小弟外號魷魚,
由於2011去左一年o既日本WORKING HOLIDAY,
於是就開左個BLOG記錄一年來o既點滴。
但去完一年o既WORKING HOLIDAY之後,
小弟結果都仲係經常去日本,
於是呢個BOLG就變成小弟日本旅遊o既記錄。
以下係呢個BLOG裏面o既遊記簡介,
有啲地方會重覆去過又去, 不過因為人o既惰性,
一般黎講都係第一次去o既遊記寫得會比較詳細, 請見諒。
2024 陪女朋友東京魷(待編寫)
係, 小弟有左女朋友, 佢從來未去過日本,
於是小弟就plan左個超老套o既行程,
雷門、原宿、秋葉原、箱根,
進行一個最layman o既行程。
2023 亀岡彼岸賞花魷
早見沙織突然宣報話開orchestra live, 點可以唔去!
結果兩個月第三次黎日本, 今次係京都,
遇著彼岸花(或者叫蔓珠莎華)o既花期......尾.......
2023 伊豆諸島大島魷
因為早見沙織演唱會o既live tour,
所以距離上次短短兩個星期又再次黎日本,
今次計劃左個一日一夜o既大島旅行,
應該係小弟第一次去日本o既離島玩(唔計沖繩石垣)。
2023 福岡水族一日魷
估唔到唔夠一年又再次黎福岡,
今次都係為左早見沙織演唱會o既2023 live tour,
因為逗留時間短暫, 第二日黎個短距離水族館一日遊,
都幾多野睇, 日本啲水族館好少會令人失望。
疫情開關後第一次飛日本睇早見沙織演唱會。
兩日三夜o既短行程, 計劃左第二日去埼玉県o既姆明谷,
一個小弟一直好想去o既地方。
不過而家香港人的話, 應該只有老餅先識姆明......
2022 九州半月自駕魷
日本對外開關, 香港又0+3, 係時候去日本喇!!!
老老實實, 小弟又唔係話真係咁心急去日本,
不過轉左職位要消假,
焗住放兩週, 但係吽係香港又好嘥, 結果都係要出發。
2019 早見兩場個唱魷(編寫中)
早見沙織又開演唱會喇, 今次仲要係齋唱動漫角色歌,
聲優歌手黎講, 呢類演唱會都比較少見,
加上早見啲角色個個都人見人愛, 小弟又點會錯過。
一於16/10東京場同27/10大阪場兩場去晒。
2019 昇龍豪食自駕魷
話說兩年前一次日語班同學聚舊,
有人提起叫小弟帶大家去趟日本,
小弟因為嗰期比較忙, 於是提議兩年後籌備。
又估唔到兩年後大家真係仲記得......
2019 本州極西櫻花魷
因為抽中左演唱會門券, 會去廣島同大阪聽演唱會,
而小弟又一直都好想遊覽山口縣一帶。
再者, 剛剛好係櫻花花期, 所以就黎左個廣島、岡山、山口o既賞櫻之旅。
小弟寫包單, 呢一篇遊記會非常充實同埋好多靚相!
2018 動漫活動兩天魷
純綷係鬼掩眼唔知點解走去抽某動漫event入場券,
又俾小弟抽中左, 於是黎個快閃短trip,
主要停留地點係千葉同埋秋葉原。
2018 老套行程東京魷
帶左屋企人去咁多次日本, 乜野山卡啦都去過,
反而就係冇遊過東京一帶,
於是今次黎個反高潮, 超老土o既行程,
東京、鎌倉、箱根, 香港人去到爛一爛o既地方,
不過認真plan下, 又有同以往不一樣o既經歷。
2018 觀禮帶團沖繩魷
小弟o既一位大學同學, 係沖繩行禮,
同學們都知道小弟比較熟識日本, 又黎過沖繩,
於是小弟負責帶住幾個大學同學、同學o既朋友、同埋朋友o既家人,
一行十幾人, 玩左沖繩7日。
應該都係小弟帶過o既最大團人......
