七日六夜 本州極西櫻花魷 --- 第六日 岡山後樂園 + 早見沙織Concert Tour 2019 "JUNCTION"大阪公演

琴晚係広島睇完演唱會, 今晚要到大阪睇。

由広島移動大阪當中, 點都偷少少時間,

係中途站 岡山 停留一下,

欣賞一下日本三大名園---岡山後楽園o既櫻花。

係2008年o既大學畢業旅行,

小弟已經黎過一次後楽園, 不過當時冇櫻花, 

但當時對後楽園有比較深入o既攝影同介紹,

有興趣o既朋友可以睇番:

四日三夜 廣島四國 旅行團 最終日 --- 岡山後樂園

十二點左右到岡山駅, 再轉巴士到後楽園。

未正式入到去園區範圍, 已經見到河堤開滿晒櫻花。

400yen可以遊覽咁大個庭園, 真心抵,
講緊由一頭行去另一頭, 起碼要15至20分鐘。

入去園區時, 發覺得好多巫女(唔係西方嗰啲, 而係日本神社公作o既女生)。
難度今日有咩function?
後來上網check番先知, 原來係一個叫御神幸o既祭典,
神職人員同お神輿係1100左右巡遊到後楽園,
然後1315會離開。

咁睇黎呢班人係黎到冇幾耐,
稍作休息, 然後又求吓神拜下佛咁。

Anyway, 遇著呢啲祭典係好難得,
但小弟o既目標係櫻花!




呢一篇主要都係櫻花做主角, 其他野唔多講喇,
睇多啲後楽園o既一草一木、平臺樓閣的話,
請到2008嗰篇blog
有關四日三夜 廣島四國 旅行團 最終日 --- 岡山後樂園


正中間嗰個係岡山城

呢條橋加上枝垂櫻, 成為打咭熱點

後楽園西南面入口廉池軒

然後下面一系列都係後楽園東南部o既相,
後楽園主要o既櫻花群都係聚集係東南部。

櫻花形成簷蓬

真係鋪天蓋地都係櫻花

可能圖片又啲細, 加上透過鏡頭唔係太表達到,
但一陣風吹過黎, 成千上萬o既花瓣隨風而舞,
真真正正o既櫻吹雪。

因為櫻花花開都係乍暖還寒o既時期,
所以偶爾都會見到俾天氣騙過o既紅葉,
正如紅葉時期都會間唔中見到櫻花。

下三圖主要係「流店」, 後楽園o既其中一間小屋

下三圖主要係唯心山附近拍攝

因為要趕過去大阪睇演唱會o既關係,
所以只係係後楽園逗留左短短一小時就走人。
咁啱御神幸o既巡遊隊伍都係呢個時候走,
於是影番幾張。

旅遊o既部份黎到呢度,
下午到大阪睇完早見沙織演唱會,
再食碗大大碗o既拉麵就安心瞓覺。