放監喇!!!
因為COVID-19, 香港人被困住係香港足足三年,
終於放監喇!!!
老老實實, 小弟本身都冇話好心急一定要即刻去旅行,
不過因為咁啱轉職位, 要係1/12之前清晒啲假,
所以焗住一炮過係11月底放兩個星期假。
但大嗱嗱兩個星期留係屋企又真係好嘥,
而咁啱番港又改為實施0+3檢疫,
加上11月又係日本o既紅葉季節, 唔去日本仲可以做咩。
其實11月下旬睇紅葉的話,
來來去去都係東京同京都,
但東京冇乜紅葉好睇, 京都o既紅葉又大致上睇過晒,
淨低o既選擇就係---九州。
於是小弟就係短短一個月時間內,
由計劃行程到book酒店約local tour,
極速籌備呢次長達兩星期o既九州紅葉旅。
咁啱咁好彩, 買到平機票, 來回福岡都唔洗4千蚊。
旁晚到埗福岡, 就立刻搵食喇。
黎到九州, 有乜野比起モツ鍋(Mo-tsu Na-be)
更加適合打開九州之旅o既序幕。
所謂o既モツ鍋, 直譯應該叫牛小腸鍋,
好似火鍋咁, 但係主要配料係牛小腸同韮菜。
湯底多數係味噌, 或者係醬油。但以味噌最為大路。
難得再臨日本, 又係第一餐,
小弟毫不吝嗇, 搵左全福岡市最好評o既一間,
博多もつ鍋 やま中 本店。
〒815-0035 福岡県福岡市南区向野２丁目２−１２
由福岡駅搭地鐵, 幾個站就到大橋駅,
然後再行10分鐘左右就到。
個門面真係其貌不揚,
如果唔係一早bookmark左地圖, 真係行過左都唔知。
初初以為只係一間比較有名氣o既小店,
但一經過上圖右邊o既燈箱,
仲要兜一小個約經過個庭園先到玄關,
小弟就知道, 呢間係高級店。
餐牌只有最簡單o既3種湯底,
但呢間店有個規矩, 就係最低洗費係點二人份量o既湯底,
而且唔可以兩溝。
咁一場黎到, 就梗係點最大路o既味噌湯底啦。
本身點湯底, 已經會跟下圖o既基本餸菜,
就係個鍋本身已經有牛小腸同韮菜,
然後仲有一碟生o既韮菜+椰菜+芽菜+蒟蒻。
個味噌湯底真係好正,
味噌湯底, 就一定係偏鹹,
但佢唔係死鹹, 入口有一種甘甜,
加上牛小腸肴出黎o既牛脂,
簡直係最邪惡o既組合。
當然, 唔會就咁食牛小腸,
通常, 都唔係通常, 大家一定都會side order一粗麵加落去煮。
唔知有咩化學作用, 呢個モツ鍋煮出黎o既麵特別甜。
小弟初初仲以為係因為個麵餅本身就甜,
但清咬左一條麵, 又真係冇味架喎。
係個モツ鍋煮完出黎就好好味。
另外side order左福岡名物, 明太子。
同埋side order 左上圖o既和伴Albert Yip。
大滿足。
間舖大到有兩層, 有唔同o既compartments,
有啲係一圍枱o既箱房,
亦都有好似小弟呢間, 放幾張細枱o既compartment。
食到臨尾, 靚女侍應姐姐過黎問,
スープこゆくない？(湯底(煮太耐)會唔會太濃?)
可愛o既九州弁, 殺小弟措手不及,
為左聽佢用九州弁問多次,
小弟扮撞聾: 「なに？」
埋單o既時候, 發現有趣o既事,
就係張單o既編號, 係No1111, 1名
完全係光棍中既光棍。
睇到你又去玩真開心 ^0^ , 近況可好 ?
回覆刪除