兌換日圓 & 科大樂團演出

今日係科大管弦樂團周年表演o既日子。

20:00係西灣河文娛中心演出。

中午同屋企人食完飯之後,

就先搭車出中環。

事關今日係星期一,

以小弟匱乏o既金融知識所得,

星期一多數啲野都係低開的。

所以決定今日走去兌換日元。

兌幾多我就唔講喇,

免得俾人打劫。

但因為個額都幾大,

所以經打探後,

就去位於中環德輔道中華人銀行大廈o既

百年找換有限公司(Berlin Company Exchange Limited)

兌換日元。

然後就過去西灣河文娛中心彩排。

點知去到先發現,

雖則我有帶西裝,

但帶漏左白裇衫!!!!!  (T_T)

已經係近期表演o既第二次!!

點解會咁架。

打俾番相熟o既團員,

大家都已經出左門口,

又或者只係得一件......

結果要出街買。

行左兩個街口,

侏儒村 又或者係 左單勞 就冇喇,

不過有一間校服公司,

有理冇理買番件白裇衫先。

都只不過係$50, 算係咁啦。

樂團表演o既過程之類,

未必個個都有興趣知,

呢度就唔多講喇。

想講o既係,

係科大樂團有好多朋友,

大家都好好人,

strings o既朋友仔固之然,

但估唔到brass o既朋友都咁歡迎我。

(由自己講自己受歡迎好似有啲唔知點咁...)

希望一年後番黎,

仲會有機會同大家合作啦~~~