八日七夜 昇龍豪食自駕魷 --- 第八日 中部國際空港

黎到最後一日, 都冇乜特別野做喇,

早少少到機場, 食個拉麵,

再慢慢hea吓。

其中一個朋友介紹,
原來名古屋中部国際空港有一間賣蝦片o既店好出名,
小弟都湊熱鬧買左幾包。

另外, 又係機場見到BLUE SEAL o既分店,
如果有睇過小弟沖繩旅遊o既都知,
BLUE SEAL係沖繩起家o既日本知名雪糕店,
有興趣o既朋友可以參考下小弟之前o既遊記。
七日六夜 觀禮帶團沖繩魷 --- 第五日 浮潛睇鯨鯊&青の洞窟 + Blue Seal雪糕店

旁晚上機, 香港落機都已經午夜。
小弟有位團友係啲安排轎車接送o既跨國公司做,
佢每年有幾個quota可以免費租車。
今次呢位團友好慷慨咁安排左一架車接小弟由機場番屋企。

咁啱個司機都係日本旅遊達人,
一個人好豪華咁坐住車入面o既梳化椅,
同司機吹住水, 好快好舒適咁就番到屋企,
為完美o既行程畫上完美o既句號。