早見兩場個唱魷 --- 東京場

早見沙織演唱會, 小弟又點會錯過。
16/10東京場, 27/10大阪場, 小弟都一早買碟抽左飛 。

不過實在冇乜可能係日本住成兩個星期,
而且演唱會分開一東一西, 所以小弟都係要分兩次去日本。
因為冇乜旅遊o既野, 所以小弟將東京同大阪兩個短trip,
歸納成兩篇遊記就算。

 14/10中午上機, 去到東京市內已經係旁晚。

因為住係秋葉原附近o既關係, 小弟一如既往,
去食開嗰間九州じゃんがら秋葉原本店食拉麵。
地址: 101-0021 東京都千代田区外神田3丁目11−6



15/10, 約大個係日本工作o既朋友食lunch。
因為日本演唱會門票一般都係係日本入數,
所以只可以托呢位居於日本o既朋友黎代勞。

呢位係一位好耐冇見o既朋友,
所以約佢出黎食飯順便聚吓舊。

因為佢都係係秋葉原工作o既關係,
小弟提議黎呢間係秋葉原食慢煮牛o既店, PRIME RIB 禅
地址: 101-0021 東京都千代田区外神田4丁目4−3 小木曽ビル6階

會黎呢間, 係因為小弟睇到聲優節目声優と夜あそび介紹。
呢間店同中溫長時間興熟啲肉, 所以啲牛熟得黎唔會老,
又可以保留肉汁肉味。

晚上又約左另一個住係八王子o既fd食,
今次又係食牛........係日本連鎖快餐店いきなりステーキ。

 正。




16/10 到左演唱會正日。
當然唔洗一大朝早就去排隊o既,
因為演唱會地點係台場o既Zepp DiverTOKYO,
所以小弟早上先到台場睇場戲先。
黎排冇乜野上畫, 得番《この素晴らしい世界に祝福を！ 紅伝説》

俾錢o既時候, what!? 2800 yen咁乸貴o既, 原來係4D......
即係張凳會跟住搖黎搖去, 又吹風又噴水嗰啲。

初初諗, 睇動畫洗鬼4DX咩, 仲要係呢套搞笑片。
但意外地, 呢套動畫同4DX又幾夾,
因為劇入面有好多爆炸鏡頭,
啲震動同熱風, 好有臨場感, 有啲喜出望外。





中午去演唱會場地排物販。

然後再番入商場食個拉麵。

黎到台場, 點可以唔黎睇高達。

雖然小弟冇睇開高達系列,
但見到1:1 o既機械人,
仲要識得發光, 難免都會感到興奮。

 好, 到左戲玉。

聲優係個人演唱會入面唱動漫角色歌已經好難得,
因為好多版權利益等等o既問題,
但今次早見仲要係全部角色歌, 真係超珍貴。
加上早見歌唱力本身冇得頂, 所以真係超級enjoy。

初到《桃華月憚》同《我が家のお稲荷さま。》呢啲初代早見角色歌,
真係感無量。

其實小弟好想聽《フィルター》