今次o既POST, 除左中間提及千葉城之外,
其餘部份唔係毒拎內容就係私人生活,
冇興趣o既朋友可以唔睇今個POST。
另外, 因為內容唔係話真係咁多,
所以小弟會將兩日三夜o既行程寫晒係同一日。
今次o既日本之旅, 主要係因為半年前,
小弟參加左動畫《てさぐれ!部活もの》五週年EVENT o既抽選,
咁好彩抽中晒昼夜兩部, 於是黎個短trip, 遠征參戰。
晚上到達東京, 住(?)係淺草雷門附近o既網吧。
小弟再講一次, 網吧其實真係好過capsule hotel,
有無限添飲、有電腦、有小說漫畫、有涼沖,
仲唔會好似capsule hotel咁頂住個頭,
而且事實上, 網吧係靜過capsule hotel。
仲有, 因為日本人講個信字,
網吧只要攞左位, 就可以自由出入,
冇話要找左數先可以離開店舖呢回事。
由於未食Dinner o既關係,
於是去雷門附近o既一蘭食個拉麵。
老老實實, 小弟成日食日本o既拉麵,
但一蘭(無論係香港定日本)都真係第一次食......
說實話, 佢個辣醬真係唔錯, 但其餘都只係一般般。
不過佢o既自閉位可以俾小弟一個人靜靜地食,
呢個point又加番啲分。
時間黎到第二日, 去event o既日子。
中午係千葉animate附近o既老麥食個lunch之後,
一點左右就到達會場---千葉文化会館。
咁早黎到, 都係為左排隊買會場物販。
買完野都未夠鐘 , 仲有成粒幾鐘(1515先開show),
咁啱隔離就係千葉城, 於是過去行吓。
千葉城, 正確黎講應該係叫「亥鼻城」,
早係平安時代, 由 千葉常重 於千葉市中央区亥鼻町建立o既城。
當然, 真正o既城樓一早已經唔存在, 只係剩番城跡,
而家見到o既城, 係水泥建的,
成為左「千葉市立郷土博物館」。
入面除左有少量歷史物品展覽, 同埋一啲千葉縣o既介紹之外,
比較有趣o既係有一個corner, 展示左二戰後早期民居o既setting。
日本人愛稱「黒電話」。
小弟細個o既時候屋企都係呢種電話。
成日諗, 打999打得黎都俾個賊扑濕左......
頂層可以望番去禾葉文化会館。
1415進場, 1515開show
上圖係昼の部o既坐位。
川柳嗰部份真係笑到HIHI,
唔怪得夜の部先可以直播出街www
夜の部最高興有兩個位:
一, 係荻野可鈴佢地問最遠邊度黎,
我地有幾個人掙住答, 包括小弟黎自香港,
小弟隔黎嗰個黎自台灣。
荻野可鈴仲俾response我~yeah~~~
二, 明坂聡美走落觀眾席唱歌,
小弟正正坐路口位,
咁啱明坂聡美就企係小弟隔黎唱左成分鐘。
其實明坂聡美咁高質, 點解嫁唔出......
雖說一直都好想親身參與《てさぐれ!部活もの》o既EVENT
不過小弟初初都仲怕, 特登飛過黎睇個event值唔值得。
但結果係, 絕對值回票價有突。
呢個活動係小弟心裏面留下一個美好o既回憶。
晚上event完左, 醒起有啲事打電話搵個fd,
點知啱啱撞著好睬, 佢都黎左東京,
即刻約佢去上野黎個燒肉放題。
正呀喂。
第三日,
一個宅有咩好做丫, 咪又係行老秋。
咁啱老秋o既Atré做緊きらら展。
另外, 住友不動産秋葉原ビル地面有角川o既event。
大佬幾時寫埋落去.......
大熱o既當然唔少得《このすば》
上下圖, 見到有隻咬住アクアo既蟾蜍, 其實係一個遊戲。
參加者拎住めぐみんo既魔法棒, 大叫explosion,
然後分貝大過某個度數就有獎品(好似)。
可以見到上下圖蟾蜍左手邊有個數子顯示, 就係顯示分貝。
晚上搵個住係八王子o既fd食dinner之後, 就入機場。
好簡短咁, 兩日三夜o既行程就完結左。
沒有留言:
張貼留言