2日2夜 亀岡彼岸賞花魷 (+早見沙織Orchestra演唱會)

對小弟黎講, 睇演唱會先係主菜, 黎睇花係順便,

但相信唔係個個黎呢個blog都鐘意早見沙織,

所以小弟都係放左睇花o既行程上黎先。

六日五夜 京阪奈良紅葉魷 --- 第五日 嵐山嵯峨野 (嵐山小火車 + 保津川小船 + 天龍寺 + 野宮神社 + 竹林之道 + 常寂光寺)

黎到第五日, 可謂今次旅程o既重頭戲之一,

就係黎嵐山睇紅葉喇。

有爬開小弟文章o既人會話「又係嵐山?」

無錯, 小弟係黎過好多次, 但今次主要係帶屋企人黎丫嘛。

晨早出發, 搭JR直接到嵯峨嵐山駅,

出站後第一件事梗係到旁邊o既觀光小火車車站買車飛啦。

雖然小弟已經預早左大半個鐘到,

但排隊排到小弟o既時候, 觀光小火車座位已經售罄,

得番企位......不過都好過冇啦。

一來企位影唔到相啦, 二來啲紅葉都未話真係好紅,
所以坐觀光小火車都冇乜點影相喇。



係小弟心目中, 遊嵐山最standard o既行程,
一定係先坐觀光火車到龜岡,
然後再坐保津川小船番番去嵐山。
呢個亦係點解小弟要上午黎嵐山o既原因。

六日五夜 京阪奈良紅葉魷 --- 第四日 清水寺 + 八坂神社 + 伏見稻荷大社 + 宇治

京都, 除左有琴日o既金閣寺之外,

當然唔少得清水寺!

小弟精心計劃o既旅程, 又點少得清水寺。

雖然清水寺冇話有好靚o既紅葉,

但呢啲打咭景點, 點都要黎一黎o既。

上次小弟黎清水寺睇紅葉, 係早上o既五點幾,
只有三五個好似小弟咁變態o既early bird,
但今次同老人家黎, 就梗係唔會咁辛苦啦,
黎到o既時間係9點幾, ok啦, 係多人, 但都冇琴日金閣寺咁誇張。

六日五夜 京阪奈良紅葉魷 --- 第三日 金閣寺 + 仁和寺 + 高雄神護寺

就算未黎過京都o既人, 都可以聽過京都金閣寺呢個名。

金閣寺已經成為左京都旅遊必到o既景點,

加上金閣時o既紅葉都幾, 所以小弟都都將金閣寺納入行程內。

六日五夜 京阪奈良紅葉魷 --- 第二日 奈良公園 + 春日大社 + 東大寺 + 京都貴船神社

小弟入住o既係難波附近日本橋一帶,

原因係小弟一家, 第一站會係奈良,

行幾步過去難波, 就可以坐近鉄線去到奈良。

黎得奈良, 目的都係嗰個架喇, 就係玩鹿,

當然啦, 唔少得o既今個trip o既主題---紅葉。

都係嗰句,  小弟以前都已經黎過奈良一次,

如果想睇奈良詳細啲o既描述,

可以睇番小弟之前o既文章:

放火燒山---若草山(&庚申堂+奈良公園+春日大社+東大寺+二月堂)

 不過嗰時唔係睇紅葉, 而係睇放火燒山。

番番黎正題, 由大阪黎到奈良,
因為今晚係住京都o既關係,
啲行野都由日本橋o既酒店拎晒黎, 放左係近鉄奈良駅o既locker。

雖然話係秋天, 但日本o既秋天其實同香港o既冬天有得fight,
行番十度鬆啲, 再加埋啲風, 體感溫度都真係得個位數......

紅葉 京都 第四日 (清水寺 + 円山公園 + 高台寺 + 知恩院 + 醍醐寺 + 毘沙門堂 + 本能寺 + 南禪寺 + 天授庵 + 永觀堂 + 哲學之道 + 銀閣寺)

因為部手提電腦年事已高,
所以雖然琴晚番網吧番得早,
但整理好啲相, upload埋之後,
已經係十二點幾一點鐘......



係紅葉o既時期,
係啲紅葉名勝要影相但影唔到人,
就只有一個辦法,
就係係冇人o既時候影。
晨早爬起身係不二o既辦法。

清水寺o既開門時間為0600,
所以小弟0430就起身,
0500由烏丸四條行到去京都駅,
然後搭0533 o既京都洛巴士到清水寺。
雖然時間只係早上o既五點幾,
但好明顯, 巴士上除左上班人士之外,
仲有兩三個旅遊人士......

