呢張相都應該係一張幾特別o既構圖,
就係櫻花o既花瓣係紅葉上面。
事關今日小弟去到別府鶴見岳自然公園,
正值冬櫻/十月櫻盛放,
所以可以一睹呢個櫻花與紅葉共存o既景象。
最初小弟o既目標, 係黎睇鶴見岳o既紅葉的,
但又係啦, 個時期好似夾得唔係好啱,
滿山o既紅葉都已經落晒。
咁啱見到纜車站旁邊有個鶴見岳自然公園,
仲要大大個牌寫住冬桜・十月桜咲いてます,
非常吸引, 於是決定放啲時間係公園度。
公園入面都有紅葉, 但說實話唔係特別壯觀,
不過就吓角度, 都可以影到啲好o既相。
當然, 重點就係冬桜/十月桜啦。
藍天永遠都係攝影人o既好朋友。
其實有啲櫻花會一年開兩次,
並唔係話咩地球暖化呀、氣候變化搞到啲植物sort左,
而係純粹有啲品種o既櫻花就係會一年開兩次花。
嘗試用紅葉做背景黎影櫻花,
但鮮紅o既紅葉實在太搶眼,
櫻花粉紅色較淡, 花又比較疏,
所以唔係好影到好效果。
紅葉同櫻花同時同地出現, 比較少機會見到。
但既然一場黎到, 都搭吓纜車上山行吓啦。
黎得浸溫泉梗係唔蝕俾佢,
來回票價1800羊, 15-30分鐘一班。
望番落去鶴見岳自然公園方向
纜車站都有温泉むすめo既身影。
別府環樹綺, CV: 岩橋由佳
纜車站旁邊已經有個小觀景台,
足以飽覽別府o既灣岸。
由纜車站再行, 可以到東、西兩邊觀景台,
以及上去鶴見岳山頂。
別府市
上左去東展望台。
老實講, 除左由山望番落黎, 都冇乜野好影喇。
加上差唔多係時候食lunch,
小弟就飛車到下一個目的地,
亦都係小弟今晚下榻o既地點,
作為溫泉渡假十分出名o既由布院。
其實小弟plan行程嗰時, 都諗左好耐要唔要黎由布院,
因為由布院好似冇乜觀光景點, 比較商業化,
不過由布院實在太出名,
所以小弟最後都係決定黎睇下乜東東。
以自然景點計, 由布院o既景點應該只係得金鱗湖。
加上佢旁邊好似有一間食蕎麦幾出名o既店,
所以小弟泊低車就黎排隊食喇。
古式手打そば 泉
〒879-5102 大分県由布市湯布院町川上1599-1
食物不過不失, 但係可以係風和日麗底下,
坐係露天茶坐, 對個湖光山色食野,
的確係好好o既體驗。
食完野, 係咁依行下由布院o既主街。
真係好Q多人, 小弟唔係咁鐘意......
同埋商店賣o既野都冇乜話好有特色,
不過都幫到小弟去買一啲大路o既手信o既。
算喇, 行街呢啲野真係唔啱小弟,
橫掂又夠鐘check in, 今晚book左好正o既溫泉旅館,
唔好蝕俾佢, 拿拿聲入住。
今晚住o既係湯布院ホテル森のテラス
大分県由布市湯布院町川北９２８番地
係日本酒店網Jalan有幾高o既評分,
可能因為隔涉, 所以價錢比較相宜,
小弟有車唔介意喇, 冇乜人仲好, 靜靜地。
係一間比較舊式o既西洋風溫泉旅館。
間房大到喊, 一個人獨霸!
都係嗰個bug啦: 日本book酒店, 錢係計人頭的,
但一般溫泉旅館都唔會有單人房,
所以一個人o既價錢就可以霸一間雙人房。
Book房附送一個小時預約露天溫泉。
晚上黎到餐飲棟, 享受洋式晚餐。
臨瞓前都浸多一鑊。
沒有留言:
張貼留言