2日2夜 亀岡彼岸賞花魷 (+早見沙織Orchestra演唱會)

對小弟黎講, 睇演唱會先係主菜, 黎睇花係順便,

但相信唔係個個黎呢個blog都鐘意早見沙織,

所以小弟都係放左睇花o既行程上黎先。

彼岸花(音: Higan Bana), 日文別名曼珠沙華,

本身並唔係日本o既原生植物,

應該係中國傳過去的,

被分類為「史前帰化植物」。

名字o既來源有好多說法, 

日本同地方對呢種花都有好多別名,

但多數都係唔吉利o既叫法,

可能因為呢種花光秃秃冇葉,

紅血色之餘花o既形態又比較詭異。

講多少少先睇花,

彼岸花o既花期係夏秋中間,

基本上日夜溫差開始大就係花期,

而紅葉多數都係真係入秋先有,

所以如果太早到日本而未到紅葉季節o既朋友,

可以試下夾唔夾到彼岸花o既花期。

呢個亦都係小弟次黎睇彼岸花o既原因。

京都附近o既彼岸花,

比較出名o既係今次小弟黎到o既

亀岡市曽我部「彼岸花の里」。

不過好遺憾, 小弟其實比花期遲左個幾星期先黎到,

所以七成o既花都已經謝左。

即使係咁, 都仲影到啲o既。

其實真係好多都已經謝左......

即使係咁, 大家都可以睇到,

圍住田邊都仲有好多紅色。

順帶講一講,

呢啲田地應該都仲係有耕作o既私有地,

所以大家睇花影花嗰時唔好踩人地塊田,

留係拱起o既泥路好喇~

除左彼岸花, 都仲有其他花好靚o既。

Anyway, 因為真係大部份彼岸花都謝左,

所以都唔係影到好多靚相。

大家可以自己上網search下人地啲大師級攝影啦。

以下就會講番到埗日本之後直到睇演唱會o既行程。

搭凌晨機到京都, 由機場直出京都。

係間網吧沖左個涼瞓左幾個鐘之後,

就去演唱會場地喇。

今次係早見沙織首個Orchestra Live, 點可以唔黎。

演出場地係ロームシアター京都。

早晚兩部都參戰,

中間有啲時間, 就同fd去左附近o既cafe hea時間。

夜の部。

早見問大家係邊度黎, 我同身邊o既fd好落力咁嗌ホンコン,

早見聽到!

晚上去左間居酒屋慶功。OK啦。

難得黎到京都, 又仲有《響け！ユーフォニアム》o既collaboration,

梗係要買。

完。