果然咁屎忽痕晨早爬起身去清水寺o既唔只小弟一個......



補番, 都係嗰句,
小弟今次係睇紅葉,
所以對啲寺廟神社就唔多介紹喇,
有關清水寺、知恩院等o既介紹,
可以睇番之前o既BLOG
http://japsleevefish.blogspot.hk/2012/01/blog-post_16.html
http://japsleevefish.blogspot.hk/2012/04/incline.html


0550左右係清水道落車,
係附近o既便利店買飯團、三文治之後,
就開始上清水寺喇。

紅葉 京都 第三日 嵐山嵯峨野 (法輪寺 + 嵐山小火車 + 保津川小船 + 寶嚴院 + 天龍寺 + 弘源寺 + 野宮神社 + 竹林之道 + 常寂光寺 + 二尊院 + 祇王寺 + 化野念佛寺 + 愛宕念佛寺 + 大覺寺)

今日總算可以遲少少起身,
不過話遲少少, 其實都係六點半就起身,
七點幾就搭京阪到嵐山。

上次黎嵐山係睇櫻花,
而今次黎係睇紅葉。
果然, 同上次黎o既時候相比,
嵐山已經完全換晒新裝。
http://japsleevefish.blogspot.hk/2012/04/blog-post_11.html



根據旅遊書資料,
先到一個「穴場」,
日文「穴場」(ANA-BA) o既意思係「少人知o既好地方」。
目的地係京阪嵐山站西面十分鐘路o既法輪寺。
吸引o既原因係因為法輪寺有一個平台,
可以望到嵐山市鎮o既全景。

紅葉 京都 第二日 (東、西本願寺 + 北野天満宮 + 金閣寺 + 竜安寺 + 等持院 + 仁和寺 + 高雄 [神護寺 + 西明寺 + 高山寺])

瞓唔夠兩個鐘,
0530又要爬起身再戰京都紅葉喇。



京都有三間寺廟比較早開門,
一間係清水寺, 0600就開門,
另外兩間就係東本願寺同西本願寺。
兩間都係六點唔夠就開門。
而小弟今日先到東/西本願寺。

六點鬆啲到達京都站附近o既東本願寺,
太陽都未出黎=.=



其實東本願寺比較靚o既紅葉,
並唔係係寺入面, 而係對出嗰條大馬路中間。

紅葉 京都 第一日 (東福寺 + 大原 [三千院 + 勝林院 + 宝泉院 + 寂光院] + 鞍馬貴船)

今朝0600起身, 而家已經係晚上0200
爆眼瞓, 所以寺廟o既介紹小弟就唔做喇,
大家有興趣就自己上網問wiki老師啦。
又或者假以時日, 小弟得閒再補番......



一睇個標題就知小弟今日做過啲乜啦。
其實而家仲未係京都睇紅葉最好o既時候,
因為今年轉涼比較遲,
起碼要等到十一月底十二月頭先係全盛時期。
不過小弟就黎要番香港,
所以焗住要而家黎京都,
唯有本住睇得幾多得幾多o既心態睇啦。


正如頭先所講, 0600就爬左起身,
由大阪搭地鐵轉京阪到東福寺站。
可能因為《SWORD ART ONLINE 7》呢本小說太好睇喇,
小弟睇到唔記得落車=.=

出左京阪東福寺駅向南行前往東福寺,
又行過龍......咩事=.=

ANYWAY, 同預計o既到達時間差唔得幾遠。



講起京都+紅葉, 一般都會諗起清水寺、東福寺、南禪寺,
可見東福寺係好有人氣的。
而小弟剛進入東福寺範圍時,
就已經感受到嗰種「人氣」......
唔係因為人多, 當時「仲未」見到好多人,
而係可以見到東福寺附近o既街道,
都配以保安指揮行人、車輛。
需知道而家其實仲未係京都睇紅葉最好o既時間,
但呢度已經重兵駐守......

雜談

雜談一: 宇宙戦艦ヤマト 2199



事情係琴日由福知山搭去天橋立,
途中坐o既近畿タンゴ鉄道其中一架車。
無諗過咁殘舊o既鐵路都有架咁IN o既車,
講緊o既係為《宇宙戦艦ヤマト 2199》做promote o既列車。

竹田城跡(天空之城) + 天橋立

前情請先睇番琴日篇BLOG「竹田城跡 --- 天空之城」。



由勁大風o既長凳搬左去石垣底下之後,
總算叫做可以瞓得著......
不過冇耐, 四點鐘開始就已經有人登山上黎......