2018 中獎免費機票魷
話說, 原來信用卡消費自動參加抽獎, 唔係呃人的。
無啦啦收到BEA o既信, 話小弟中左ANA雙人大阪來回機票,
一時間又讓唔出張飛俾其他人,
於是捉左個fd去左城崎、鳥取一帶。
2017 帶兩老上富士山
小弟2012年登過一次富士山山頂, 實在係太正,
想趁兩老仲行得走得, 同佢地分享一下呢個美景,
只可惜天公不造美.......
不過其他景點都好正。
2017 石垣沖繩中同魷
因為小弟撲到平機票,
於是搵埋另外三個中同一齊去石垣、沖縄旅行。
去得沖縄, 當然唔少得有水上活動啦,
另外, 臨走前一晚發生左小小意外......
2017 京都動漫聖地魷
小弟因為要去日本拎啲物品番香港,所以去左大阪3日2夜,
其間去左京都進行動畫《響け! ユーフォニアム》o既聖地巡礼。
因為呢篇比較毒, 對動漫冇興趣o既朋友可以跳過。
2016 京阪奈良紅葉魷
帶屋企人去京都奈良, 用最充實o既行程多角度欣賞紅葉。
2016 立山黑部登山魷
去日本睇動漫演唱會,
之後去左立山黑部行山, 同埋去左富山県遊行,
順便進行動畫《クロムクロ》o既聖地巡礼。
2016 紀伊熊野和歌山
去日本睇聲優早見沙織o既演唱會之後,
順便去和歌山県o既熊野古道&熊野三山(熊野三大神社),
感受大自然o既氣息同天地靈氣。
2015 日本中部帶人魷
暑假期間, 帶同事一家五口去日本中部旅行, 景點包括:
下呂溫泉、上高地、新穗高、高山市、名古屋リニア鉄道館。
有小朋友跟埋去旅行, 都真係比預期花多好多時間。
2015 箱根東京千葉魷
去睇動漫演唱會之前, 預留左兩三日係首都圈玩,
一條魷住左一間勁高級箱根溫泉旅館。
另外, 千葉県o既 葛西臨海水族園 意外地幾值得睇。
2015 週未極速毒撚魷
屎忽痕抽中左演唱會飛, 咁啱有平機票於是去睇吓,
順便去左東京練馬区進行動畫《四月は君の嘘》o既聖地巡礼。
由於只有毒題材, 對動漫冇興趣o既朋友可以skip。
1) 日本 WWOOF in 北海道 2014
2) 2014 ねぶた祭一日魷
3) 2014 突發東京hea住魷
4) 2014 北海道的自駕魷
5) 2014 日光世遺一條魷
以上5個條目上至下係一個系列. 事情是咁的:
1) 本來打算帶個妹去北海道WWOOF體驗一個月。
2) 小弟先番香港(因為仲要番工), 順便睇下東北三大祭。
3) 點知農場斷水, 臨時要接個妹番香港。
4) 本身打算同父母去北海道接個妹順便遊北海道,
雖然個妹已經番左香港, 但因為機票一早買左, 結果變成全家一齊去北海道。
5) 玩完北海道, 屋企人先番香港, 小弟stay behind。
2013 北首都圈毒撚魷
去睇動漫演唱會之前預早左幾日去旅遊
雖然多數都係為左進行動畫o既聖地巡礼
但當中o既草津溫泉旅遊都值得睇的
日本 Working Holiday 期間的旅遊觀光
小弟由2011年12月~2012年11月WORKING HOLIDAY期間o既旅遊觀光,
篇數多達78, 去過勁多地方, 真係超精彩(hard sell到呢),
不過, 如果想逐日逐日睇小弟o既WH的話,
可以click而家右邊column「日本 Working Holiday 的350天」。
另外, 350天其間去左北海道農場進行兩個幾月o既體驗(WWOOF)。
日本 WWOOF in 北海道 2012
2010 東京鎌倉自魷行
小弟第一次一條魷o既日本自由行, 為左慶祝畢業而去的,
因為係過左幾年先補番寫, 所以有啲印象模糊。
2008 廣島四國畢業魷
同大學同學o既畢業旅行,
因為係過左幾年先補番寫, 所以有啲印象模糊。
