早見兩場個唱魷 --- 東京場

早見沙織演唱會, 小弟又點會錯過。
16/10東京場, 27/10大阪場, 小弟都一早買碟抽左飛 。

八日七夜 昇龍豪食自駕魷 --- 第八日 中部國際空港

黎到最後一日, 都冇乜特別野做喇,

早少少到機場, 食個拉麵,

再慢慢hea吓。

八日七夜 昇龍豪食自駕魷 --- 第七日 行山(乳岩峽)

一大班朋友o既集體行程, 琴日就完結左喇,

但小弟同另一位朋友stay behind, 黎一個小小o既hiking。

小弟選擇o既, 係由乳岩峽出發, 行上去明神山。

會揀呢條route, 係因為上啲日本行山網站,

話呢條路線都幾多野睇, 而且有少少難度。

小弟因為唔想行啲太悶o既山,

於是就俾啲景點同"有少少難度"吸引左。

要到乳岩峽, 可以由名古屋坐JR到三河川合駅,

再行半個小時, 就可以到乳岩峽......o既出發點......

因為淨係搭JR到三河川合駅,

單程都要成3粒鐘, 單程車票2千幾yen per head,

仲要由車站行半個鐘先到登山出發點,

所以小弟同朋友決定租一架車仔渣, 渣足一日都唔洗10000萬yen。

去番同一間店攞車, 我諗店員會有啲奇怪,
小弟明明琴日還左架七人車, 今日又租架4人車仔。


十點鐘左右攞車, 渣個零鐘就到達上圖o既乳岩峽登山出發點。
因為車路只黎到呢度, 所以啲人都泊晒啲車係度,
然後出發遠足。

八日七夜 昇龍豪食自駕魷 --- 第六日 松本城 + 諏訪湖(《你的名字》聖地) + 形原温泉紫陽花祭 + 磯丸水產

今日行程實在有太多好o既相片,

但爭扎左一大輪之後, 

都係決定揀《君の名は。》(中譯《你的名字》)聖地巡礼o既相片,

用黎做吸睛圖, 陣間中段會講多啲。

黎到集體行程最後一日,

早上一打開窗簾, 天氣好到爆。

大家要知道, 其實六月底o既日本,
天氣都唔係話好隱定,
但一連幾日都冇落雨, 實在係天公造美。

先黎食個早餐,
其實小弟平時又遲起身, 又唔食早餐的,
但到左旅行, 生活反而仲健康左XD

八日七夜 昇龍豪食自駕魷 --- 第五日 兼六園 + 富山駅lunch + 奧飛驒白骨溫泉湯元齋藤旅館

一睇到上圖, 心水清o既朋友應該就會認得出,

係黎自兼六園o既兩腳石燈籠,

其實標題都大大隻字寫左兼六園......

冇錯, 黎得金沢, 又點可以唔黎睇吓兼六園。

兼六園, 係由加賀藩係金沢城前面起o既庭園,

時至今日, 同日本o既岡山市後楽園、水戸市偕楽園,

並稱為日本三名園。

另外兩個庭園小弟都去過,

有關岡山市後楽園, 可以參考

四日三夜 廣島四國旅行團 --- 最終日 岡山後樂園

七日六夜 本州極西櫻花魷 --- 第六日 岡山後樂園 + 早見沙織Concert Tour 2019 "JUNCTION"大阪公演

有關水戸市偕楽園, 可以參考

八日七夜 北首都圈 毒撚魷 第二日 --- 偕樂園 + 大洗 + 築波JAXA

八日七夜 昇龍豪食自駕魷 --- 第四日 高山宮川朝巿 + 金澤近江町巿場 + 東茶屋街 + もりもり迴轉壽司

大家見到上面張eye catching o既圖都係以食物做招徠,

應該都估到, 今日又係不停咁食~

同埋, 食過上圖呢舊壽司的話, 好難唔將呢張相放第一......

不過都唔係一起身就係咁食o既,

今日起身第一個行程,

係先去宮川朝巿。

顧名思義, 宮川朝巿,

就係上午時段, 於流經高山巿o既宮川河岸開檔o既巿場。

八日七夜 昇龍豪食自駕魷 --- 第三日 白川鄉 + 高山市三町 + 燒飛驒和牛

今日o既行程, 一下子由犬山,

渣130幾公里黎到白川鄉。

嗯......小弟已經係第三次黎白川鄉......

相信九成o既日本人都未必黎過呢個地方三次......

