既目的地, 係Blue Seal雪糕店。
當然, 沖繩境內到處都係分店、小店,
但要見識雪糕o既威力, 當然要黎最大o既牧港本店!!!
色彩繽紛o既裝修, 已經叫人興奮。
再加埋目不暇及o既餐牌, 真叫人垂涎三尺。
係呢個時候, 人多o既好處, 係可以大家合作,
點唔同o既味道o既雪糕, 然後share黎食。
初初仲擔心, 純粹黎食雪糕, 團友們會唔會覺得小弟hea緊佢地,
又或者係好快就食完, 然後唔知去邊。
結果出乎意料之外, 大家都幾雀躍同enjoy,
淨係諗食邊款已經諗成十幾二十分鐘,
點左番黎, 大家一齊share, 比較唔同咪道, 又係一番樂趣,
而且, 基乎每個人都食左兩轉。
而小弟, 就食左三轉XD
所以看官如果有興趣的話,
不妨黎Blue Seal睇下食下。
係店o既另一邊, 有一個小小o既展館,
講Blue Seal o既歷史。
唔講唔知, 原來Blue Seal本身係提供奶酪產品俾美軍o既公司,
及後多次演化, 先成為今日專賣雪糕o既店。
係店o既盡頭, 仲有一個類似工作室o既地方,
相信係要黎進行雪糕製作o既活動。
食左個幾小時雪糕........
然後下一站係去AEON Shopping Mall購物喇。
因為主要係俾女士掃貨, 冇乜特別野,
亦都冇乜影相, 所以呢度唔多講喇。
最後團友們係AEON超市買左好多野食番住宿開餐~
沒有留言:
張貼留言