魷日記: 七日六夜東京鎌倉自魷行第四日 --- 築地 + 明治神宮 + 新宿御苑 + 歌舞伎町 + 都廳展望室夜景

2010年8月19日星期四

七日六夜東京鎌倉自魷行第四日 --- 築地 + 明治神宮 + 新宿御苑 + 歌舞伎町 + 都廳展望室夜景

***************************************************
呢篇blog係三年後寫番o既回顧,
詳情請參閱「七日六夜東京鎌倉自魷行 Preface」,
當然, 看官無視呢點就咁睇落去都唔係問題。

***************************************************

前日提過, 咁啱咁好彩,

撞著築地市場一年得嗰三日o既暑假,

即刻重組行程, 係第四日o既今日,

先到築地參觀。

今次終於開門喇~
同前日真係兩個樣。

先係場外行下先。

求其食左串燒八爪魚仔,
其實唔覺有咩特別好食......

然後逛下場內

同前日完全冇人o既市場(下圖)真係兩個樣。

差唔多係時候醫肚,
不過間間食店都好多人排隊(上圖),
小弟唔想同人迫, 咁啱有一間叫「築地すし」o既,
好似啱啱開門, 所以冇乜人,
小弟就入左去。

有幾個menu揀,
一生人總要豪一次,
於是小弟就叫左個「お任せセット」,
即係交俾師父決定用咩當造o既海產做壽司。

其實小弟都唔係好識分邊種魚打邊種魚,
反正小弟平時都唔食魚......

「穴子」, 即係海鰻,
終於有機會食到。

仲有蝦頭湯。

埋單3750yen,
算係咁啦, 起碼用料新鮮同埋食得飽。

下一站係明治神宮。
淨係門口嗰個大鳥居、
又粗又大o既喬木, 同埋康莊o既大道,
已經好有莊嚴o既氣氛

入左參道, 正式進入神宮o既主建築之前,
路旁有一條小路, 係道向明治神宮御苑的(下圖),
入去兜個圈囉。

好多人排隊, 為左睇吓下圖呢口井。

話池水清澈, 而且終年都有水湧出黎咁話。

繼續行向明治神宮

點解啲樹可以咁大碌,
係香港真係冇乜幾可見到。

係明治神宮o既小賣店影左張咁o既野XD

行完明治神宮, 先祭五臟廟。

黎到原宿一間叫まい泉（まいせん）o既店,

食佢o既吉列豬扒定食,

香港啲旅遊書講到好似好好食咁。

因為間野唔係話特別起眼,
所以行過左龍都唔知。

對唔住, 嗰時小弟仲未好識點用單反,
所以影到啲相好黑......

淨係睇相都睇得出好好食,
外脆內軟, 肉汁滿瀉~

仲有雪芭做甜品。

食完野本身想係呢個潮流集中地-原宿-行下的,
不過潮流呢家野真係唔係好啱小弟......
係咁依行過下伊勢丹同0101......個門口,
結果都係行左去新宿御苑呢個大公園......

可能因為好多大樹,
感覺比起浜離宮庭園, 更加有一種森林o既感覺,
但又冇明治神宮嗰種莊嚴o既氣氛,
非常適合係度休息.....
於是小弟真係坐係啲長凳度瞓著左......

瞓左一個下午, 精神爽利,

下一站, 就係聞名已久o既歌舞伎町喇。

其實留心啲個名嗰三個字:「歌」「舞」「伎」
本身都唔係啲咩邪野,
簡單黎講, 即係賣藝。

不過又唔知點解歌舞伎町嗰幾條街,
又真係變左做紅燈區......

一行入歌舞伎町條街,
馬上會見到好多「無料案內所」閃到光燦燦咁,
「無料」即係免費、「案內所」即係資訊中心,
係啲咩資訊? 好孩子不要問!

小弟仲係學生一名, 當然唔會搞啲咁o既野啦。,

插曲,
經過一條比較少人o既巷仔,
見到有個瘦削o既呀叔係度掃地。
佢見到小弟, 就豎起隻尾指, 然後問小弟「點? 要唔要?」
大家應該會打左個突, 豎起隻尾指係咩意思?

其實係日本,
豎起隻尾指係「女朋友」、「情婦」o既暗語, 睇情況黎解讀啦。
小弟當然o既情況, 點都唔係問我要唔要女朋友啦,
於是小弟洒手擰頭, 急急腳走......

下一站係-都庁展望室-,
都廳, 即係政府總部啦,
佢o既頂樓係會開放俾一般人上去睇夜景的,
無需預約。

不過小弟去到時. 已經排左成二百幾米o既長龍......
呢個時間排得係度o既, 都只會係上去展望室......