Anyway, 就算係第三次黎, 都有新觀點o既。

八日七夜 昇龍豪食自駕魷 --- 第二日 熱田神宮 + 鰻魚飯名店うな富士 + 犬山城 + 犬山木曾川鵜飼

上面呢張吸睛圖係犬山木曾川鵜飼o既相,

要睇更多詳情的話, 看官要爬文爬到最後。

正如琴日所講, 今次呢個trip係小弟帶埋一班朋友玩日本中部,

由名屋企入, 上到去北陸然後番番落黎。

琴日大家陸陸續續到埗, 今日開始就係正式o既行程。

八日七夜 昇龍豪食自駕魷 --- 第一日 到埗名古屋

正如係首頁簡介嗰度提過, 有今次o既旅行,

事源係因為兩年前同一班日文班同學傾開話一齊旅行,

於是促成左今次o既行程。

雖然係小弟負責規劃行程同埋book晒所有o既野,

但為免麻煩, 小弟都開出左條件:

就係小弟唔負責來、回機票,

總之21/6早上係名古屋集合, 25/6晚上係名古屋解散,

要早啲到, or stay behind, 悉隨專便。

咁當然, 小弟都冇可能嗰朝先到o既,

所以小弟早一日到步,

係名古屋市內買下自己要買o既野,

再食下拉麵, 休息一晚, 準備聽日開始一連幾日o既領隊工作~

標題所謂o既昇龍, 講緊係昇龍道,

即係由名古屋一路北上到日本海嗰邊,

其實呢個term小弟都係由杜如風嗰度學番黎......

好, 精彩o既行程聽日開始~

七日六夜 本州極西櫻花魷 --- 第七日 奈良公園

夜晚9點機,

仲有成日流流長, 唔知做咩好,

十點check out, 諗諗吓, 不如去奈良公園睇下櫻花都好,

順便用盡張JR pass, 於是就搭JR到奈良駅。

七日六夜 本州極西櫻花魷 --- 第六日 岡山後樂園 + 早見沙織Concert Tour 2019 "JUNCTION"大阪公演

琴晚係広島睇完演唱會, 今晚要到大阪睇。

由広島移動大阪當中, 點都偷少少時間,

係中途站 岡山 停留一下,

欣賞一下日本三大名園---岡山後楽園o既櫻花。

係2008年o既大學畢業旅行,

小弟已經黎過一次後楽園, 不過當時冇櫻花, 

但當時對後楽園有比較深入o既攝影同介紹,

有興趣o既朋友可以睇番:

四日三夜 廣島四國 旅行團 最終日 --- 岡山後樂園

七日六夜 本州極西櫻花魷 --- 第五日 千光寺公園 + 廣島原發DOME + 廣島平和記念公園 + 廣島平和記念資料館 + 早見沙織Concert Tour 2019 "JUNCTION"廣島公演

琴晚早左番酒店休息都好,

今朝可以早啲出發去賞櫻,

同埋應付今日全日豐富o既行程。

七日六夜 本州極西櫻花魷 --- 第四日 嚴島神社

広島o既宮島厳島神社,

可以話係西日本其中一個最多人去o既景點,

而事實上, 小弟都係第二次黎,

(可參閱 四日三夜 廣島四國 旅行團 第一日 --- 厳島神社)

今次同上次唔同o既係, 今次有櫻花~

七日六夜 本州極西櫻花魷 --- 第三日 福德稻荷神社 + 元乃隅神社

黎到今日,

今日o既行程應該係咁多日裏面,

最需要體力同精神o既行程,

但亦都係最苦盡甘來o既行程。

事關今日會去到兩個山口県兩個勁山卡啦o既景點,

就係上兩圖o既福徳稲荷神社同埋元乃隅神社。

有幾山卡啦?

可以參考下面o既地圖

七日六夜 本州極西櫻花魷 --- 第二日 錦帶橋 + 秋芳洞 + 下關

最初o既計劃, 係早少少起身,

然後上去山上面o既岩国城參觀的,

不過綜合網上資訊, 都係話岩国城一般般,

所以決定留多啲時間影錦帯橋。

七日六夜 本州極西櫻花魷 --- 第一日 廣島 + 錦帶橋夜櫻

期待已久o既本州西部旅行出現了。

小弟一直都好想可以征服山口県,

不過因為啲景點唔係話太多, 亦都比較分散,

所以一直都未探索呢一帶。

今次因為早見沙織o既巡迴演唱會頭兩站係広島同大阪,

仲要撞著係本州西部o既櫻花季節,

所以決定早幾日去到, 玩完山口県同広島県,

然後先去早見沙織o既演唱會。

今次o既行程大約如上圖所示,

先由広島空港著陸, 然後一路向西玩過去,

然後番黎広島、大阪聽演唱會,

再由大阪o既関西国際空港返港。