咁早上黎托咩!?
小弟check過, 日出要6點半先有,
如果係睇雲海, 就仲要過多個零鐘......



ANYWAY, 俾人嘈醒左都瞓唔番.....
於是又影下相咁啦。

京都祇園祭

祇園祭,
同大阪天神祭,
以及東京山王祭,
並稱日本三大祭。

869年, 京都一帶發生瘟疫。
當然, 係以前,
有咩天災人禍都入牛鬼蛇神數架啦。
當時o既瘟疫,
被認為係「牛頭天王」(又名素戔嗚尊)作祟而起,
(日本o既神有好多都係有幾個名, 又或者同一讀音唔同寫法)
為左平息神o既怒氣,
於是祇園社(八坂神社o既前身)係附近一帶舉行祭典,
製造66支鉾(即「矛」), 用黎封印瘟疫。

後來斷斷續續, 又多番變更,
(呢兩句真係無敵!)
就變成今日o既祇園祭喇。
(好一個總結!)

山鉾o既巡遊, 0900係烏丸一帶出發,
於 河原町 同 京都市役所 轉彎,
然後收檔。
見下圖:

收費觀賞席係巡遊o既最尾段。
當然, 既然有得免費睇的話,
小弟唔會特別花錢去坐觀賞席啦。
於是小弟去左上圖右下角o既河原町觀看。

點解揀係轉角位睇而唔係直路睇?
因為小弟買日本o既旅遊書, 當中介紹,
話啲山鉾轉彎o既時候比較有睇頭咁話。



小弟0830左右就到達河原町駅,
但已經係人頭湧湧......

上賀茂神社+下鴨神社+ 祇園祭

今日係小弟逗留係京都o既第二日啦。

HKY小姐因為要番學,
所以八點就出左門口。
小弟則瞓到十點幾先起身。

十一點半出門口,
向HKY小姐o既大學進發,
同佢共進午餐。

不過俾HKY小姐點左一鑊甘o既。
HKY小姐俾小弟o既短訊, 明明係:
202號巴士, 祗園轉207
不過上左車發覺唔對路,
再三發短訊問HKY小姐,
原來唔係207, 係201......

小弟冇怪佢,
但好想知點解1可以變成7???
點睇個電話鍵盤,
都唔覺得係一個正常o既打錯字方式=.=

宇治川鵜飼

今日九點幾起左身,
執好三日兩夜o既行里之後,
就出發去京都。

1130到達京都七条,
多人到喊T_T
因為呢個係京都祗園祭,
而呢幾日更加係最重頭嗰幾日。
不過今日都仲未有太特別o既野睇,
所以今日o既目標唔係祗園, 而係宇治。

一直有跟開小弟個BLOG o既,
都會記得小弟之前去過宇治,
( http://japsleevefish.blogspot.hk/2012/02/blog-post_12.html )
今次再去做乜?
今日o既標題已經話左俾大家知啦。

不過去睇鵜飼之餘,
順道買少少野咁啫。

三點去到宇治。
久違了五個月o既宇治。
因為之前已經去過平等院同宇治上神社,
所以買完野都冇乜好做,
唯有影下幾張日本風情畫=.=

與日本人無所事事

今日係拉麵店o既補假,
本身打算係房hea下算o既,
反正因為近排比較多事情,
積埋好多動畫未睇。

不過係mixi(日本社交網)
有個人好盛意拳拳咁邀請我到佢住嗰頭,
盛情難卻, 加上識多個人都係好事,
於是今日就去左嗰個人住o既地方: 京都o既桃山。

櫻花 (清水寺+八坂庚申堂+円山公園+蹴上INCLINE+岡崎疏水+平安神宮+哲學之道+銀閣寺)

琴晚都係三點左右瞓啦,
然後又係晨早流流六點鐘爬左起身。
搭地下鐵到東梅田轉JR到京都駅。
轉乘100號巴士0820左右就到清水五条。

因為幾個月前先黎過一次,
所以好快就搵到路行上清水寺。

上次黎正值隆冬,
樹木都光秃秃,
清水時係靚.
但總係欠缺啲野。

今次黎到,
完全係煥然一新,
果然寺廟雖好,
都要有櫻花扶持~

不過問題係,
點解會有咁多人=.=
上次都係八點幾左右黎到,
但鬼影都冇隻。
今次同一時間黎,
但就爆多人......
鴨仔團呀、學生呀咁......

