七日六夜 東京鎌倉 自魷行 Preface

大家好, 呢一篇野,
其實係三年後寫番轉頭的,
因為最初嗰時只係打算係呢個blog寫working holiday o既野,
(講緊o既係yahoo未執之前嗰個blog)
不過過左一年之後, 又唔想浪費左呢個blog,
所以補番以前o既日本o既經歷。



第一彈有「四日三夜 廣島四國 旅行團」
有興趣o既可以按以下o既link閱覽
四日三夜 廣島四國 旅行團 Preface
四日三夜 廣島四國 旅行團 第一日 --- 厳島神社
四日三夜 廣島四國 旅行團 第二日 --- 今治タオル博物館 + 德島阿波踊り
四日三夜 廣島四國 旅行團 第三日 --- 明石海峽大橋 + 孫文紀念館 + 姬路城
四日三夜 廣島四國 旅行團 最終日 --- 岡山後樂園

多謝捧場m(_ _)m



好, 講番今次o既「七日六夜 東京鎌倉 自魷行」



事源係小弟MPhil畢業,
基本上論文都已經寫好,
只係等緊defense 同埋finalize 份論文,
所以8月開始都算得閒。

七月尾o既某一日,
某個朋友突然問小弟:
「點解你唔去下旅行o既?」
・
・
・
・
・
・
又係喎



同屋企人講吓, 佢地都讚成,
於是就以極速,
兩個星期內book機票、plan行程,
打造左呢七日六夜東京鎌倉之旅。



通常自己去旅行,
盡量都想早機去晚機返架啦,
不過早機去, 竟然係早上0800 take off......
早個零鐘check in, 再加埋車程,
都早到冇車出機場,
結果小弟o既第二次日本旅行,
同上一次去広島四国一樣,
都係係機場過夜等上機......

六點幾起身, 香港呢邊落大雨......
希望日本嗰邊好好地啦。