***************************************************
呢篇blog係五年後寫番o既回顧,
詳情請參閱「四日三夜 廣島四國 旅行團 Preface」,
當然, 看官無視呢點就咁睇落去都唔係問題。
***************************************************
瞓過好覺, 起身之後有自助早餐等緊小弟一行人。
自助得o既, 就梗係有理冇理乜都試下先架啦。
而首當其衝o既, 就係傳說中o既納豆喇。
納豆
日本傳統o既發酵食品
納豆
平時行超市見到都唔會買o既食品
納豆
傳聞中難食到嘔o既食品
今日小弟一行人就踏出人生o既第一步
作出不能回頭o既大膽行動......
一食落第一啖.......
......真係有同學即刻 lur 出黎然後衝入廁所嘔=.=
小弟還好, 食左第一啖唔好浪費食物,
盡力食埋去。
詳細少少講的話:
通常係市面上o既納豆同上圖差唔多,
會附有獨立包裝o既芥末(唔係芥辣), 同埋豉油,
食o既時候將喜好份量o既芥末同豉油唧入去納豆度,
用筷子順住同一方向起勢係咁攪,
攪到起泡起絲就食得。
食落滑潺潺,
有少少苦味加發酵味, 就好似啤酒咁。
如果淨係味道、口感、外觀,
三者入面是但一樣的話, 小弟都接受到,
但三個魔王集合體o既納豆......
小弟真係唔太接受到......
食完呢個難忘o既早餐之後,
一行人向住今治タオル博物館進發。
(タオル即英文towel : 毛巾)
係旅遊車上, 導遊好風騷咁同我地講,
「今朝早餐有納豆, 唔知團友們有冇試下呢」
「有呀......」「哇......」「唔好提......」
「我都見到有團友食左幾啖之後走左去廁所喎」
「喂, 講緊你喎」「你咪又係」
「其實如果對第一次食o既人黎講, 陣味又真係幾難頂o既
比較好啲, 同埋多人食o既食法, 一般都係撈白飯食o既......(下刪一千字)」
$%＊#$＊#&＊(#(
......你唔好再遲啲講......
anyway, 到達今治タオル博物館。
故名思意,
今治タオル博物館係一個以毛巾及毛巾製品為主o既博物館。
係正們已經可見一班。
入面當然展出左織毛巾製品用o既機器啦,
不過介紹文只有日文同英文,
英文啲term又太過specific......
上、下圖係其中一個show case,
啲公仔o既scale, 嗯......上面中間兩仕企鵝,
大概到成人大腿咁高左右啦。
所以下圖o既鯊魚真係好大件。
多種顏色o既布料
當然唔少得毛巾製品o既售賣部。
而小弟最感興趣o既係下圖o既龍猫製品,
可惜價錢唔太化算。
上晝睇完毛巾之後就去食中午飯。
地點係............一隻船?
其實係店家將一艘退左役o既船「金多比羅丸」買左番黎,
然後改裝成一間食肆啫。
係度講多少少,
係四國同關西本州接連o既一帶,
好大機會會見到有關「金刀比羅」、「金毘羅」、「金比羅」、「琴平」等o既字眼,
咁係因為係呢一帶, 為祈求出海平安等海上安全,
都會拜「金刀比羅神社」系列。
所以係四國及隣近海岸會成日見到金刀比羅等o既字眼,
尤其是係船名。
順帶一提,
講起烏冬, 一定要數四国讃岐うどん,
其口感確實一流,
亦因為四国好多人食烏冬,
四國o既糖尿病人數比例係全日本第一。
(過量攝取碳水化合物o既原因)
然後再坐旅遊巴行一段長時間,
終於到德到縣o既 阿波おどり会館。
阿波舞, 係日本民族舞蹈之一,
發詳於日本四国, 多數係會係夏天盂蘭廟會o既時候跳,
時至而家, 全國好多地方都會跳阿波舞,
係東京, 一到左仲夏, 各個市區都會搞阿波舞聚會。
小弟一行人黎到,
就被放入一個小演出廳睇阿波舞。
相就任影o既, 不過基於禮貌, 大家就唔好開閃光燈喇。
可惜小弟個相機冇電.......
其實睇就冇咩野好睇,
加上旁述只有日本, 香港遊客見到啲奇怪o既舞蹈,
只有失笑, 其實頗為冇禮貌......
不過又冇法啦, 唔係個個都識日文,
現場又冇翻譯......
今日o既行程就係咁多=.=
其實今日o既行程真係比較廢,
不過冇計啦, 淨係今日, 已經坐車橫跨左半個四国=.=
聽日後日會多番啲睇頭。
經過明石大橋橫過瀬戸内海之後,
就到達今晚o既落腳點。
雖然今日o既行程比較廢,
但整體上成個團都ok,
我地四晚有三晚都係溫泉酒店,
包野食都成700~1000蚊一晚架,
不過成個團連導遊費都唔洗6000蚊, 都算係咁啦。
今晚o既晚餐係懷石料理。
唔知係咪飲醉左,
成班kai子番到房開始發酒瘋,
係度扮黑社會......
今日係咁多。
沒有留言:
張貼留言