因為今次主要係黎賞櫻,
所以冇櫻花o既景冇乜點影。
想仔細啲睇清水寺的話,
請睇番小弟16/1/2012嗰篇BLOG。
(http://japsleevefish.blogspot.hk/2012/01/blog-post_16.html)

櫻花 (嵐山、嵯峨野)

琴晚放左工凌晨三點先瞓,
瞓唔夠三個鐘,
0545就爬左起身,
為o既就係去京都嵐山賞櫻......

要好好珍惜呢半日膽粗粗請番黎o既假,
不過天公不造美,
今日全日落雨,
仲要落得唔細吓......

先搭地鐵到 東梅田,
再行去搭阪急到 桂,
再轉車到 嵐山駅。
一埋到站, 都未落車
已經見到好靚o既櫻花。

伏見稻荷大社+桃山城+宇治(平等院&宇治上神社)

是日放假,
本身打算係房瞓下覺算,
但諗諗下, 難得放假,
就咁就過左好似好浪費咁,
於是臨時臨急就plan左去京都旅行。

一來因為plan得比較急啦,
二來平時番工都比較攰,
所以今日鬆鬆地只係去三個景點算。
主要係京都南部,
沿JR奈良線南下,
先係去伏見稻荷大社,
過兩個站去桃山城,
然後再落去宇治。

點知一早就出事喇=.=

預左七點起身的,
點知瞓過龍,
訓到七點九先起身,
結果去到伏見稻荷大社已經係十點鐘左右......
(本身打算九點到的)

之前o既BLOG都提過,
如果個神社有好多紅色鳥居,
(即係「开」字形o既牌坊)
十成九都係稻荷神社。
而除左多鳥居之外,
稻荷神社亦會有好多狐狸o既雕像,
因為日本人相信狐狸係稻荷神o既使者。

而京都伏見區o既稻荷大社,
就係日本全國大大小小稻荷神社o既總店!
更有出名o既「千本鳥居」。
(「本」係日語量詞單位)

但唔知點解好似冇乜旅遊書講伏見稻荷大社。
不過無阻小弟o既意志,
決定一覽千本鳥居o既真面目。

清水寺+知恩院+八坂神社+袛園+二条城+金閣寺

同琴日一樣, 六點鐘就彈左起身,
本身都有啲擔心起唔到身,
但又估唔到咁順利喎。
不過代價係眼瞓到死=.=

路線同琴日都係一樣啦,
先坐地鐵到天王寺駅,
坐0747o既JR環版線內回り到大阪,
然後轉新快速到京都。

去到京都都係坐206號,
不過過左三十三間堂再多幾個站,
係清水道先落車。

今日天氣唔多好,
一直都陰天,
不過都好過落雨o既。
但我想落雪多啲......

因為冇太陽,
所以都幾凍,
好采今日戴左手襪.
(多謝陳X采小姐提供)
如果唔係真係快門都禁唔到......

今日o既第一站係清水寺,
相信唔熟日本o既朋友都會聽過。

清水寺係由延鎮上人創建,
座落係京都音羽山,
大概公元800前後咁上下建成啦。
(都係有紀錄同冇紀錄之爭)

不過清水寺起好之後都燒過唔少次,
而家見到o既大部份,
都係由江戶時代德川家光(德川家康個孫)修建,
不過仍保留住平安時代o既建築模式。
(《京阪神旅遊全攻略》; 正文社; 6th Edition; p2201)

三十三間堂大的大會

今朝六點鐘,
個鐘響左一野就即刻彈左起身,
真係奇蹟......
(小弟一般都賴床半個鐘的...)

刷牙洗面0615出門口,
由附近地鐵站搭地鐵到天王寺轉乘JR,
要搭0647大阪環狀線內回り
(故名思意形環狀線, 內回り係逆時針,
 外回り係順時針, 去大阪駅, 兩邊都一樣)

真係準時都冇人有,
準時0647開。
0709去到大阪駅,
轉乘新快速(米原經由近江塩津),
0745去到京都。

一切都比想像中順利,
一來列車準時,
二來轉車月台標示清楚,
三來, 我一早check好晒往咩方向等等。
四來京都比想像中近,
感覺就好似由市區搭車番琛玔咁。

一出京都駅就可以見到京都其中一個地標。
睇《京都so good》得知呢個塔係似蠟燭,
而131m高代表當時京都人口131萬人喎。